आजको लेख

मारूनी नाच नेपालको परम्परागत नृत्य हो । भर्खरका कलिला केटा मान्छेलाई केटीका परम्परागत लुगाहरू लगाएर मारूनी बनाई मादलको तालमा पुराना पौराणिक कथाहरूमा आधारीत गीतहरू गाएर नाचिने यो नाच नेपालका मगर, कुमाल, गुरुङ, तामाङ, लिम्बू जातीहरूको मुख्य संस्कृति रहेता पनि यो नाच प्राय सबै ठाउँमा सबै जातीले अपनाएको देखिन्छ। परम्परागत रुपमा नाचिने यो नाच प्रायः दशैं, तिहारमा नाच्ने नाच हो । धान काटेर थन्काइ सके पछि मारूनी नाच फुकाउने परम्परागत प्रचलन रहेको छ । कुनै ठाउँमा मारूनी नाच तीजको दिनमा सुरु गरिन्छ भने कुनै ठाउँमा दशैंको कालरात्रीको दिन सुरु गरिन्छ । मारूनी नाच सुरु गर्नुलाई नाच बाँध्ने भनिन्छ । नाच बन्द गर्नुलाई नाच फुकाउने भनिन्छ । वर्षमा करिब तीन महिनाको अवधी भित्र मात्र कुनै कुनै दिन नाचिने यस परम्परागत नृत्यमा रामायण, महाभारत आदी धार्मिक ग्रन्थहरूका कथालाई लोक गाथामा मिलाएर गाउने गरिन्छ । मादलको तालमा मारूनी र मादले नाच्ने यस नाचमा ताल पनि परम्परागत नै हुन्छ । (पूरा लेख...)

समाचारमा आज

किम तथा ट्रम्पबीच भेट वार्ता

• ताप्लेजुङमा दुर्घटनामा संस्कृति, पर्यटन तथा नागरिक उड्डयनमन्त्री रवीन्द्र अधिकारीसहित ७ जनाको मृत्यु ।
• अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच सिङ्गापुरमा पहिलो भेटवार्ता सम्पन्न ।
• बेलायती भौतिकशास्त्री तथा ब्रह्माण्ड-बैज्ञानिक स्टिफन हकिङको ७६ वर्षको उमेरमा निधन ।
• त्रिभुवन अन्तर्राष्ट्रिय विमानस्थलमा अवतरणको क्रममा युएस बङ्गला विमान दुर्घटना हुँदा ५१ जनाको मृत्यु ।
• खड्गप्रसाद ओली दोस्रो पटक नेपालको प्रधानमन्त्री नियुक्त ।
• नेपाली विकिपिडिया विश्वका विकीहरूको सूचीमा ३२,९४९ लेखहरूका साथ ९९औँ स्थानमा पुगेको छ ।