स्वीडेन महिला राष्ट्रिय फुटबल टोली

स्वीडेन महिला राष्ट्रिय फुटबल टोली  (स्वीडेनी: svenska damfotbollslandslag) अन्तर्राष्ट्रिय फुटबल प्रतियोगिताहरूमा स्वीडेनको प्रतिनिधित्व गर्ने एक राष्ट्रिय फुटबल टोली हो।[३] यसलाई स्वीडेनी फुटबल सङ्घले (स्वीडेनी: Svenska Fotbollförbundet) नियन्त्रण गर्दछ। यस स्वीडेनी राष्ट्रिय टोलीले सन् १९८४ को युरोपेली महिलाको उपाधि जितेको थियो भने यसले सन् २००३ को फिफा महिला विश्वकपको उप विजेता बनेको थियो। टोलीले सन् १९८७, सन् १९९५ र सन् २००१ को युरोपेली महिलाको उपाधि जित्न सफल भएको थियो। टोली हालसम्म ६ वटा ओलम्पिक खेल, ८ वटा फिफा महिला विश्वकपका साथसाथै १० वटा युरोपेली प्रतियोगितामा सहभागिता जनाइसकेको छ। स्वीडेनी राष्ट्रिय महिला टोली सन् १९९१, सन् २०११ र सन् २०१९ फिफा महिला विश्वकपमा तेस्रो स्थान प्राप्त गरेको थियो।

स्वीडेन
Shirt badge/Association crest
उपनाम(हरू)Blågult
(निलो र पहेँलो)
सङ्गठनSvenska Fotbollförbundet/स्वीडेनी फुटबल सङ्घ
सङ्गठनयुरोपेली फुटबल महासङ्घ (युरोप)
प्रमुख प्रशिक्षकPeter Gerhardsson
कप्तानक्यारोलिन सेगेर
सर्वाधिक उपस्थितिTherese Sjögran (२१४)[१]
सर्वाधिक गोलकर्तालोत्ता सिलिन (८५)[२]
गृह रङ्गशालाGamla Ullevi
फिफा अङ्कSWE
फिफा वरियता क्रमढाँचा:फिफा महिला विश्व वरियता
फिफा उच्च वरियता क्रम(जुन २००७)
फिफा निम्न वरियता क्रम११ (जुन २०१८)
गृह जर्सी
बाह्य जर्सी
पहिलो अन्तर्राष्ट्रिय
 स्वीडेन ०–० फिनल्यान्ड 
(मारिहाम्न, फिनल्यान्ड; २५ अगस्ट १९७३)
ठूलो विजय
 स्वीडेन १७–० अजरबैजान 
(योहतेबोर्य, स्वीडेन; २३ जुन २०१०)
ठूलो हार
 ब्राजिल ५–१ स्वीडेन 
(रियो दि जेनेरियो, ब्राजिल; ६ अगस्ट २०१६)
विश्वकप
खेलहरू८ (पहिलो खेल: १९९१)
उत्कृष्ट नतिजाउप-विजेता (सन् २००३)
युरोपेली प्रतियोगिता
खेलहरू१० (पहिलो खेल: सन् १९८४)
उत्कृष्ट नतिजाविजेता (सन् १९८४)

फिफाले सन् २००३ मा फिफा महिला विश्व वरियताको परिचय गराएपछि, टोलील सन् २००३ मै तेस्रो देखि छैटौँ स्थान सम्म कायम रहन सफल भएको थियो। सन् २०१५ मा, टोलीमा केही परिवर्तन आएसँगै यो फिफा महिला विश्व वरियताको सातौँ स्थानमा पुगेको थियो।[४]

जानकारीसम्पादन

सन् २००३ को फिफा महिला विश्वकप स्वीडेनमा त्यस वर्षको सबैभन्दा धेरै हेरिएको खेल बनेको थियो। स्वीडेन महिला राष्ट्रिय टोलीका लागि लोत्ता सिलिन सर्वाधिक गोलकर्ता हुन्। उनले राष्ट्रको लागि अन्तर्राष्ट्रिय प्रतियोगिताहरूमा हालसम्म ८५ गोल गरिसकेकी छिन्। लोत्ता सिलिनले २९ अक्टोबर २०१४ मा, जर्मनी विरुद्धको खेलमा Hanna Ljungberg को ७२ गोलको किर्तिमानी भङ्ग गरेकी थिइन्। Therese Sjögran ले स्वीडेनको महिला टोलीको प्रतिनिधित्व गर्दै हालसम्म राष्ट्रको लागि २१४ उपस्थिति बनाएकी छिन्। टोलीको प्रमुख प्रशिक्षकको रूपमा सन् २००५ देखि २०१२ सम्म थोमस देनबीले रहेका थिए भने सन् २०१२ देखि सन् २०१७ सम्म, यो पदमा पिया सुन्धगेले नियुक्त भएकी थिइन्। हाल टोलीका मुख्य प्रशिक्षक Peter Gerhardsson हुन्। सन् २००८ मा, चीनको राजधानी बेइजिङमा भएको ओलम्पिक खेलको दुईवटा छनोट खेलमा टोलीले डेनमार्कलाई पराजित गरेसँगै स्वीडेनी ओलम्पिक समितिले नतिजा आफ्नो पक्षमा पर्ने अभिलाषाका साथ टोलीमा केही रकम लगानी गरेको थियो। खेलाडीहरूको स्तर उन्नति गर्नका लागि समितिले डेढ लाख भन्दा बढी स्वीडेनी क्रोना लगानी गरेको थियो भने यसले समग्रमा १० लाख भन्दा बढी रकम बजेटको रूपमा छुट्याएको थियो। सन् २००५ र सन् २००६ को दमलसेभेस्कनका लागि समितिले कोषमा १००% ले वृद्धि गरेको जनाएको थियो। सन् २०१३ देखि, राष्ट्रिय टोलीको विकास तथा अवस्थाको बारेमा स्वीडेनको राष्ट्रिय दूरदर्शन स्भारिया तिलिभिजनले देन आन्द्रे स्पोर्तेन नामक एक वृत्तचित्र शृङ्खला प्रस्तुत गरेको छ।

इतिहाससम्पादन

स्वीडेनी महिला राष्ट्रिय टोलीले २६ जुलाई १९७४ मा, फिनल्यान्डको विरुद्धमा आफ्नो पहिलो आधिकारिक खेल खेलेको थियो। यस भन्दा अगाडि सन् १९७१ मा, टोलीले पहिलो अनौपचारिक विश्व च्याम्पियनसिपको छनोटको खेल डेनमार्कको विरुद्धमा खेलेको थियो जसमा टोली ०-५ गोल अन्तरले पराजित हुन पुगेको थियो। त्यसपछिका वर्षहरूमा, टोलीफे स्क्यानदिनेभियाका छिमेकीहरू विरुद्ध अधिकांश खेलहरू खेलेको थियो। सन् १९८४ मा स्वीडेनी महिला टोलीले पहिलो पटक युरोपेली उपाधि हात पारेको थियो जसमा फाइनल खेल दुईवटा चरणमा खेलाइएको थियो। पहिलो पटकस्वीडेनले इङ्ल्यान्ड विरुद्धको घरेलु खेलमा १-० ले जित निकालेको थियो। इङ्ल्यान्डमा टोलीले खेल बराबरी भएपछि पेनाल्टी सुटआउटमा ४-३ ले खेल जितेको थियो। सन् १९८७ को युरोपेली प्रतियोगितामा टोली फाइनलमा नर्वेसँग पराजित हुँदै उप विजेता बनेको थियो भने सन् १९८९ मा, इताली विरूद्ध २-१ को जित पछि टोलीले तेस्रो स्थान प्राप्त गरेको थियो।

सन् १९९१ मा चीनमा भएको पहिलो विश्वकपमा स्वीडेनले जर्मनीलाई ४-० गोल अन्तरले पराजित गरेको थियो। सन् १९९५ मा, युरोपेली प्रतियोगितामा स्वीडेनले जर्मनीको विरूद्धको अन्तिम खेलमा २-३ ले खेल गुमाउन पुगेको थियो र सन् १९९५ मा आफ्नै देशमा भएको विश्वकपमा स्वीडेन क्वार्टर फाइनलमा चीन विरुद्ध पेनाल्टी पछि पराजित भएको थियो र सन् १९९९ को फिफा महिला विश्वकपमा टोली क्वार्टर फाइनलमा नर्वेसँग पराजित भएको थियो।[५]

सन् २००१ मा टोली युरोपेली प्रतियोगिताको फाइनल पुगेको थियो तथापि टोली जर्मनीसँग पराजित हुँदै उप विजेतामा चित्त बुझाएको थियो। क्लाउडिया मुलरको एक उत्कृष्ट गोलको सहायताले जर्मनीले टोलीलाई १-० ले पाखा लगाएको थियो। संयुक्त राज्य अमेरिकामा सन् २००३ मा भएको फिफा महिला विश्वकपमा, टोली पहिलो पटक विश्वकप फाइनलमा पुगेको थियो र जर्मनीसँग पुन: पराजित भएको थियो।[६]

स्वीडेनले सन् १९९६ एतलान्ता र सन् २००० मा सिड्नीमा भएको ओलम्पिक फुटबल प्रतियोगितामा भाग लिएको थियो। टोली तेस्रो हुँदै प्रारम्भिक चरणबाटै बाहिरिएको थियो। सन् २००४ मा युनानमा भएको ओलम्पिक फुटबल प्रतियोगितामा स्वीडेनले तेस्रो स्थानको खेल ०-१ गोल अन्तरले जर्मनीको विरुद्धमा गुमाउन पुगेको थियो। सन् २००७ मा भएको फिफा महिला विश्वकपमा स्वीडेनी टोली पहिलो पटक विश्वकपको प्रारम्भिक चरणबटै बाहिरिएको थियो। सन् २००८ मा, स्वीडेनले ओलम्पिक खेलको क्वार्टर फाइनलमा जर्मनीलाई ०-२ ले हराउन सफल भएको थियो। स्वीडेनले आल्गार्भे कप तीन पटक (सन् १९९५, सन् २००१ र सन् २००९) मा जितेको छ र टोलीले सन् १९९६ मा, यसमा दोस्रो स्थान हासिल गरेको थियो। सन् २०१० मा तेस्रो स्थानमा पुगेपछि टोलीे निम्न वर्षहरूमा वरियतामा चौथो स्थानमा परेको थियो।[५]

फिफा महिला विश्वकपको छनोटमा टोलीले डेनमार्कलाई हराएसँगै टोली सन् २०११ मा जर्मनीमा भएको फिफा महिला विश्वकपमा सहभागी हुने अवसर प्राप्त गरेको थियो। टोलीले विश्वकै शीर्ष स्थानमा रहेको संयुक्त राज्य अमेरिकालाई क्वाटर र अष्ट्रेलियालाई सेमिफाइनलमा हराएको थियो। भविष्यको विश्व विजेता जापान विरूद्ध ३-१ ले पराजित भएको टोलीले तेस्रो स्थानको लागि फ्रान्सको विरूद्धको खेलमा २-१ गोल अन्तरले जित निकालेको थियो। सन् २०१२ ओलम्पिक फुटबल प्रतियोगिताको लागि स्वीडेनले सर्वश्रेष्ठ युरोपेली टोलीको रूपमा छनोट भएको थियो।[७]

सन् २०१२ ओलम्पिक खेलहरूको समूह चरणमा, टोलीले विश्व विजेता जापानसँग गोल रहित बराबरी खेल खेलेको थियो भने टोलीक्यानडासँग पनि २: २ मा बाँधिएको थियो। टोलीले पहिलो पटक दक्षिण अफ्रिकालाए ४-१ गोल अन्तरले पराजित गरेको थियो। क्वाटरफाइनलमा टोली फ्रान्ससँग १-२ गोल अन्तरले पराजित भएको थियो।ओलम्पिक खेल पश्चात्, स्वीडेनी अन्तर्राष्ट्रिय महिला फुटबल खेलाडी पिया सुन्धगेले टोलीको प्रशिक्षकको रूपमा नियुक्त भएकी थिइन्।[८]

सन् २०१३ मा, स्वीडेनले दोस्रो पटक युरोपेली प्रतियोगिताको फाइनलको आयोजना गरेको थियो, जसले स्वचालित रूपमा टोलीलाई छनोट गरेको थियो। मनपर्नेको रूपमा सुरु भएको टोली सेमिफाइनलमा पूर्व विजेता जर्मनीको विरूद्ध पराजित भएको थियो। टोली पछि विश्वकपमा जर्मनीसँग पुन: १-४ गोल अन्तरले पराजित भएको थियो।[९]

सन् २०१६ को ओलम्पिक खेलमा, टोली पहिलो पटक अमेरिका र आयोजक ब्राजिललाई पराजित गर्दै फाइनल प्रवेश गरेको थियो जहाँ टोली जर्मनी विरुद्धको खेलमा १-२ गोल अन्तरले पराजित भएको थियो। केही अन्तर्राष्ट्रिय खेल पश्चात्, सुन्धगेले पदबाट राजिनामा दिएकी थिइन् र यो पदमा Peter Gerhardsson लाई नियुक्त गरिएको थियो। सन् २०१९ को फिफा महिला विश्वकपका लागि छनोट भएको थियो र टोलीले तेस्रो स्थान प्राप्त गरेको थियो।[१०]

खेलाडीहरूसम्पादन

खेलाडी विवरणसम्पादन

प्रशिक्षकहरूसम्पादन

हालसालैका खेलेका खेल तथा नतिजाहरूसम्पादन

सम्मानहरूसम्पादन

उप-विजेता: सन् २००३
तेस्रो स्थान: सन् १९९१, सन् २०११, सन् २०१९

प्रतियोगिता विवरणसम्पादन

सन्दर्भ सामग्रीहरूसम्पादन

  1. Sjögran उपस्थिति तथा गोलहरू
  2. सिलिनको उपस्थिति तथा गोलहरू
  3. "Förlust i Örebro mot Tyskland", स्वीडेनी फुटबल सङ्घ (स्वीडेनीमा), २९ अक्टोबर २०१४, अन्तिम पहुँच २९ अक्टोबर २०१४ 
  4. Mats Bråstedt, "'SOK lovar damerna en storsatsning'", Expressen.se, अन्तिम पहुँच २६ अक्टोबर २००७ 
  5. ५.० ५.१ Eva (२१ सेप्टेम्बर २००३), "Genombrottet för svensk damfotboll", idrottsforum.org, Malmö universitet, अन्तिम पहुँच १५ डिसेम्बर २०१७ 
  6. उद्दरण त्रुटी: Invalid <ref> tag; no text was provided for refs named vina
  7. "Damfotbollens historia". halmia.se. Läst 15 augusti 2016.
  8. "महिला विश्व वरियतन - स्वीडेन" (स्भेन्स्कामा), Fifa, अन्तिम पहुँच १६ mars २०१५ 
  9. "Olympic play-off draw made", uefa.com, मूलबाट १९ februari २००८-मा सङ्ग्रहित, अन्तिम पहुँच २८ सेप्टेम्बर २००७ 
  10. Anders Sännås Lundqvist Följ skribent (२९ juli २०१७), "Förlust mot Nederländerna – Sverige ute ur EM" (स्भेन्स्कामा), Dagens nyheter, अन्तिम पहुँच ३१ juli २०१७ 
  11. आलगार्भे कप
  12. नर्दिय महिला प्रतियोगिता सन् १९७४–१९८२ आरएसएसएसएफ डटकम/ अभिगमन मिति २००९–०३–१३।
  13. साइप्रस प्रतियोगिता (महिला) सन् १९९०–१९९३ आरएसएसएसएफ डटकम अभिगमन मिति १२ अक्टोबर २०१३।
  14. उत्तर अमेरिका कप १९८७ आरएसएसएसएफ डटकम अभिगमन मिति १२ अक्टोबर २०१३।
  15. अस्ट्रेलिया कप सन् १९९९–२००४ ।आरएसएसएसएफ डटकम अभिगमन मिति १२ अक्टोबर २०१३।

बाह्य कडीहरूसम्पादन