शुक्लाफाँटा नगरपालिका

शुक्लाफाँटा नगरपालिका कञ्चनपुर जिल्लाका ७ नगरपालिकाहरू मध्ये एक हो। २०७३ फागुन २७ मा, साविकका झलारी र पिपलाडी मिलेर बनेको झलारी पिपलाडी नगरपालिकाको रूपमा अस्तित्वमा आएको थियो भने २७ फागुन २०७३ मा, नगरपालिकाको क्षेत्रविस्तार गर्दा र देखतभुली (४,६) गाविस यसमा गाभिएको थियो र शुक्लाफाँटा नगरपालिका बनेको थियो। शुक्लाफाँटा नगरपालिकामा जम्मा १२ वटा वडा मिलेर बनेको छ। जिल्लाको सदरमुकाम भीमदत्तनगर देखि २० किलोमिटर टाढा पश्चिम तर्फ रहेको यस नगरपालिकाले आफ्नै खालको धार्मिक, राजनैतिक र सामाजिक महत्त्व र विशेषता बोकेको छ। यस नगरपालिका क्षेत्रमा सबै जातजाति धर्म तथा क्षेत्रका मानिसहरूको मिश्रित बसोवास रहेको छ।

शुक्लाफाँटा नगरपालिका
नगरपालिका
शुक्लाफाँटा राष्ट्रिय निकुञ्ज अन्तरगत हिरापूर कृष्णसार संरक्षण क्षेत्र
सुदूरपश्चिम प्रदेशको नक्सामा शुक्लाफाँटा नगरपालिकाको अवस्थिति शुक्लाफाँटा नगरपालिका (नेपाल)
निर्देशाङ्क: २८.७७३°N ८०.२६४°E / 28.773; 80.264
देश	नेपाल
प्रदेश	सुदूरपश्चिम प्रदेश
जिल्ला	कञ्चनपुर
स्थापित	२०७१ मङ्सिर १६
सरकार
• नगरप्रमुख	पोतीलाल चौधरी (नेकपा (माओवादी केन्द्र))
• उपप्रमुख	जोगराम चौधरी (नेकपा (एमाले))
क्षेत्रफल
• जम्मा	१६२.५७ किमी२ (६२.७७ वर्ग माइल)
जनसङ्ख्या  (राष्ट्रिय जनगणना २०७८)
• जम्मा	५३,९६९
• घनत्व	३३०/किमी२ (८६०/वर्ग माइल)
समय क्षेत्र	युटिसी+५:४५ (नेपाली समय)
क्षेत्रीय सङ्केत	+९७७-०९९
वेबसाइट	आधिकारिक वेबसाइट

कञ्चनपुर जिल्लाको पूर्वपश्चिम राजमार्ग अन्तर्गत मध्य विन्दूमा रहेको १६२.५७ वर्ग कि.मि. क्षेत्रफलमा फैलिएको छ। यस नगरपालिकाको भू–आकृति स्वरुप करिब सवैजसो समतल रहेको छ। यस नगरपालिकाको पूर्वमा कृष्णपुर नगरपालिका, पश्चिममा शुक्लाफाँट वन्यजन्तु आरक्ष र बेदकोट नगरपालिका, उत्तरमा डडेल्धुराको चुरे पर्वत र दक्षिणमा लालझाडी गाउँपालिका र शुक्लाफाँट राष्ट्रिय निकुञ्ज रहेको छ। यस नगरपालिकाको अधिकतम तापक्रम ३८ डिग्री र न्युनतम तापक्रम ९ डिग्री रहेको पाईन्छ।

जनसङ्ख्या

राष्ट्रिय जनगणना २०७८को जनगणना अनुसार शुक्लाफाँटा नगरपालिकाको कुल जनसङ्ख्या ५३,९६९ रहेको छ भने यहाँ १२,०५८ घरधुरी रहेका छन्।

बाह्य कडीहरू

• जिल्ला विकास समिति, कञ्चनपुर