द्वियौनिकता

आफू भन्दा समान लैङ्गिकता भएका र आफू भन्दा विपरीत लैङ्गिकता भएका दुबैप्रति यौन तथा प्रणयात्मक आकरषण हुनु द्वियौनिकता हो। यस्तो आकर्षण महसुस गर्ने व्यक्तिहरू द्वियौनिक व्यक्तिहरू हुन् । अङ्ग्रेजीमा द्वाियौनिकतालाई बाईसेक्सउवालिटी भनिन्छ।

पहिचान र व्यवहार

महिला र पुरुष दुबै तर्फ यौन तथा प्रणयात्मक आकर्षण महसुस गर्नु द्वियौनिकता हो । अमेरिकी मनोवैज्ञानिक संगठनका अनुसार यौन अभिमुखिकरणको अस्तित्व अबाध क्रममा रहेको हुन्छ । यस अर्थात् कोही व्यक्ति केवल विषमयौनिक वा समयौनिक हुँदैनन् र विविध ढङ्गले यौन अकार्षण महसुस गर्न सक्छन् । यौन अभिमुखिकरण व्यक्तिहरूको जीवनको विभिन्न चरणहरूमा विकास हुन सक्छ वा व्यक्तिले जीवनको जुनसुकै समयमा पनि एहसास गर्न सक्छ ।

जनसंख्या

वैज्ञानिक आकलनका अनुसार द्वियौनिकताको व्यापकता ०.७% देखि ८% सम्म रहेको अनुमान गरिएको छ । सन् २००२ ताका संयुक्त राष्ट्र अमेरिकामा स्वास्थ्य तथ्याङ्कका लागि राष्ट्रिय केन्द्रले गरेको सर्वेक्षण अनुसार १८ देखि ४४ वर्षका पुरुषहरूमा १.८ प्रतिशत व्यक्तिहरू द्वियौनिक रहेको पाइएको छ ।

समाज

द्वियौनिक व्यक्तिहरू क्वयेर विविधता अन्तर्गत पर्दछन् । समयौनिक व्यक्ति र पारलैङ्गिक व्यक्तिहरूसँगै द्वियौनिक व्यक्तिहरूलाई अङ्ग्रेजीमा एलजिबिटी भनेर पनि जनाउने गरिएको छ ।

विभेद

मुख्य लेख: द्विद्वेषिता

द्वियौनिक व्यक्तिहरू आफ्नो यौन अभिमुखिकरणका कारणले विभेदको भोग्नुपरेका छन् । द्वियौनिक व्यक्तिहरूले विषमयौनिक व्यक्तिहरूबाट मात्र नभएर समयौनिक व्यक्तिहरूबाट पनि विभेद र लाञ्छना भोग्दछन् । द्वियौनिक व्यक्तिहरूलाई उनीहरू द्वियौनिक भएकै आधारमा गरिने घृणा, विभेद, लाञ्छना र अवहेलनालाई द्विद्वेषिता (बाइफोबिया) भनिन्छ ।

चिन्ह

मुख्य लेख: द्वियौनिक गौरव झण्डा

द्वियौनिक गौरव झण्डा

द्वियौनिक व्यक्तिहरूलाई जनाउन द्वियौनिक गौरव झण्डाको प्रयोग गरिन्छ ।