खिजीदेम्वा गाउँपालिका

खिजीदेम्वा गाउँपालिका ओखलढुङ्गा जिल्लाका ७ गाउँपालिकाहरू मध्ये एक हो। २७ फागुन २०७३ मा, गाउँपालिका घोषणा गर्दा साविकका रगनी, खिजीचण्डेश्वरी, खिजीकाती, खिजीफलाटे, पोकली-९, रावादोलु, पात्ले (३-६) र भुसिङ्गा गाविसहरू यसमा गाभिएका थिए। गाउँपालिकाको सिमाना पूर्वमा मोलुङ गाउँपालिका र सोलुखुम्बु जिल्ला, पश्चिममा रामेछाप जिल्ला, उत्तरमा सोलुखुम्बु जिल्ला र दक्षिणमा लिखु र मोलुङ गाउँपालिका रहेको छ। यस गाउँपालिकाको क्षेत्रफल १७९.७७ वर्ग किलोमिटर रहेको छ । यस गाउँपालिकाको मुख्य कार्यालय ५ नम्म्बर वडाको खिजिफलाटे भन्ने ठाउँमा रहेको छ । यस गाउँपालिकालाई ९ वटा वडामा विभाजन गरिएको छ।

खिजीदेम्वा गाउँपालिका
गाउँपालिका
खिजीदेम्वा गाउँपालिकाको वडा विभाजन
कोशी प्रदेशको नक्सामा खिजीदेम्वा गाउँपालिकाको अवस्थिति खिजीदेम्वा गाउँपालिका (नेपाल)
निर्देशाङ्क: २७.४३°N ८६.३७°E / 27.43; 86.37
देश	नेपाल
प्रदेश	कोशी प्रदेश
जिल्ला	ओखलढुङ्गा
स्थापित	२७ फागुन २०७३
सरकार
• अध्यक्ष	गम्बु शेर्पा (जनता समाजवादी पार्टी, नेपाल)
• उपाध्यक्ष	सुशिला तामाङ (नेपाली काङ्ग्रेस)
क्षेत्रफल
• जम्मा	१७९.७७ किमी२ (६९.४१ वर्ग माइल)
जनसङ्ख्या  (राष्ट्रिय जनगणना २०७८)
• जम्मा	१५,५५९
• घनत्व	८७/किमी२ (२२०/वर्ग माइल)
समय क्षेत्र	युटिसी+५:४५ (नेपाली समय)
क्षेत्रीय सङ्केत	+९७७-०३७
वेबसाइट	आधिकारिक वेबसाइट

जनसङ्ख्या

राष्ट्रिय जनगणना २०७८को जनगणना अनुसार खिजीदेम्वा गाउँपालिकाको कुल जनसङ्ख्या १५,५५९ रहेको छ भने यहाँ ३,४३८ घरधुरी रहेका छन्। यहाँ क्षेत्री, ब्राह्मण, तामाङ, नेवार, शेर्पा, सुनुवार आदि जातजातिहरूको बाहुल्यता रहेको छ । यस क्षेत्रमा अन्य ३५ भन्दा वढी जातजातिको वसोवास गर्दछन्। यस क्षेत्रमा बोलिने मुख्य भाषाहरूमा नेपाली, शेर्पा र सुनुवार पर्दछन्। अन्य २५ भन्दा बढी भाषाहरु बोल्ने मानिसहरु यस क्षेत्रमा रहेको छन् । हिन्दु र बौद्ध यहाँको मुख्यधर्म हो । इस्लाम, किराँत, जैन, इसाई, बोन र प्रकृति धर्म मान्ने जनसङ्ख्या पनि उल्लेख्य मात्रामा रहेको छ।

बाह्य कडीहरू

• जिल्ला विकास समितिको कार्यालय, ओखलढुङ्गा वेब्याक मेसिन अभिलेखिकरण २०२४-०५-१८ मिति