खिजीदेम्वा गाउँपालिका

कोशी प्रदेशको पश्चिमी क्षेत्रको पहाडी जिल्ला ओखलढुङ्गामा अवस्थित खिजीदेम्वा गाउँपालिकाको सिमाना पूर्वमा मोलुङ्ग गाउँपालिका र सोलुखुम्बु जिल्ला, पश्चिममा रामेछाप जिल्ला, उत्तरमा सोलुखुम्बु जिल्ला र दक्षिणमा लिखु र मोलुङ्ग गाउँपालिका रहेको छ । यस गाउँपालिकाको क्षेत्रफल १७९.७७ वर्ग किलोमिटर रहेको छ । यस गाउँपालिकाको मुख्यकार्यालय ५ नंम्बर वडाको खिजिफलाटे भन्ने ठाउँमा रहेको छ । यस गाउँपालिकालाई ९ वटा वडामा विभाजन गरिएको छ ।

खिजीदेम्वा Khijidemba
गाउँपालिका
खिजीदेम्वा गाउँपालिकाको वडा विभाजन
देश	नेपाल
प्रदेश	कोशी प्रदेश
जिल्ला	ओखलढुंगा जिल्ला
वडा संख्या	९
स्थापना	२७ फाल्गुण २०७३
सरकार
• प्रकार	गाउँ कार्यपालिका
• प्रमुख	गम्बु शेर्पा (जनता समाजवादी पार्टी)
• उपप्रमुख	सुशिला तामाङ (नेपाली काँग्रेस)
क्षेत्रफल
• जम्मा	१७९.७७ किमी२ (६९.४१ वर्ग माइल)
जनसङ्ख्या  (२०६८)
• जम्मा	१५२९१
• घनत्व	८५/किमी२ (२२०/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-०३७
कार्यालय	खिजिफलाटे
वेबसाइट	www.khijidembamun.gov.np

२०६८ सालको राष्ट्रिय जनगणना अनुसार १५२९१ जनसंख्या रहेको खिजीदेम्वा गाउँपालिकामा क्षेत्री, ब्राह्मण, तामाङ, नेवार, शेर्पा, सुनुवार आदि जातजातिहरूको बाहुल्यता रहेको छ । यस क्षेत्रमाअन्य ३५ भन्दा वढी जातजातिको वसोवास गर्दछन् । यस क्षेत्रमा बोलिने मुख्य भाषाहरूमा नेपाली, शेर्पा र सुनुवार पर्दछन् । अन्य २५ भन्दा बढी भाषाहरु बोल्ने मानिसहरु यस क्षेत्रमा रहेको छन् । हिन्दु र बौद्ध यहाँको मुख्यधर्म हो । इस्लाम, किराँत, जैन, क्रिश्चियन, बोन र प्रकृतिधर्म मान्ने जनसंख्या पनि उल्लेख्य मात्रामा रहेको छ ।