साझा प्रकाशन

साझा प्रकाशन नेपालको पुरानो प्रकाशन गृह हो । यस संस्थामा नेपाल सरकारको ६०% सेयर लगानी भएको छ भने बाँकी ४०% सेयर साहित्यकार, पत्रकार, शिक्षासेवीसहित सर्वसाधारण नेपाली नागरिक विभाजन गरिएको छ ।

साझा प्रकाशन

सहायक कम्पनी	साझा प्रकाशन
स्थिति	सक्रिय
स्थापना	वि.सं. १९७० (सन् १९१३)
मूल राष्ट्र	नेपाल
मुख्यालय स्थान	पुलचोक, ललितपुर
वितरक	साझा पुरस्कार [[साझा बालसाहित्य पुरस्कार]] साझा लोकसाहित्य पुरस्कार
प्रकाशन प्रकार	गरिमा
No. of employees	१००
आधिकारिक वेबसाइट	www.sajha.org.np

स्थापना

यसको स्थापना वि.सं. १९७० मा गोर्खा भाषा प्रकाशिनी समितिको नाममा भएको हो । उक्त समितिको नाम वि.सं. १९९० मा नेपाली भाषा प्रकाशिनी समिति भएको थियो। वि.सं. २०२१ साल मंसिर १७ गतेदेखि उक्त संस्था साझा प्रकाशनको नामबाट सञ्चालन हुँदै आएको छ। ^{[स्रोत नखुलेको]}

यस प्रकाशनले २०३९ साल पुस महिनादेखि नियमितरूपमा गरिमाको प्रकाशन गर्दै आएको छ।^{[स्रोत नखुलेको]}

वर्तमान स्थिति

साझा प्रकाशनका वर्तमान अध्यक्ष डा.विजय सुब्बा हुन् । साझा प्रकाशनको महाप्रबन्धकको रूपमा जनक शिक्षा सामग्री केन्द्रका पूर्व कर्मचारी,साहित्यमा कलम चलाउने गरेका श्री मिलनराज गर्तौला खुला प्रतिस्पर्धाबाट हालै नियुक्त भएका छन्।

सहकारी नियमावली २०७५ को व्यवस्थाअनुसार ९ जनाको सञ्चालक समितिमा अध्यक्षसमेत ४ जना अंशियारहरूको साधारण सभाबाट निर्वाचित हुने व्यवस्था छ भने भूमिव्यवस्था, सहकारी तथा गरिबी निवारण मन्त्रालयका सहसचिव, अर्थ मन्त्रालयका सहसचिव, शिक्षा, विज्ञान तथा प्रविधि मन्त्रालयका सहसचिव, राष्ट्रिय सहकारी विकास बोर्डका प्रतिनिधि तथा नेपाल सरकारले तोकेको एक जना विज्ञसमेत ५ जना रहने व्यवस्था छ । सहकारी ऐन २०७४ को व्यवस्थाअनुसार साझा प्रकाशनको साधारण सभाले १ संयोजक र २ सदस्य रहेको लेखा सुपरिवेक्षण समितिको चयन गरेको छ ।

पुरस्कारहरू

यस् प्रकाशनले २०२६ सालदेखि साझा प्रकाशनले वर्षभरि आफूले प्रकाशित गरेका कृतिहरूमध्ये सर्वोत्कृष्ट ठहरिएको कुनै एक कृतिलाई प्रत्येक वर्ष साझा पुरस्कार दिने गरेको छ। यसका सबै पुरस्कारहरूः^{[स्रोत नखुलेको]}

• साझा पुरस्कार
• लोकसाहित्य पुरस्कार
• गरिमा सम्मान पुरस्कार
• साझा बालसाहित्य पुरस्कार
• साझा लोकसंस्कृति पुरस्कार

प्रकाशित कृतिहरू

साझा प्रकाशनद्वारा प्रकाशित केही उत्कृष्ट कृतिहरू:-^{[स्रोत नखुलेको]}

• मुना मदन
• शिरीषको फूल
• सुम्निमा
• घुम्ने मेचमाथि अन्धो मान्छे
• एब्स्ट्रयाक्ट चिन्तन: प्याज
• आमाको सपना
• माधवी(उपन्यास)
• वसन्ती (उपन्यास)
• सेतो बाघ (उपन्यास)
• भानुभक्तको रामायण
• अलिखित(उपन्यास)
• घामका पाइलाहरू(उपन्यास)
• गौरी (शोककाव्य)
• राधा (उपन्यास)
• पागल बस्ती(उपन्यास)
• आज रमिता छ (उपन्यास)
• नासो कथासङ्ग्रह

बाह्य कडीहरू

• साझा प्रकाशनको वेबसाइट वेब्याक मेसिन अभिलेखिकरण २०१६-०३-०५ मिति
• साझा प्रकाशन संचालक समिति वेब्याक मेसिन अभिलेखिकरण २०१९-०३-२२ मिति