बिरुवा गाउँपालिका

बिरुवा स्याङ्जा जिल्लाको मध्य पूर्वी भागमा फैलिएको एक गाउँपालिका हो। विसं २०७३ सालमा सङ्घीय मामिला तथा स्थानीय विकास मन्त्रालयले ७४४ स्थानीय तह (गाउँपालिका तथा नगरपालिका) लागू गर्दा स्याङ्जा जिल्लामा विरुवा अर्चले, राङभाङका (४,८) वडाहरू, पेल्काचौरका (३,९) वडाहरू, ओरस्टे, चिन्नेबासका (१-६) वडाहरू, किचनासका (१-५,७) वडाहरू र मनकामना गाउँ विकास समितिहरूलाई समेटेर बिरुवा गाउँपालिका घोषणा गरिएको हो।

बिरुवा
गाउँपालिका
शीर्ष बायाँ देखि दाँया बिरुवा बजार, बिरुवा गबुडाँडा, गबुडाँडा, एक बस्ती, कार्की डाँडा, पुरातन मन्दिर, वडा नं. ७ मनकामना मन्दिर परिसरबाट देखिएको मनोरम दृष्य र विद्यालय
देश	नेपाल
प्रदेश	प्रदेश नं. ४
जिल्ला	स्याङ्जा जिल्ला
स्थापना	२०७३ साल फाल्गुन २७ गते
सरकार
• मेयर	चुनप्रसाद शर्मा (एमाले)
क्षेत्रफल
• जम्मा	९५.७९ किमी२ (३६.९८ वर्ग माइल)
जनसङ्ख्या  (राष्ट्रिय जनगणना २०६८)
• जम्मा	१८,४१३
• घनत्व	१९०/किमी२ (५००/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-६३
केन्द्र	साविकको विरुवा अर्चले गाविसको कार्यालय
वेबसाइट	biruwamun.gov.np

जनसङ्ख्या

प्रदेश नं. ४ स्थित स्याङ्जा जिल्लामा विरुवा अर्चले, राङभाङका (४,८) वडाहरू, पेल्काचौरका (३,९) वडाहरू, ओरस्टे, चिन्नेबासका (१-६) वडाहरू, किचनासका (१-५,७) वडाहरू र मनकामना गाविसहरूलाई मिलाएर बिरुवा गाउँपालिका बनाइएको हो। त्यसैले राष्ट्रिय जनगणना २०६८का अनुसार यी ठाउँहरूको जनसङ्ख्यालाई जोडेर बिरुवा गाउँपालिकाको जनसङ्ख्या १८,४१३ रहेको छ।

भू-वनोट

बिरुवा गाउँपालिकामा ८ वडाहरू रहेका छन। बिरुवाको कुल क्षेत्रफल ९५.७९ वर्ग किमी छ। यो गाउँपालिकाको पूर्वमा हरिनास गाउँपालिका र तनहुँ जिल्ला पर्दछन् भने पश्चिममा वालिङ नगरपालिका र भीरकोट नगरपालिका छ। यसको उत्तरी भागमा पुतलीबजार नगरपालिका छ भने दक्षिणी क्षेत्रमा चापाकोट नगरपालिका पर्दछ।

बाह्य कडीहरू

• जिल्ला विकास समितिको कार्यालय, स्याङ्जा