दशरथचन्द नगरपालिका

दशरथचन्द नेपालको सुदूरपश्चिम प्रदेशमा पर्ने बैतडी जिल्लाको एक नगरपालिका तथा जिल्ला सदरमुकाम हो। खलङ्गा गाउँ विकास समिति लगायत अन्य पाँचवटा गाविसहरू दशरथचन्द, त्रिपुरासुन्दरी, बाराकोट, थालाकाडा र जगन्नाथ मिलाएर वि.सं. २०५३ चैत्र १४ गते यस नगरपालिकाको गठन गरिएको थियो। वि.सं. २०७३ फाल्गुन २२ मा गुरुखोला, देहिमाडौँ, दुर्गाभवानी, नागार्जुन गाविसहरू र दुर्गास्थान गाविसका तीन वडा समेत यसमा गाभेर यस नगरपालिकाको क्षेत्र विस्तार गरिएको थियो। कुल ११ वडामा विभाजित यो नगरपालिकाको राष्ट्रिय जनगणना २०७८को जनगणना अनुसार दशरथचन्द नगरपालिकाको कुल जनसङ्ख्या ३१,५६७ रहेको छ भने यहाँ ७,१९८ घरधुरी रहेका छन्।

दशरथचन्द नगरपालिका
नगरपालिका सदरमुकाम
दशरथचन्दको मनोरम दृश्य
दशरथचन्द नगरपालिका नेपालमा रहेको दशरथचन्द नगरपालिका दशरथचन्द नगरपालिका दशरथचन्द नगरपालिका (नेपाल)
निर्देशाङ्क: २९°३३′१७″उ॰ ८०°२५′३६″पू॰
देश	नेपाल
प्रदेश	सुदूरपश्चिम प्रदेश
जिल्ला	बैतडी जिल्ला
नगरपालिका	वि.सं. २०५३ चैत्र १४
समावेश (गाविस)	खलङ्गा, दशरथचन्द, थालीगडा, त्रिपुरासुन्दरी, बाराकोट र जगन्नाथ
सम्मिलित (मिति)	वि.सं. २०५३ चैत्र १४
समावेश (गाविस)	गुरुखोला, देहिमाडौँ, दुर्गाभवानी, नागार्जुन र दुर्गास्थान
सम्मिलित (मिति)	वि.सं. २०७३ फाल्गुन २२
सरकार
• नगरप्रमुख	पुष्करराज जोशी (नेकपा (एमाले))
• उपप्रमुख	कुमारी कौशिला चन्द (नेपाली काङ्ग्रेस)
जनसङ्ख्या  (राष्ट्रिय जनगणना २०७८)
• जम्मा	३१,५६७
• धर्म	हिन्दू
समय क्षेत्र	युटिसी+५:४५ (नेपालको प्रमाणिक समय)
हुलाक कोड	१०२००
क्षेत्रीय सङ्केत	०९५
वेबसाइट	आधिकारिक वेबसाइट

शिक्षा

केही वर्ष पहिलेसम्म यहाँका विधार्थीहरू अध्ययनका लागि भारतको पिथौरागढ र अन्य सहरहरूमा जाने गर्थे तर आफ्नै देशमा शैक्षिक संस्थाहरूको उपलब्धताका कारण आजभोली यो दर धेरै घटेको छ। आजभोली अधिकांश विधार्थीहरू स्थानीय स्तरमै अथवा धनगढी, महेन्द्रनगर र काठमाडौँ गएर आफ्नो अध्ययनलाई निरन्तरता दिने गरेका छन्।^{[स्रोत नखुलेको]}

दशरथचन्द नगरपालिकाभित्र रहेका विद्यालय तथा कलेजहरू:

1. श्री विरेन्द्रउच्च माध्यमिक बिद्यालय शाहीलेक
2. जगन्नाथ प्राथमिक बिद्यालय, गढी
3. जगन्नाथ प्राथमिक बिद्यालय, मडाला
4. मेजर जेंसेसकी चिल्ड्रेन एकेडेमी गोठलापानी (निजी बिद्यालय)
5. जगन्नाथ क्याम्पस

धर्म

यहाँ रहेका धार्मिक स्थलहरूमा जगन्नाथ मन्दिर बैतडी र त्रिपुरासुन्दरी भगवतीको मन्दिर प्रसिद्ध रहेका छन्।

जाति

यहाँ बढी जसो ब्राह्मण, क्षेत्री, ठकुरी र दलितको बसोबास रहेको छ ।