थानकोट

थानकोट नेपालको पूर्व प्रशासनिक विभाजन अनुसार, मध्यमाञ्चल विकास क्षेत्रको बागमती अञ्चल, काठमाडौँ जिल्लामा अवस्थित एक गाविस थियो। एघारौँ राष्ट्रिय जनगणना २०६८मा यहाँको जनसङ्ख्या १२०४७ रहेको थियो जसमध्ये ६१०६ पुरुष र ५९४१ महिला रहेका थिए भने यहाँ २८२० घरधुरी रहेको थियो। यो हाल चन्द्रागिरी नगरपालिकामा पर्दछ।

थानकोट
पूर्व गाविस
थानकोट भञ्ज्याङ
नेपालको नक्सामा थानकोटको अवस्थिति थानकोट (नेपाल)
निर्देशाङ्क: २७°४५′०″उ ८५°२५′४८″पू
देश	नेपाल
प्रदेश	बागमती प्रदेश
जिल्ला	काठमाडौँ जिल्ला
जनसङ्ख्या  (वि.सं २०६८)
• जम्मा	१२,०४७
समय क्षेत्र	युटिसी+५:४५ (नेपाली समय)

थानकोट नाका नेपालको संघीय राजधानी काठमाडाैं भित्रने प्रमुख सडक नाका हो । त्यसैले थानकोट नाका निकै महत्वपूर्ण नाकाका रुपमा रहेको छ । थानकोट नाका र नागढुङ्गा नाका एकै हुन् । तथापी थानकोट चन्द्रागिरि नगरपालिका वडा नं. ३ र ४ क्षेत्रमा पर्दछ भने नागढुङ्गा चन्द्रागिरि नगरपालिका वडा नं. २ मा पर्दछ । थानकोट नेवार समुदायको बसोबास रहँदै आएको एक ऐतिहासिक बस्ती समेत हो । थानकोटलाई शोणितपुर, थःक्वा लगायतका नामले समेत चिन्ने गरिन्छ ।