गौरीशंकर गाउँपालिका

गौरीशंकर गाउँपालिका दोलखा जिल्लाका ७ गाउँपालिकाहरू मध्ये एक हो। २७ फागुन २०७३ मा, गाउँपालिका घोषणा गर्दा साविकका गौरिशंकर, खारे, मार्बु, सुरी, चंखु, झ्याकु र जुँगु गाविसहरू यसमा गाभिएका थिए। यस गाउँपालिकाको अधिकांस भूभाग उच्च पहाडी तथा हिमाली क्षेत्रमा पर्दछ। यस गाउँपालिकाको पूर्वी सिमाना सोलुखुम्बु जिल्लाको खुम्बु पासाङल्हामु गाउँपालिका तथा रामेछाप जिल्लाको उमाकुण्ड गाउँपालिका पर्दछ भने दक्षिणमा दोलखा जिल्लाको जिरी नगरपालिका तथा वैतेश्वर गाउँपालिका पर्दछ। त्यस्तै यस गाउँपालिकाको पश्चिममा कालिञ्चोक गाउँपालिका तथा विगु गाउँपालिका पर्दछ। यस गाउँपालिकाको उतरी सीमामा चीन पर्दछ। यस गाउँपालिका ७ वटा वडामा विभाजित छ।

गौरीशंकर गाउँपालिका
गाउँपालिका
बागमती प्रदेशको नक्सामा गौरीशंकर गाउँपालिकाको अवस्थिति गौरीशंकर गाउँपालिका (नेपाल)
निर्देशाङ्क: २७.७९°N ८६.०६°E / 27.79; 86.06
देश	नेपाल
प्रदेश	बागमती प्रदेश
जिल्ला	दोलखा
स्थापित	२७ फागुन २०७३
सरकार
• अध्यक्ष	विश्‍वास कार्की (नेकपा (माओवादी केन्द्र))
• उपाध्यक्ष	श्यामसुन्दर तामाङ (नेपाली काङ्ग्रेस)
क्षेत्रफल
• जम्मा	६८१.३९ किमी२ (२६३.०९ वर्ग माइल)
जनसङ्ख्या  (राष्ट्रिय जनगणना २०७८)
• जम्मा	१५,९९५
• घनत्व	२३/किमी२ (६१/वर्ग माइल)
समय क्षेत्र	युटिसी+५:४५ (नेपाली समय)
क्षेत्रीय सङ्केत	+९७७-०४९
वेबसाइट	आधिकारिक वेबसाइट

नामकरण

दोलखा जिल्लाको प्रसिद्ध गौरीशङ्कर हिमालको नामबाट यस गाउँपालिकाको नाम नामकरण गरिएको थियो।

जनसङ्ख्या

राष्ट्रिय जनगणना २०७८को जनगणना अनुसार गौरीशंकर गाउँपालिकाको कुल जनसङ्ख्या १५,९९५ रहेको छ भने यहाँ ४,३९९ घरधुरी रहेका छन्।

बाह्य कडीहरू

• जिल्ला विकास समितिको कार्यालय, दोलखा