गौरीशङ्कर हिमाल

गौरीशङ्कर हिमाल हिमाल नेपालको दोलखा जिल्ला तथा चिनको सिमानामा अवस्थित हिमाल हो। ७१३४ मिटर अग्लो यो हिमालबाट नेपालको प्रमाणिक समय निर्धारण गरिएको छ। हिन्दू धर्मावलम्बीहरूको अराध्यादेव शिव र पार्वतीको प्रतीक मानिने गौरीशङ्कर हिमाल धार्मिक आस्थाका कारणले आरोहण गर्न प्रतिवन्ध छ। नेपालमा गौरीशङ्कर हिमाललाई पवित्र हिमालका रूपमा लिइन्छ।

गौरीशङ्कर
दुलालथोकबाट देखिएको गौरीशङ्कर हिमाल।
सर्वोच्च बिन्दु
उचाई	७,१३४ मी (२३,४०६ फिट)
प्रमुखता	१,६०० मी (५,२०० फिट)
सूचीकृत	अतिरिक्त
निर्देशाङ्क	२७°५७′१२″उ॰ ८६°२०′०९″पू॰
नामकरण
भाषाको नाम	नेपाली, संस्कृत
भूगोल
गौरीशङ्कर चीनको सिमानामा नेपालमा गौरीशङ्कर हिमालको अवस्थिति
स्थान	नेपाल
आमा हिमश्रृङ्खला	रोल्वालिङ हिमाल
आरोहण
सफल आरोहण	२०३६ वैशाख २५ मा, जोन रोजकेले र दोर्जे शेर्पा
सजिलो मार्ग	हिउँ/हिम आरोहण

अवस्थिति

गौरीशङ्कर रोल्वालिङ हिमालको पश्चिमी किनार नजिकै अवस्थित छ जुन राजधानी काठमाडौँबाट १०० किलोमिटर (६२ माइल) उत्तरपूर्वमा पर्दछ। यो काठमाडौँ र सगरमाथाको बीचमा अवस्थित छ र काठमाडौँबाट यसलाई सजिलै देख्न सकिन्छ। रोल्वालिङ हिमालको पश्चिमी सीमामा अवस्थित यस हिमालको पश्चिममा भोटे कोसी उपत्यका अवस्थित छ। यो दोलखा जिल्लामा पर्दछ।