गाजले धावक

गाजले धावक (Cursorius coromandelicus) दक्षिण एसियामा पाइने कर्सरको एक प्रजाति हो। यो चरा प्रायजसो जमिनमा बस्ने हुनाले सुक्खा खुला घाँसे मैदान वा अर्ध-मरुभूमिमा सानो समूहमा कीराहरू खाइरहेको भेट्टाउन सकिन्छ।

गाजले धावक
Cursorius coromandelicus पुने, महाराष्ट्रमा
संरक्षण स्थिति
कम चासोका (आइयुसिएन ३.१)
वैज्ञानिक वर्गीकरण
जगत:	जनावर
सङ्घ:	रज्जुकी
वर्ग:	चरा
गण:	Charadriiformes
परिवार:	Glareolidae
वंश:	Cursorius (Gmelin, JF, 1789)
प्रजाति:	C. coromandelicus
वैज्ञानिक नाम
Cursorius coromandelicus (Gmelin, JF, 1789)
Range of C. coromandelicus

विबरण

गाजले धावक चम्किलो रङ्गको हुन्छ र चुच्चोको फेदबाट सुरु आँखा हुँदै कालो पछाडी गएको कालो धर्सा हुन्छ। आँखाको माथी सेतो रङ्गको धर्सा, टाउकोको माथीको भाग कटुस रङ्गको र छातीको भाग गाढा सुन्तले रङ्गको हुन्छ। उडानको अवस्थामा शरीरको तल्लो भाग सेतो देखिन्छ र पखेटाको टुप्पो पट्टी आधी भाग कालो रङ्गको हुन्छ। यसको भाले र पोथी दुबै समान हुन्छन्।

वितरण तथा वासस्थान

गाजले धावक सिन्धु उपत्यका देखी पूर्व नेपाल हुँदै बङ्गलादेश सम्म र दक्षिणमा भारतीय उपमहाद्वीपको टुप्पोसम्म तथा कहिलेकाहीँ उत्तरी श्रीलङ्काको सुख्खा क्षेत्र सम्म पाइन्छ। यो प्रजाति ढुङ्गादार, झाडिदार वा चट्टानी खुला सुख्खा घाँसे मैदानहरू पाइन्छ र यदाकदा बलौटे भू-भागमा पनि पाइन्छ। नेपालको सन्दर्भमा यो चरा शुक्लाफाँट राष्ट्रिय निकुञ्ज र कोशी टप्पु वन्यजन्तु आरक्षमा पाइन्छ।

खतरा

गाजले धावक पाइने सुक्खा र खुला घाँसे मैदानहरू निर्माणकार्य र कृषिकार्य जस्ता मानविय गतिविधिहरूबाट खतरामा परेका छन्। यस्ता केही क्षेत्रहरूमा सवारीसाधन आवागमनका कार्य र औद्योगिकीकरणले पहिले भएको वासस्थानहरू विनास गरेको पाइन्छ।

चित्र संग्रह

• 
  गाजले धावकको माउ र बचेरा
• 
  गाजले धावक
• 
  वयस्क
• 
  नेपालको कोशी टप्पु वन्यजन्तु आरक्ष उडिरहेको