हेलो इङलिस

हेलो इङलिस अङ्ग्रेजी भाषा सिक्नका लागि सृजना गरिएको एक अनुप्रयोग हो, जसले प्रयोगकर्ताहरूलाई अन्तर्क्रियात्मक मोड्युलहरू मार्फत अङ्ग्रेजी भाषा सिक्न अनुमति दिन्छ। जनवरी, २०१७ सम्ममा, अनुप्रयोगले १ करोड ५० लाख सुर्ध्वभरण पार गरेको थियो। यसले भुक्तान मूल्य निर्धारण नमूनामा सेवा सञ्चालन गर्दछ। यसको सामग्रीहरू अनुप्रयोगमा एन्ड्रोइड, आइओएस र विन्डोज मार्फत उपलब्ध छ भने सामग्रीहरू वेब मार्फत पनि उपलब्ध छन्। कम्पनीको प्रधान कार्यालय भारतको जयपुरमा अवस्थित छ।

हेलो इङलिस

साइटको प्रकार	निजी
उपलब्ध भाषा	२२ भाषाहरू
भाषाहरूको सूची  हिन्दी, बाङ्ला, तेलुगु, मराठी, तमिल, गुजराती, कन्नड, उर्दू, पञ्जावी, मलेलम, ओरिया, आसामी, नेपाली, बाङ्ला, इण्डोनेसियाली, स्पेनी, चिनियाँ, अरबी, पोर्चुगाली, मलय, टुर्की र थाई
संस्थापित	२०१४ (२०१४)
मुख्यालयहरू	जयपुर, भारत
सेवा क्षेत्र	विश्वव्यापी
संस्थापक (हरू)	निशान्त पटानी प्रन्शु पटानी
उद्योग	इ-शिक्षण, अनलाइन शिक्षा
अभिभावक	इनट्याप ल्याब्स निजी लिमिटेड
युआरएल	आधिकारिक वेबसाइट
दर्ता	आवश्यक
प्रयोगकर्ताहरू	५० मिलियन (सेप्टेम्बर २०१९)
चालु भएको मिति	अक्टोबर 2014 (२०१४-१०)
वर्तमान स्थिति	चालू

इतिहास

हेलो अङ्ग्रेजी अक्टोबर २०१४ मा कल्चर एलीद्वारा सुरू गरिएको थियो। यो एक प्राविधिक कम्पनी हो जसलाई केललग व्यवस्थापन विद्यालय र भारतीय प्रविधि संस्थान बम्बईका पूर्व छात्र निशान्त पाटनी र नर्सि मनोज इन्स्टिच्युट अफ म्यानेजमेण्ट ष्टडिजका पूर्व छात्र प्रन्सु पटानीले संयुक्त रूपमा डिसेम्बर २०१२ मा स्थापना गरेका थिए। यो जयपुरमा आधारित इण्ट्याप ल्याब निजी लिमिटेड अन्तर्गत सञ्चालित छ।

कोष सङ्कलन

मञ्चले मार्च २०१५ मा न्यु योर्कमा आधारित उद्यम पूँजी कम्पनी टाइगर ग्लोबल म्यानेजमेनण्टको नेतृत्वमा कोष सङ्कलनको पहिलो चरणमा ६० लाख ५० हजार अमेरिकी डलर सङ्कलन गरेको थियो। अन्य सहभागीहरूमा साशा मिरचन्दानीको नेतृत्वमा केई क्यापिटल र ५०० स्टार्टअप्स, क्यालिफोर्निया समावेश थिए। अन्य उल्लेखनीय प्रमुख लगानीकर्ताहरूमा राजन आनन्दन र सुनील कालरा पर्दछन्। सन् २०१३ मा, मञ्चले यसभन्दा पहिले केई क्यापिटलबाट अज्ञात रकम जुटाएको थियो।

विशेषता

अनुप्रयोगमा ४७५ अन्तर्क्रियात्मक पाठ र पढ्ने, लेख्ने, बोल्ने र सुन्नेसँग सम्बन्धित खेलहरू पनि रहेका छन्। योसँग दोभाषे शब्दकोश रहेको छ जुन २२ नेपाली सहित २२ वटा भाषाहरूमा उपलब्ध छ।

पुरस्कार तथा मान्यताहरू

१) सन् २०१७: भारतमा गुगल प्ले ष्टोरमा शीर्ष तेस्रो शैक्षिक अनुप्रयोग

२) सन् २०१६: यसले भारतको इण्टरनेट र मोबाइल सङ्घ (आइएएमएआई)बाट भारतको सबैभन्दा अभिनव मोबाइल अनुप्रयोगको लागि मान्यता लागि प्राप्त गरेको थियो।

३) सन् २०१६: सन् २०१६ को गुगल प्ले ष्टोरद्वारा "भारतमा बनेको" श्रेणीमा सर्वश्रेष्ठ अनुप्रयोगहरू

४) सन् २०१५: हेल्लो इङ्लिसका सह संस्थापक, प्रन्सु पाटनी हेलो इङ्लिस अनुप्रयोग सृजना गरेका कारण फोर्ब्स ३० वर्ष मुनिका उपलब्धिकर्ताहरूको रूपमा सूचीबद्ध भएका थिए।

५) सन् २०१५: भारतमा गुगल प्ले स्टोरमा शीर्ष उत्कृष्ट शैक्षिक अनुप्रयोग ६) सन् २०१४: यसले भारतको इण्टरनेट र मोबाइल सङ्घ (आइएएमएआई)बाट भारतको सबैभन्दा अभिनव मोबाइल अनुप्रयोगको लागि मान्यता लागि प्राप्त गरेको थियो।

सन् २०१५: एप एनीका अनुसार, यो ८ जुलाई २०१५ सम्ममा भारतमा ९८ औँ सबैभन्दा डाउनलोड गरिएको अनुप्रयोग पनि बनेको थियो।

बाह्य कडीहरू

• आधिकारिक वेबसाइट