सुनछहरी गाउँपालिका
सुनछहरी गाउँपालिका रोल्पा जिल्लाका ९ गाउँपालिकाहरू मध्ये एक हो। २७ फागुन २०७३ मा, गाउँपालिका घोषणा गर्दा जेलवाङ, गाम, सिउरी, जैमाकसला, सेरम र फगाम (२-९) गाविसहरू यसमा गाभिएका थिए। हाल यस गाउँपालिकामा साबिकको गाम गाविस २ वडामा बिभाजन भई ७ वटा वडाको रुपमा परिमार्जित भएको छ । वडा नं. १ सेरम, २ भित्री गाम, ३ बाहिरी गाम, ४ सिउरी, ५ जैमाकसला, ६ फगाम र ७ जेलवाङ गरी ७ वटा वडा मिलि एक गाउँपालिकाको भनेको छ । सुनछहरी गाउँपालिकाको नाम सुनछहरी झरनाको नाम बाट राखिएको हो भने सुनछहरी झरना सम्भवत लुम्बिनी प्रदेशकै सवैभन्दा अग्लो झरना हो।
सुनछहरी गाउँपालिका | |
|---|---|
 | |
  लुम्बिनी प्रदेशको नक्सामा सुनछहरी गाउँपालिकाको अवस्थिति  सुनछहरी गाउँपालिका (नेपाल) | |
| निर्देशाङ्क: २८°२९′N ८२°४३′E / 28.48°N 82.72°E | |
| देश |  नेपाल |
| प्रदेश | लुम्बिनी प्रदेश |
| जिल्ला | रोल्पा |
| स्थापित | २७ फागुन २०७३ |
| सरकार | |
| • अध्यक्ष | धनबहादुर पुन मगर (नेकपा (माओवादी केन्द्र)) |
| • उपाध्यक्ष | ननकला घर्ती (नेकपा (माओवादी केन्द्र)) |
| क्षेत्रफल | |
| • जम्मा | २७७.६२ किमी२ (१०७.१९ वर्ग माइल) |
| जनसङ्ख्या | |
| • जम्मा | १७,२४१ |
| • घनत्व | ६२/किमी२ (१६०/वर्ग माइल) |
| समय क्षेत्र | युटिसी+५:४५ (नेपाली समय) |
| क्षेत्रीय सङ्केत | +९७७-०८६ |
| केन्द्र | साविक जैमाकसला गाविसको कार्यालय |
| वेबसाइट | आधिकारिक वेबसाइट |
पर्यटकिय स्थल
सम्पादन गर्नुहोस्सुनछहरी गाउँपालिका पर्यटकिय हिसाबले प्रवल सम्भाबना बोकेको गाउँपालिका हो । रोल्पा रुकुम र बाग्लुङको सिमानामा पर्ने तिलाचन क्षेत्र तथा तिलाचन दह, रावाङ लेक, कोठीभीर, बिबाङ दह, बजुधुरी र गृहयुद्द हुँदा नेपालको सबैभन्दा वढी बलिदानी भएको गाउँ जेलवाङ आफैमा एउटा दस्तावेजको रुपमा प्रचित रहेको छ, युद्ध पर्यटनको पर्याप्ट सम्भाबना बोकेको र गुरिल्ला ट्रेकिङको शुरुवाती विन्दु पनि भएकाले यो गाउँ पर्यटकिय हिसाबमा निकै अब्बल साबित हुन्छ । जेलवाङ बाट करिव ६ घण्टाको दुरीमा हिडिएपछि चर्चित पर्यटकिय स्थल जलजला पुग्न सकिन्छ । वैशाख, जेठ र साउनको पुर्णिमाको दिन जलजला मा पुजाको लागि हजारौं तिर्थयात्रीहरु यो ठाउँ हुदै जलजला पुग्ने गर्दछन् ।[३]
जनसङ्ख्या
सम्पादन गर्नुहोस्राष्ट्रिय जनगणना २०७८को जनगणना अनुसार सुनछहरी गाउँपालिकाको कुल जनसङ्ख्या १७,२४१ रहेको छ भने यहाँ ३,५८६ घरधुरी रहेका छन्।[२]
जातजाती
सम्पादन गर्नुहोस्सुनछहरी गाउँपालिकामा विभिन्न जातजातीको बिबिधता रहेको छ जसमा सबैभन्दा धेरै मगर, क्षेत्री, दलित, गुरुङ्ग, नेवार र थकाली जातीको वसोबास रहेको छ । जसमा सबैभन्दा वढी मगर को जनसंख्या रहेको छ भने अल्पसंख्यकका रुपमा थकाली, गुरुङ्ग र नेवार रहेका छन् ।
भाषाभाषी र धर्म
सम्पादन गर्नुहोस्सुनछहरी गाउँपालिकामा मगर समुदायको वाहुल्यता भएकाले मगर खाम भाषा बोल्नेको जनसंख्या वढी रहेको छ । जसमा वडा नं. ७ जेलवाङमा पर्वते खाम बोल्छन् भने वडा नं. १,२,३,४,र ५ मा गमाले खाम बोल्ने गर्दछन् । अन्य जातिले पनि मगरहरुको बाहुल्यता तथा एउटै समुदायमा पर्ने भएकाले अन्य जातिले पनि खाम भाषा बोलेको पाइन्छ । मगर जातिले विशेष गरी प्रकृति धर्म मान्ने गरीन्छ भने केहीले क्रिश्चियन धर्म पनि मान्ने गरेको पाइन्छ र अन्य जातिले हिन्दु धर्म मान्ने गर्दछन् ।[४]
क्षेत्रफल
सम्पादन गर्नुहोस्सुनछहरी गाउँपालिकाको जम्मा क्षेत्रफल २७७.६२ वर्ग किमी रहेको छ र १०७.१९ वर्ग माइल रहेको छ ।
सन्दर्भ सामग्रीहरू
सम्पादन गर्नुहोस्- ↑ "स्थानीय तह निर्वाचन २०७९" (नेपालीमा), कान्तिपुर दैनिक, अन्तिम पहुँच ०९ साउन २०८१।
- ↑ २.० २.१ "जनसङ्ख्याको आकार र वितरण", राष्ट्रिय जनगणना २०७८ (नेपालीमा), राष्ट्रिय तथ्याङ्क कार्यालय, अन्तिम पहुँच २९ जेठ २०८१।
- ↑ "पर्यटन बिभाग , नेपाल सरकार", www.tourismdepartment.gov.np, अन्तिम पहुँच २०२५-०४-१८।
- ↑ "local level | national_population and housing_census_year results", censusnepal.cbs.gov.np, अन्तिम पहुँच २०२५-०४-१८।