रचना रिमाल

रचना रिमाल (जन्म १३ अगस्ट २००२), एक नेपाली गायिका हुन्। उनले दुई वर्षभन्दा कम अवधिमा एक हजारभन्दा बढी नेपाली गीत गाएकी छिन। सन् २०१९ मा गायन रियालिटी शो नेपाल आइडल मार्फत पहिचानमा आएकी उनले आफूलाई नेपालको प्रमुख गायिकाका रूपमा स्थापित गरिन्। उनका केही गीतहरूमा फोटो फिरिम्मा, उनको प्रीति, पानी छम्किने, र मिनरल वाटर समावेश छन्।

रचना रिमाल
रचना रिमाल नेपाल कमर्स क्याम्पसमा गीत गाउँदै (सन् २०२२)
जन्म	(2002-08-13) १३ अगस्ट २००२ तेह्रथुम, नेपाल
राष्ट्रियता	नेपाली
पेशा	गायिका
कार्यकाल	२०१९ – वर्तमान
उल्लेखनीय कार्य	फोटो फिरिम्मा, उनको प्रीती, पानी छम्किने, चाहान्छु
साङ्गीतिक जीवन
विधा	अर्ध-शास्त्रीय भावुक लोकगीत]]
वाद्ययन्त्र	स्वर हार्मोनियम

बाल्यकाल

रचना रिमालको जन्म १३ अगस्ट २००२ मा तेह्रथुममा भएको थियो। उनी बाल्यकालमै हुदा उनको परिवार झापा सरेको थियो। उनी सानैदेखि गीत गाउँदै आएकी छिन्। उनी आफ्नो घर झापामा स्थानीय अवसरमा भजन गाउने गर्थिन। उनले धेरै क्षेत्रीय प्रतियोगिताहरूमा पनि भाग लियिन। उनले जितेको पहिलो प्रतियोगिता फेसबुक समूहमा आयोजित गरिएको थियो; उनको एक शिक्षकले उनको प्रदर्शन रेकर्ड गरी समूहमा भिडियो अपलोड गरिन। रिमालले सबैभन्दा धेरै लाइक प्राप्त गरिन र पुरस्कार स्वरुप हार्मोनियम प्राप्त गर्दै प्रतियोगिता जितिन। अर्को प्रतियोगितामा उनले पुरस्कारस्वरूप पाँच सय रुपैयाँ पाएकी थिइन्, जुन अझै खर्च गरेकी छैनन्।

करियर

रिमालले सन् २०१९ मा गायन रियालिटी शो नेपाल आइडलको सिजनमा भाग लिएकी थिइन्। उनी शीर्ष ८ स्थानमा थिइन् र लगातार तीन पटक सबैभन्दा बढी भोट प्राप्त गर्ने प्रतियोगी बन्ने कीर्तिमान बनाइन्। त्यसपछि उनले फोटो फिरिम्मा गाइन्, जुन शिशिर भंडारी, एक यूट्यूबर र मिडिया व्यक्तित्व द्वारा लिखित र रचना गरिएको र २०२० मा रिलीज भयो। त्यसपछि उनले उनको प्रीति, मिनरल वाटर, पानी छमकिने जस्ता अन्य गीतहरू पनि गाइन्।

२०२२ को सुरुमा, रिमालले नबिर्से तिमीलाईको रिमेक गाइन्, जुन मूल रूपमा अन्जु पन्तले गएकी थिन। रिमेकलाई कतिपय दर्शक र समीक्षकहरूले राम्रोसँग रुचाएनन्। गीतका लेखक तथा गीतकार विपिन किरणले गीत पहिलो पटक सार्वजनिक हुँदा मूल गायिकालाई श्रेय दिएनन्। यस विषयमा पन्तले आफ्नो सामाजिक सञ्जाल एकाउन्टमा पोष्ट गर्दै आफूलाई यो गीतको रिमेक भर्सन गाउनका लागि सङ्गीतकार र एरेन्जरले नै बोलाएको र नयाँ गीतको व्यवस्था पनि गरिएको दाबी गरेकी थिन, तर अचानक रिमेक रिलिज हुदा अचमित भएको बताइन।

२०२२ मा रिमालले क्रिकेट खेलमा सहभागी भएको आफ्नो तस्बिर पोष्ट गरिन्, र धेरै समाचार स्रोतहरूले भ्रामक शीर्षकको साथ फोटो प्रयोग गरे। यसबाट रिमाललाई नेपाल क्रिकेट सङ्घ (क्यान) ले खेल हेर्न निम्तो दिएको हल्ला सुरु भयो। उनले खेलमा सहभागी हुन टिकट किनेको र क्यानका पदाधिकारीहरूबाट मान्यता पाएपछि विशेष अतिथिका रुपमा स्वागत गरेको बताइन्। त्यहाँ एक अफवाह पनि थियो कि CAN ले उचित प्रोटोकल पालना नगरी खेल हेर्न अचानक आगमनको लागि स्पष्टीकरण मागेको थियो। रिमाल र क्यानले यसलाई आमसञ्चारमा गलत समाचार भन्दै खण्डन गरे।

चर्चित गीतहरू

रिमालले एक हजारभन्दा बढी गीत गाएकी छिन्। तलको सूचीले उनका केही लोकप्रिय गीतहरू मात्र प्रतिनिधित्व गर्दछ।

वर्ष	गीत	गीतकार(हरू)	रचनाकार(हरू)	सन्दर्भ
२०२०	रुमाल चिनो	बसन्त सापकोटा	बसन्त सापकोटा
२०२०	फोटो फिरिम्मा	शिशिर भंडारी	शिशिर भंडारी
२०२०	मिनरल वाटर	भिम बिस्ट	भिम बिस्ट
२०२०	उनको प्रीति	माधवप्रसाद घिमिरे	नारायण रायमाझी
२०२०	आयौ चेली	घनश्याम ओली	दिपक शर्मा
२०२०	हाम्रो माया चर्किएको	बिमल डाँगी	बिमल डाँगी
२०२१	पानी छमकिने	सम्राट चौलागाई	सम्राट चौलागाई
२०२१	भन साइला	रमेशराज भट्टराई	रमेशराज भट्टराई
२०२१	चाहान्छु	मानस बिक्रम थापा, मनिषा खड्का	सरोज पोखरेल
२०२१	सुनको चन्द्रमा	पुष्प आचार्य	दिपक शर्मा
२०२१	तीजको महिना छ	डिपी खनाल	नबिन कार्की
२०२१	हारले निखार ल्याउछ	धनेन्द्र रसाइली	बाबुल गिरि
२०२२	हजुर मुसुक्कै	सुरेश अधिकारी	सुरेश अधिकारी
२०२२	नबिर्से तिमीलाई	बिपिन किरण	महेश खड्का
२०२३	पैसा सापटी	बद्री कुमार पंगेनी	बद्री कुमार पंगेनी

पुरस्कारहरू

वर्ष	पुरस्कार	श्रेणी	गीत	नतिजा	सन्दर्भ
२०२१	राष्ट्रिय मनोरञ्जन पुरस्कार	उत्कृष्ट नयाँ गायिका	फोटो फरिम्मा	विजयी

बाह्य कडीहरू

• फेसबुकमा रचना रिमाल