मोन्स प्यूबिस

मानव शरीररचनामा वा स्तनधारिहरूमा सामान्यतया, मोन्स प्यूबिस (ल्याटिन "pubic mound") वयस्क महिलाहरूको प्यूबिक हाडको माथी, प्यूबिक सिम्फाइसिसको अगाडि रहेको बोसोयुक्त तन्तुले बनेको भाग हो। यसलाई मोन्स भेनेरिज (ल्याटिन "mound of Venus") पनि भनिन्छ। मोन्स प्यूबिस योनीको अग्रभाग हो।

मोन्स प्यूबिस
रौं सहितको महिलाको मोन्स प्यूबिसको दृष्य
विबरण
Precursor	Genital tubercle
पहिचान
ल्याटिन	mons pubis
TA	A09.2.01.002
एनाटोमीको आधारभूत मोडेल	20218
शरीर-संरचनाविज्ञानसम्बन्धी शब्दावलीहरू

मोन्स प्यूबिसको आकार शरीरमा रहेको हार्मोन र बोसोको स्तर अनुसार फरक-फरक हुने गर्छ। यौवन अवस्था पछि यसको आकार बढ्नुका साथै यो रौंले ढाकिन्छ। यसले संभोगको क्रममा प्यूबिक हाडलाई संरक्षण प्रदान गर्दछ। महिलाहरूमा मोन्स प्यूबिस पुडेन्डल क्लेफ्टको दुवैतिर छुट्टिएर बाह्य भगोष्ठ बन्दछ र भित्री भगोष्ठ, भगांकुर, योनीद्वार र भल्बल भेस्टिब्युलका अन्य भागको वरिपरि रहेको हुन्छ। यौवन अवस्थाको शुरुवात सँग सँगै अलग ढिस्कोको आकारमा आउने कारण मोन्स प्यूबिसको बोसोयुक्त तन्तु एस्ट्रोजन प्रति संवेदनशील हुन्छ। यसले बाह्य भगोष्ठको अग्रभागलाई प्यूबिक हाडबाट बाहिर र टाढा धकेल्छ।