जगदम्बाश्री पुरस्कार

जगदम्बाश्री पुरस्कार नेपालको एउटा प्रतिष्ठित साहित्यिक पुरस्कार हो । यो पुरस्कार मदन पुरस्कार गुठीले प्रदान गर्दछ। गुठीकी संस्थापिका रानी जगदम्बाकुमारीदेवी राणा को २०४५ साल साउन २९ गते निधन भएपछि गुठीकी संस्थापिकाको स्मृतिलाई चिरस्थायी राख्ने उद्देश्यले निधनको ४५ औँ दिन जगदम्बाश्री पुरस्कार विधिवत् स्थापना गरिएको हो ।

जगदम्बा-श्री पुरस्कार
पुरस्कृत (कारण)	नेपाली भाषा, साहित्य, संस्कृति लगायतका विविध क्षेत्रमा उल्लेखनीय योगदान पुर्‍याउने व्यक्ति वा संस्थालाई सम्मान गरिने सम्मान
देश	नेपाल
प्रथम पुरस्कृत	बि. स. २०४५
वेबसाइट	औपचारिक साइट

जगदम्बाश्री पुरस्कार मदन पुरस्कार गुठीबाट दिइने दोस्रो पुरस्कार हो । यो पुरस्कार गुठीको अक्षय कोषको वाषिर्क ब्याजबाट प्रत्येक वर्ष श्रव्य-दृश्य वा अरू किसिमका कृतित्वहरूबाट नेपाली वाङ्मयको श्रीबृद्धिमा उल्लेख्य योगदान पुर्‍याई देश-विदेशका प्रतिष्ठित विद्वान्, विद्वत-संस्था वा प्रतिष्ठानहरूबाट नाम प्रस्ताव गरी पठाएका नेपाली वाङ्मयका साधकहरूमध्येबाट छनौट समितिले आवश्यक छानबिन गरी सिफारिस गरेका वाङ्मय साधक वा संस्थालाई जगदम्बाश्री पुरस्कार प्रायः बडादशैँको नवमीमा प्रदान गरिन्छ । जगदम्बाश्री पुरस्कारका लागि नेपाली भाषाको (नेपाली वाङ्मय) सेवालाई नै एकमात्र आधार मानी पुरस्कृत प्रतिभाको छनौट हुन्छ

यस पुरस्कारको राशि मदन पुरस्कार सरह अर्थात् रु. २,००,०००।- (दुई लाख) नगद र प्रमाणपत्र प्रदान गरिन्छ ।बि. स. २०७५ बाट पुरस्कारको रकम रु. ४,००,००० निर्धारित गरिएको छ ।

यसका प्रथम विजेता हुनुहुथ्यो- स्व. नारायणगोपाल । उहाँलाई तीनदशकभन्दा बढी समयदेखि संगीतको माध्यमबाट नेपाली भाषाका गीतहरूलाई देश तथा विदेशमा समेत प्यारो बनाउन उल्लेखनीय योगदान गरेबापत २०४५ सालमा उक्त पुरस्कारद्वारा सम्मानित गरिएको थियो ।

इतिहास

रानी जगदम्बाकुमारी देवी राणाले आफ्ना स्व. पति मदनशमशेर जबरा को स्मृतिमा वि.सं. २०१२ साल असोज १० गते मदन पुरस्कार गुठीको स्थापनाको घोषणा गर्नुका साथै सोही साल मार्ग २८ गते गुठीको दानपत्रमा हस्ताक्षर भई २०२० कात्तिक ३१ गते श्री ५ को सरकारलाई ललितपुर मेजिष्टे्रटबाट (द.न. २०२०।२) विधिवत् दर्ता गरिएको छ । नेपाली वाङ्मयको बृहत क्षेत्रलाई समेटी भिडियो र अरू कृतित्वलाई आधार बनाइ निजी स्तरबाट स्थापित पहिलो पुरस्कार जगदम्बाश्री पुरस्कार हो ।

हालसम्मका जगदम्बाश्री पुरस्कार विजेताहरू

सम्मान	नाम
जगदम्बा-श्री २०७८	दुर्गाप्रसाद श्रेष्ठ
जगदम्बा-श्री २०७७	भैरवबहादुर थापा
जगदम्बा-श्री २०७६	शान्ति ठटाल
जगदम्बा-श्री २०७५	बैरागी काइँला
जगदम्बा-श्री २०७४	शान्तदास मानन्धर
जगदम्बा-श्री २०७३	दुर्गा बराल (वात्स्यायन)
जगदम्बा-श्री २०७२	लीलबहादुर क्षत्री
जगदम्बा-श्री २०७१	अङ्गूरबाबा जोशी
जगदम्बा-श्री २०७०	शिव रेग्मी
जगदम्बा-श्री २०६९	रत्नशमशेर थापा
जगदम्बा-श्री २०६८	संशोधन मण्डल
जगदम्बा-श्री २०६७	दुर्गालाल श्रेष्ठ
जगदम्बा-श्री २०६६	राजेन्द्र विमल
जगदम्बा-श्री २०६५	रामशरण दर्नाल
जगदम्बा-श्री २०६४	कृष्णप्रसाद पराजुली
जगदम्बा-श्री २०६३	तीर्थबहादुर श्रेष्ठ
जगदम्बा-श्री २०६२	भैरव रिसाल
जगदम्बा-श्री २०६१	फणीन्द्रराज खेताला
जगदम्बा-श्री २०६०	अलि मियाँ
जगदम्बा-श्री २०५९	कृष्णप्रकाश श्रेष्ठ
जगदम्बा-श्री २०५८	डायमनशमशेर राणा
जगदम्बा-श्री २०५७	धर्मराज थापा
जगदम्बा-श्री २०५६	नेपाली शिक्षा परिषद्
जगदम्बा-श्री २०५५	गोविन्दबहादुर मल्ल ‘गोठाले’
जगदम्बा-श्री २०५४	अम्बर गुरुङ
जगदम्बा-श्री २०५३	ठाकुरप्रसाद गुरागाई
जगदम्बा-श्री २०५२	हरिप्रसाद 'गोर्खा' राई
जगदम्बा-श्री २०५१	इन्द्रबहादुर राई
जगदम्बा-श्री २०५०	तारादेवी
जगदम्बा-श्री २०४९	नेपाली साहित्य सम्मेलन, दार्जीलिङ
जगदम्बा-श्री २०४८	केदारमान व्यथित
जगदम्बा-श्री २०४७	नरबहादुर भण्डारी
जगदम्बा-श्री २०४६	मदनकृष्ण श्रेष्ठ र हरिवंश आचार्य
जगदम्बा-श्री २०४५	नारायणगोपाल

यो पनि हेर्नुहोस्

• मदन पुरस्कार गुठी
• मदन पुरस्कार
• नारायणगोपाल

बाहिरी लिङ्कहरू

• मदन पुरस्कार गुठी