अष्ट्रिया
अष्ट्रिया (जर्मन: Österreich ओस्तेराइख, अर्थात पूर्वी राज्य) मध्य यूरोपमा स्थित एक भूपरिवेष्ठित देश हो। यसको राजधानी भियना हो। यसको प्रशासनिक (मुख्य- र राज-) वा कार्यकारी भाषा जर्मन भाषा हो। देशका धेरै हिस्सा आल्प्स पर्वतले ढाकियेको छ। यूरोपीय संघको यस देशको मुद्रा यूरो हो। यसको सीमाहरू उत्तरमा जर्मनी र चेक गणराज्यसँग, पूर्वमा स्लोवाकिया र हंगरी सँग, दक्षिणमा स्लोभेनिया र इटाली र पश्चिममा स्विटजरल्याण्ड र लिश्तेन्श्टाइन सँग जोडिएको छ। यस देशको उद्भव नौऔँ शताब्दी ताका माथिलो र तल्लो हिस्सामा आबादी बढन थाले पछि भयो। Ostarrichi शब्दको पहिला पहिला प्रयोग सन् ९९६मा प्रकाशित आधिकारिक लेखमा गरियो, जुन समयका साथ पछि Österreich ओस्तेराइखको रूपमा परिणत भयो। सब भन्दा ठूला शहरहरू भियना, ग्राज र लिन्ज हुन्।
Republik Österreich (जर्मन) Republic of Austria अष्ट्रिया गणराज्य | |
|---|---|
 झण्डा
 निशाना छाप
| |
आदर्श वाक्य: छैन | |
 | |
| राजधानी र सबैभन्दा ठूलो सहर | भियना |
| आधिकारिक भाषाहरू | जर्मन(आधिकारिक) स्लोभेनियाली; सर्बो~क्रोआट; हंगेरियाली;(स्थानीय) अष्ट्रियन संकेत भाषा; |
| रैथाने(हरू) | अष्ट्रियन |
| सरकार | गणराज्य |
| अलेक्ज्याण्डर भान डर बेलेन | |
• चांसलर | ब्रिजिट बियरलीन |
| स्वतन्त्रता | |
• अष्ट्रियन राज्य संधि प्रभावमा | 27 जुलाई, 1955 (डची: 1156, अष्ट्रियन साम्राज्य: 1804, पहिलो अष्ट्रियन गणराज्य: 1918−1938, दोस्रो अष्ट्रियन गणराज्य: 1945 देखि) |
• पानी (%) | 1.3 |
| जनसङ्ख्या | |
• 2005 अनुमानित | 8,206,524 (86औँ) |
• 2001 जनगणना | 8,032,926 |
| कुल ग्राहस्थ उत्पादन (क्रय शक्ति समता) | 2005 लगत |
• जम्मा | $267 बिलियन (35औँ) |
• प्रति व्यक्ति | $32,962 (9औँ) |
| मानव विकास सूचकाङ्क (2003) | 0.936 धेरै उच्च · 17औँ |
| मुद्रा | यूरो¹ (EUR) |
| समय क्षेत्र | अन्तर्राष्ट्रिय प्रमाणिक समय+1 (CET) |
• ग्रीष्मकालिन (दिवाप्रकाश समय बचत) | अन्तर्राष्ट्रिय प्रमाणिक समय+2 (CEST) |
| टेलिफोन कोड | 43 |
| इन्टरनेट डोमेन | .at |
यहाँ नौ संघीय राज्यहरू छन्। ती हुन् - भियना (सदरमुकामः भियना), उपल्लो अस्ट्रिया (सदरमुकामः लिन्ज), तल्लो अस्ट्रिया (सदरमुकामः सेन्क्ट् प्योल्टन), बुर्गेनलान्ड (सदरमुकामः आइजेनश्टाट), फोरार्लबेयर्ग (सदरमुकामः ब्रेगेन्च), टिरोल (सदरमुकामः इन्सब्रुक), साल्जबेयर्ग (सदरमुकामः साल्जबेयर्ग), केयर्नतेन (सदरमुकामः क्लागेनफुर्त) र स्टायरमार्क (सदरमुकामः ग्राज)।
अस्ट्रिया वोल्फग्यांग अमाडियस मोजार्ट, योहान श्त्राउस र लुड्भिग भान बीथोवन जस्ता पश्चिमेली शास्त्रीय संगीतका दिग्गजहरूको जन्मस्थान हो। मनोविज्ञानका पिता मानिने सिग्मुण्ड फ्रोयड तथा हलिवुडका एक्शन चलचित्रका महान् स्टार आर्नोल्ड श्वार्चेनेगर (हाल अमेरिकी नागरिक) लगायत अरू धेरै प्रसिद्ध व्यक्तिहरू अस्ट्रियामाका नै उपज थिए।
भियना
भियनामा अस्ट्रियन संसद
लिन्ज
लिन्ज मा डेन्यूब
ग्राज
अस्ट्रियाको उच्च हिमाल
