यति एयरलाइन्सको एटिआर-७२ विमान दुर्घटना

यति एयरलाइन्सको उडान ६९१ काठमाडौँको त्रिभुवन अन्तर्राष्ट्रिय विमानस्थलबाट पोखरा अन्तर्राष्ट्रिय विमानस्थलका लागि सञ्चालन गर्दै आइरहेको एक आन्तरिक यात्रुवाहक उडान थियो। वि.सं. २०७९ माघ १ गतेका दिन यो उडान सञ्चालन गर्ने एटिआर ७२-५०० विमान सेतीगण्डकी नदी किनारमा पोखरामा अवतरण गर्ने क्रममा दुर्घटनाग्रस्त भएको थियो।

यति एयरलाइन्सको एटिआर-७२ विमान दुर्घटना

दुर्घटना हुनुभन्दा तीन महिनाअघि पोखरा अन्तर्राष्ट्रिय विमानस्थलमा उक्त जहाज
दुर्घटना
मिति	१ माघ २०७९
सारांश	अवतरणको क्रममा दुर्घटना
स्थल	पोखरा अन्तर्राष्ट्रिय विमानस्थल, नजिक पोखरा, नेपाल २८°११′३८″उ ८३°५८′५६″पू
विमान
विमानको प्रकार	एटिआर ७२-५००
सञ्चालक	यति एयरलाइन्स
आइएटिए उडान सं.	वाइटी ६९१
आइसिएओ उडान सं.	एनवाइटी ६९१
परिचयक चिह्न	यति एयरलाइन्स ७९१
दर्ता नम्बर	९एन-एएनसी
विमान उडान	त्रिभुवन अन्तर्राष्ट्रिय विमानस्थल, काठमाडौँ, नेपाल
गन्तव्य	पोखरा अन्तर्राष्ट्रिय विमानस्थल, पोखरा, नेपाल
सिट सङ्ख्या	७२
यात्रुहरू	६८
चालक दल	४
मृत्यु	७२

एयरलाइन्सले जानकारी गराए अनुसार १५ विदेशी नागरिक र चालक दलका चार सदस्यसहित ७२ जना विमानमा सवार थिए भने दुर्घटनामा परी सबै ७२ जनाको मृत्यु भएको थियो। जसमध्ये ५३ नेपाली, ५ भारतीय, ४ रुसी, २ कोरियाली, एक/एकजना अर्जेन्टिनी, अस्ट्रेलियाली, आइरिसेली र फ्रान्सेली नागरिक रहेका थिए। यो सन् १९९२ पछिको नेपालको सबैभन्दा दुःखद हवाई दुर्घटना हो।

दुर्घटना

पोखरा नेपालको प्रमुख पर्यटकीय गन्तव्य र दोस्रो ठूलो सहर हो। उडान स्थानीय समय अनुसार बिहान १०:३३ मिनेटमा काठमाडौँबाट उडेको थियो। यो विमान अवतरण गर्ने क्रममा सेती नदीको किनारमा दुर्घटना भएको हो। दुर्घटना हुनुभन्दा केही समयअघि खिचिएको भिडियोमा विमान दुर्घटना हुनुभन्दा अगाडि बायाँ तिर ढल्किएको देखिएको थियो। त्यस्तै विमानभित्रबाट खिचिएको भनिएको एक भिडियोमा दुर्घटनापछि आगोको राँको देख्न सकिन्छ।

यात्रुहरू

जहाजमा ६८ यात्रु र चार नेपाली चालक दलका सदस्यहरू रहेका थिए। यात्रुमा ५३ नेपाली, पाँच भारतीय, चार रुसी, दुई दक्षिण कोरियाली, एक अर्जेन्टिनी, एक अस्ट्रेलियाली, एक फ्रान्सेली र एक आयरिसेली थिए। यात्रुमध्ये दुई शिशु पनि थिए।

यस दुर्घटनामा कम्तिमा ६९ जनाको ज्यान गएको थियो र सन् १९९२ मा पाकिस्तान अन्तर्राष्ट्रिय एयरलायन्सको विमानको दुर्घटनापछि नेपालको सबैभन्दा दुःखद हवाई दुर्घटना थियो। यो इतिहासमा तेस्रो सबैभन्दा घातक हवाई दुर्घटना थियो।

नागरिकता	यात्रु	चालक दल	कुल
नेपाल	५३	४	५७
भारत	५	०	५
रुस	४	०	४
दक्षिण कोरिया	२	०	२
आयरल्यान्ड	१	०	१
अर्जेन्टिना	१	०	१
अस्ट्रेलिया	१	०	१
फ्रान्स	१	०	१
कुल	६८	४	७२

प्रतिक्रिया

अधिकारीहरूले उद्धार कार्य सुरु गरेपछि विमानस्थललाई बन्द गरिएको थियो। दुर्घटनापछि नेपाल सरकारले मन्त्रिपरिषद्को आकस्मिक बैठक बोलाएको थियो भने नेपालका प्रधानमन्त्री पुष्पकमल दाहालले ‘दुःखद र दु:खद दुर्घटनाबाट आफू गहिरो दुःखी भएको’ बताएका थिए।