महेन्द्रनगर, सुनसरी

महेन्द्रनगर, सुनसरी सुनसरी जिल्लामा अवस्थित एक गाउँ विकास समिति हो। यो गा.बि.स. मा करिब ३० हजार मानिसहरू बसोबास गर्छन् । यस गा.बि.स सुनसरी जिल्लाको उदाउदो ताराको रूपमा चिनिदै आएको छ । सुनसरी सदरमुकाम ईनरुवा भन्दा बढी जनघनत्वको बोकेको यो गा.बि.स. र आसपासका अन्य गाविसहरू जोडेर अहिले बराह नगरपालिका बनाइएको छ । सरकारले प्रस्ताव गरेका पाँच गा.बि.स. हरूमा भरौल, प्रकाशपुर, मधुवन, बराहक्षेत्र र महेन्द्रनगर लाई मिलाएर "बराह नगरपालिका" बनाउने भनि गरिएको प्रस्तावमा विभिन्न राजनितिक दलहरूबाट सहमति भई प्रकृया अघि बढेपछी यो नगरपालिका बनाइएको हो । यसो हुँदा यो नगर क्षेत्रफलका आधारले सुनसरी जिल्लाकै सबै भन्दा ठुलो नगर बनेको छ । बराह नगरपालिका घोषणा भईसकेको पछि याँहाको कुल जनसङ्ख्या करिब १ लाख छ । नगरपालिका केन्द्र महेन्द्रनगर चक्रघट्टी घोषणा भएको छ । धरान उप-महानगरपालिकाबाट १२ कि.मि को छोटो दुरि र ईटहरी उप-महमनगरपालिकाबाट करिब १४ कि.मि दुरि मा अवस्थित नगर हो ।