दमौली

यो लेख नेपालको एक वडाको बारेमा हो। अन्य लेखको लागि व्यास नगरपालिका हेर्नुहोस्।

दमौली नेपालको गण्डकी प्रदेशमा पर्ने तनहुँ जिल्लाको सदरमुकाम तथा व्यास नगरपालिकाको प्रशासनिक केन्द्र हो। दमौलीलाई दुई वटा वडामा विभाजित गरिएको छ जसलाई दमौली बजार र मुख्य बजार क्षेत्र भन्ने गरिन्छ। दमौली व्यास नगरपालिकाको वडा नं. २ र वडा नं. ३ मा पर्दछ। दुवै वडाको जम्मा क्षेत्रफल १.१२ वर्ग किलोमिटर (०.४३ वर्ग माइल) रहेको छ भने ३,१३८ घरधुरीको बसोबास रहेको यस नगरको जनसङ्ख्या ११,४०१ रहेको छ।

दमौली
सदरमुकाम टोल
दमौली बजारको दृश्य
दमौली नक्सामा दमौली बजारको अवस्थिति दमौली दमौली (नेपाल)
निर्देशाङ्क: २७°५८′३५″उ॰ ८४°१६′०५″पू॰
देश	नेपाल
प्रदेश	गण्डकी प्रदेश
जिल्ला	तनहुँ जिल्ला
नगरपालिका	व्यास नगरपालिका
वडा	२ र ३
नगरपालिकाको भाग	वि.सं. २०४८ चैत्र ३०
सदरमुकाम घोषित	वि.सं. २०२५ माघ १
सरकार
• वडाध्यक्ष (वडा २)	काशीराम श्रेष्ठ
• वडाध्यक्ष (वडा ३)	प्रेमकुमार श्रेष्ठ
क्षेत्रफल
• जम्मा	१.१२ किमी२ (०.४३ वर्ग माइल)
जनसङ्ख्या  (वि.सं. २०६८)
• जम्मा	११४०१
• घनत्व	१००००/किमी२ (२६०००/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
हुलाक कोड	३३९००
क्षेत्रीय सङ्केत	+९७७-६५

विभाजन

व्यास नगरपालिका

वडा नं.	प्रशासनिक केन्द्र	क्षेत्रफल (किमी२)	जन. २०६८	घरधुरीहरू
२	दमौली बजार	०.३८	७,४१९	२०७८
३	मुख्य बजार क्षेत्र	०.७४	३,९८२	१०६०

पृष्ठभूमि

तत्कालिन श्री ५ को सरकारद्वारा नेपाल अधिराज्यलाई १४ अञ्चल र ७५ जिल्लामा विभाजन गर्ने वि.सं. २०१९ मङ्सिर ५ गतेको निर्णय र वि.सं. २०१९ पौष २ गते नेपाल गजेटमा प्रकाशित सूचना अनुसार तनहुँ जिल्ला गठन गरि बन्दीपुरलाई सदरमुकाम तोकिएको थियो। वि.सं. २०२५ माघ १ गते तत्कालिन श्री ५ को सरकार कानून तथा न्याय मन्त्रालयद्वारा गरिएको निर्णय र सोही मितिमा नेपाल राजपत्रमा प्रकाशित सूचना अनुसार सदरमुकाम दमौली बजार क्षेत्र कायम गरिएको थियो। वि.सं. २०४८ चैत्र ३० गतेसम्म गाउँ विकास समितिको रूपमा रहेको दमौलीलाई नेपाल सरकारको निर्णय बमोजिम वि.सं. २०४८ चैत्र ३० गते यसलाई व्यास नगरपालिकाको भाग बनाइएको थियो।