गाईघाट

यो लेख नेपालको एक वडाको बारेमा हो। अन्य लेखको लागि त्रियुगा नगरपालिका हेर्नुहोस्।

गाईघाट नेपालको कोशी प्रदेशमा पर्ने उदयपुर जिल्लाको सदरमुकाम तथा त्रियुगा नगरपालिकाको प्रशासनिक केन्द्र हो। गाईघाटलाई दुई वटा वडामा विभाजित गरिएको छ जसलाई गाईघाट बजार र पुरानो गाईघाट भन्ने गरिन्छ। गाईघाट त्रियुगा नगरपालिकाको वडा नं. ११ र वडा नं. १२ मा पर्दछ। गाईघाट बजार वडा नं. ११ मा र पुरानो गाईघाट वडा नं. १२ मा पर्दछ। दुवै वडाको जम्मा क्षेत्रफल १६.११ वर्ग किलोमिटर (६.२२ वर्ग माइल) रहेको छ भने २,८३२ घरधुरीको बसोबास रहेको यस नगरको जनसङ्ख्या १४,२४३ रहेको छ।

गाईघाट
सदरमुकाम टोल
उत्तरी पहाडी क्षेत्रबाट गाईघाट बजारको दृश्य
गाईघाट नक्सामा त्रियुगा नगरपालिका गाईघाट गाईघाट (नेपाल)
निर्देशाङ्क: २६°४७′२६″उ॰ ८६°४२′०७″पू॰
देश	नेपाल
प्रदेश	कोशी प्रदेश
जिल्ला	उदयपुर जिल्ला
नगरपालिका	त्रियुगा नगरपालिका
वडा	११ र १२
नगरपालिकाको भाग	वि.सं. २०५३ चैत १४
सदरमुकाम घोषित	वि.सं. २०२७ फागुन १७
सरकार
• वडाध्यक्ष (वडा ११)	विश्वराज भट्टराई
• वडाध्यक्ष (वडा १२)	जयविक्रम राई
क्षेत्रफल
• जम्मा	१६.११ किमी२ (६.२२ वर्ग माइल)
जनसङ्ख्या  (वि.सं. २०६८)
• जम्मा	१४२४३
• घनत्व	८८०/किमी२ (२३००/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
हुलाक कोड	५६३००
क्षेत्रीय सङ्केत	०३५

विभाजन

त्रियुगा नगरपालिका

वडा नं.	प्रशासनिक केन्द्र	क्षेत्रफल (किमी२)	जन. २०६८	घरधुरीहरू
११	गाईघाट बजार	१२.३	७,९३२	१५४७
१२	पुरानो गाईघाट	३.८१	६,३११	१२८५

पृष्ठभूमि

तत्कालिन श्री ५ को सरकारद्वारा नेपाल अधिराज्यलाई १४ अञ्चल र ७५ जिल्लामा विभाजन गर्ने वि.सं. २०१९ मङ्सिर ५ गतेको निर्णय र वि.सं. २०१९ पुष २ गते नेपाल गजेटमा प्रकाशित सूचना अनुसार उदयपुर जिल्ला गठन गरि उदयपुरगढीलाई सदरमुकाम तोकिएको थियो। वि.सं. २०२७ माघ २ गते तत्कालिन श्री ५ को सरकार गृह पञ्चायत मन्त्रालयद्वारा गरिएको निर्णय र वि.सं. २०२७ फागुन १७ गते नेपाल राजपत्रमा प्रकाशित सूचना अनुसार सदरमुकाम गाईघाट बजार बोकसे क्षेत्र कायम गरिएको थियो। वि.सं. २०५३ चैत १३ गतेसम्म गाउँ विकास समितिको रूपमा रहेको गाईघाटलाई नेपाल सरकारको निर्णय बमोजिम वि.सं. २०५३ चैत १४ गते यसलाई त्रियुगा नगरपालिकाको भाग बनाइएको थियो।