कुसुम (फल)

कुसुम (वैज्ञानिक नाम: ब्याकुरिआ रेमिफ्लोरा) जसलाई अङ्ग्रेजीमा बर्मी अङ्गुर भन्ने गरिन्छ, फिलान्थेसी परिवारमा एक ढिलो-बढ्ने सदाबहार रूख हो जुन २५ मिटरसम्म अग्लो हुने गर्छ। यो वनस्पति एसियाका बर्मा, कम्बोडिया, लाओस, भियतनाम, भारत, बङ्गलादेश, नेपाल र मलेसियामा लगायतका देशहरूमा पाइन्छ। यो माटोको एक विस्तृत श्रृङ्खलामा सदाबहार वनमा बढ्छ। यसको फलको प्रयोग वाइन बनाउन, स्थानीयद्वारा फलको रूपमा खान तथा छाला रोगको उपचारको लागि औषधीय रूपमा पनि प्रयोग गरिन्छ। यो वनस्पतिको बोक्रा, जरा र काठ औषधि प्रयोगको लागि काटिन्छ।

कुसुम
कुसुमको रुख
कुसुमको फल
वैज्ञानिक वर्गीकरण
जगत:	वनस्पति
प्राकृतिक समूह:	फूल फुल्ने वनस्पति
प्राकृतिक समूह:	दुईदलीय वनस्पति
प्राकृतिक समूह:	रोसाइड्स
गण:	मेल्पिघिएल्स
परिवार:	फिलान्थेसी
वंश:	ब्याकुरिआ लोरेरो, सन् १७९०
प्रजाति:	B. ramiflora
वैज्ञानिक नाम
Baccaurea ramiflora लोरेरो, सन् १७९०

यसको फल अण्डाकार, रङ्गीन पहेलो, गुलाबी देखि चम्किलो रातो वा बैजनी रङको हुने गर्छ।