सूर्योदय नगरपालिका

सूर्योदय नगरपालिका
सूर्योदय नगरपालिका
नगरपालिका
	कञ्चनजङ्घा हिमालको मनोरम दृश्य सँगै रहेको चिया बगान
	कोशी प्रदेशको नक्सामा सूर्योदय नगरपालिकाको अवस्थिति सूर्योदय नगरपालिका (नेपाल)
	निर्देशाङ्क: २६°५३.४५′उ॰ ८८°३.९०′पू॰ / २६.८९०८३°N ८८.०६५००°Eनिर्देशाङ्कहरू: २६°५३.४५′उ॰ ८८°३.९०′पू॰ / २६.८९०८३°N ८८.०६५००°E
देश	नेपाल
प्रदेश	कोशी प्रदेश
जिल्ला	इलाम
स्थापित	२०७१ वैशाख २५
सरकार
• प्रमुख	रनबहादुर राई (नेकपा (एकीकृत समाजवादी))
• उपप्रमुख	दुर्गाकुमार बराल (नेपाली काङ्ग्रेस)
क्षेत्रफल
• जम्मा	२५२.५२ किमी२ (९७.५० वर्ग माइल)
जनसङ्ख्या (राष्ट्रिय जनगणना २०७८)
• जम्मा	५४,७२४
• घनत्व	२२०/किमी२ (५६०/वर्ग माइल)
समय क्षेत्र	युटिसी+५:४५ (नेपाली समय)
क्षेत्रीय सङ्केत	+९७७-०२७
वेबसाइट	आधिकारिक वेबसाइट

सूर्योदय नगरपालिका इलामका ४ नगरपालिकाहरू मध्ये एक हो।^[३] फिक्कल, पञ्चकन्या र कन्याम गाविस मिलाएर २०७१ सालमा सूर्योदय नगरपालिका बनाइएको थियो तर नयाँ संविधानले स्थानीय तहको व्यवस्था गरेपछि स्थानीय तह पुनर्संरचना आयोगले २०७३ सालमा गाविसहरु गोर्खे, पशुपतिनगर, श्रीअन्तु र समालबुङ तथा लक्ष्मीपुर गाविसको वडा नं ५ वाहेकको क्षेत्र र जोगमाईको वडा नं. ८ र ९ मिलाएर नयाँ सूर्योदय नगरपालिकाको क्षेत्र विस्तार गरिएको थियो।^[४] यो नगरपालिका २५२.५२ वर्ग कि.मी मा पैलिएको छ। मेची राजमार्ग यही नगरपालिका भएर पार गर्दछ।

पश्चिममा इलाम नगरपालिका, उत्तरमा माईजोगमाई गाविस, दक्षिणमा रोङ गाउँपालिका र पूर्वमा भारतको पश्चिम बङ्गाल राज्य अन्तरगत दार्जिलिङ्ग जिल्लाले छेकेको सूर्योदय नगरपालिकाको केन्द्र फिक्कल बजार तोकिएको छ । यो इलामका पुराना बजारमध्ये एक हो र हालमा पनि पूर्वी इलामको मुख्य व्यापारिक केन्द्र रहेको छ । यहीँबाट पशुपतिनगरतर्पmको सडक छुटिन्छ । यो नगरपालिका चिया, अलैंची, दूध, आलु लगायतका नगदे बालिका लागि चर्चित छ । देशको एक मात्र अलैंची विकास केन्द्र पनि यही नगरमा पर्दछ । साबिक फिक्कल गाबिसको कार्यालय रहेको ठाँउलाई को केन्द्र बनाइएको छ । ^[५]