राईगाउँ

राईगाउँ नेपालको पूर्व प्रशासनिक विभाजन अनुसार, मध्यमाञ्चल विकास क्षेत्रको नारायणी अञ्चल, मकवानपुर जिल्लामा अवस्थित एक गाविस थियो। एघारौँ राष्ट्रिय जनगणना २०६८मा यहाँको जनसङ्ख्या १०३६८ रहेको थियो जसमध्ये ४९७७ पुरुष र ५३९१ महिला रहेका थिए भने यहाँ १८९३ घरधुरी रहेको थियो। यो हाल बागमती गाउँपालिकामा पर्दछ।

राईगाउँ
पूर्व गाविस
नेपालको नक्सामा राईगाउँको अवस्थिति राईगाउँ (नेपाल)
निर्देशाङ्क: २७°३६′२९″उ॰ ८५°०५′३९″पू॰
देश	नेपाल
प्रदेश	बागमती प्रदेश
जिल्ला	मकवानपुर जिल्ला
जनसङ्ख्या  (वि.सं २०६८)
• जम्मा	१०,३६८
समय क्षेत्र	युटिसी+५:४५ (नेपाली समय)

यस जिल्लाको पूर्वि द￶क्षीण भागमा पर्दछ। यो गाविसबाट दक्षिणतर्फ पूर्व-पश्चिम महेन्द्र राजमार्ग १७ किलोमिटर को दूरीमा रहेको छ भने उत्तरतर्फ महाभारत चुरेपर्वतहरू छन्। राजधानी काठमान्डौबाट बग्ने बागमति नदि यहि गाविसहुँदै तराई बग्दछ। यहि नदिले सिन्धुली जिल्लासँगको सिमाना छुट्याईएको छ। यस गाउँमा ठूला थप दुई खोला मरिण र चिरूवा बागमतिमा मिसिएर अविरल बग्ने गर्दछ। भौगोलिक रचनामा चारैतिरबाट पहाडहरूले घेरिएको यो उपत्यका भित्रि तराई अन्तर्गत पर्दछ। यहि गाविसको हात्तिढुङ्गा गाउँ जिल्लाको सबैभन्दा होचो भूभागमा पर्दछ। जसको उचाई समुद्रि सतहबाट १६६ मिटर रहेकोछ।

मकवानपुर जिल्लाको मूलबासी आदिवासीको रूपमा चिनिएका भुमिपुत्र भुमिपुजक देवास राई जाति पनि यहि ठाउँमा नै आदिम युगदेखि बसोवास गर्दै आएका छन्। यहि जातीबाट नै गाविसको नाम पनि राईगाउँ रहन गएको ठहर छ।