फुस्रेकोखे चाँचर

फुस्रेकोखे चाँचर चाँचर परिवारमा पर्ने चराको प्रजाति हो। यो चरा नेपाल लगायत भारत, चिन, लाओस, म्यानमार र थाइल्याण्डमा पनि पाइने गर्छ।

फुस्रेकोखे चाँचर
संरक्षण स्थिति
असुरक्षित  (आइयुसिएन ३.१)
वैज्ञानिक वर्गीकरण
जगत:	जनावर
Phylum:	रज्जुकी
वर्ग:	चरा
गण:	Passerine
परिवार:	Thrush (bird)
वंश:	True thrush (Salvadori, १८८७)
प्रजाति:	T. feae
वैज्ञानिक नाम
Turdus feae (Salvadori, १८८७)

शारीरिक विबरण

फुस्रेकोखे चाँचर सेतो आँखीभौ, गाढा अग्राक्ष र आँखा मुन्तिर सेतो अर्धचन्द्राकार हुन्छ। वयस्क भालेको माथिल्लो भाग लाल ओलिभ रङको तालु लगायत कानढकनी र तल्लो भागको सैरो पेट र निर्गमस्थल हुन्छ । पोथीको भाले जस्तै देखिने तर सेतो कण्ठ हुन्छ, साथै छाती र पेटको बीचतिर हलि सेतो हुन्छ । यसको छाती र कोखा खैरो मन्द सुन्तला रङ्को हुन्छ ।

भौगोलिक वितरण

फुस्रोकोखे चाँचर नेपाल, भारत, चिन, लाओस, म्यानमार र थाइल्याण्डमा पाइन्छ । यो चरा १००० मि. देखि २५६५ मि. सम्मको उँचाइमा पाइने गर्छ । बसाइ सराई गर्ने यो चरा फिरन्ते प्रजातीको रूपमा चिनिन्छ ।

प्रमुख वासस्थान

फुस्रोकोखे चाँचरको प्रजनन् स्थल हिमाली क्षेत्रका खर्सु र सल्लाका पतझड वनहरू हुन् । यो चरा हिँउद मौसममा सदाबहार वनमा बस्दछ ।

खतराहरू तथा संरक्षण अवस्था

वासस्थानको निरन्तर विनासले गर्दा यो चराको प्रजाति संकटमा परेको छ । विश्वमै दुर्लभ मानिने यो प्रजाती संरक्षणका हिसाबले संवेदनशील अवस्थामा रहेको छ ।