नमोबुद्ध नगरपालिका

नमोबुद्ध नगरपालिका नेपालको बागमती प्रदेशमा पर्ने काभ्रेपलाञ्चोक जिल्लामा अवस्थित एक नगरपालिका हो। स्थानीय विकास मन्त्रालयले थप ६१ वटा नयाँ नगरपालिका थप्दा काभ्रेपलाञ्चोक जिल्लामा खनालथोक, मथुरापाटी फूलबारी, मेथिनकोट, पुरानागाउँ दाप्चा, दाप्चा छत्रेबाँझ, डराउने पोखरी यी ६ गाउँ विकास समितिहरूलाई समेटेर नमोबुद्ध नगरपालिका घोषणा गरिएको हो। नमोबुद्ध नगरपालिकाको केन्द्रभने भकुण्डेबेशीमा रहको छ। नगरपालिकाको घोषणा र क्षेत्रविस्तारसँगै मुलुकमा १ महानगरपालिका, ११ उपमहानगरपालिका, १ सय ७९ नगरपालिका र ३ हजार २ सय ७८ गाविस कायम भएका छन्। नयाँ नगरपालिका थपिएपछि नेपालको सहरी जनसङ्ख्याको प्रतिशत ३६ दशमलव ८ पुगेको मन्त्रालयले जनाएको छ।

नमोबुद्ध नगरपालिका
नगरपालिका
देश	नेपाल
प्रदेश	बागमती प्रदेश
जिल्ला	काभ्रेपलाञ्चोक
स्थापना	मङ्सिर २०७१
क्षेत्रफल
• जम्मा	७१.४ किमी२ (२७.६ वर्ग माइल)
जनसङ्ख्या  (राष्ट्रिय जनगणना २०६८)
• जम्मा	२१,३२४
• घनत्व	३००/किमी२ (७७०/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-११
वेबसाइट	namobuddhamun.gov.np

जनसङ्ख्या

नमोबुद्ध नगरपालिका साविकका खनालथोक, मथुरापाटी फूलबारी, मेथिनकोट, पुरानागाउँ दाप्चा, दाप्चा छत्रेबाँझ, डराउने पोखरी गाविसहरू मिलेर बनेको हो। त्यसैले राष्ट्रिय जनगणना २०६८ अनुसार यी ६ गाविसहरूको जनसङ्ख्यालाई जोड्दा नमोबुद्ध नगरपालिकाको कूल जनसङ्ख्या २१,३२४ हुन्छ।

बाह्य कडीहरू

• जिल्ला विकास समितिको कार्यालय, काभ्रेपलाञ्चोक