साराह लोगन

साराह ब्रिजेज (जन्म ९ सेप्टेम्बर १९९३) एक अमेरिकी व्यवसायीक कुस्ती खेलाडी हुन्। उनी हाल डब्ल्युडब्ल्युईसँग सम्बन्धित छिन् जहाँ उनी रमा कार्यरत छिन् र साराह लोगनका नामले कुस्ती खेल्छिन्। उनी महिला कुस्ती समूह रएट स्क्वाडको एक सदस्य पनि हुन्। उनले पहिला स्वतन्त्र सर्किटमा आफ्नो रिङको नाम क्रेजि म्यारी डबसनले कुस्ती खेल्ने गर्थिन्।

साराह लोगन
सन् २०१३ मा साराह लोगन
वास्तविक नाम	साराह व्रिजेज
जन्म	(1993-09-10) सेप्टेम्बर १०, १९९३ लुइसभिल, केण्टकी, संयुक्त राज्य अमेरिका
निवासस्थान	ओर्लान्डो, फ्लोरिडा, संयुक्त राज्य अमेरिका
जीवनसाथी(हरू)	रेमण्ड रोउ ( वि २०१८)
व्यावसायिक कुस्ती जीवन
लोकप्रिय रिङ नाम	क्रेजी म्यारी डबसन साराह ब्रिजेज साराह लोगन
उचाई	५ फिट ६ इञ्च
तौल	१३९ पाउण्ड
उत्पत्ति	लुइसभिल, केन्टकी
प्रशिक्षक	म्याड म्यान पोन्डो मिकि नकलेस डब्ल्युडब्ल्युई प्रदर्शन केन्द्र
पदार्पण	नोभेम्बर ८, २०११

बाल्यकाल

ब्रिजेज सेप्टेम्बर ९, १९९३ मा, अमेरिकाको लुइसभिले नामक सहरमा जन्मिएकी थिइन्। उनले इण्डियानाको राज्यको जेफरसनभिले उच्च माध्यमिक विद्यालयमा पठनपाठन गरेकी थिइन्।

व्यवसायीक कुस्ती कार्यकाल

स्वतन्त्र सर्किट (सन् २०११–२०१६)

ब्रिजेज सन् २०११ व्यावसायीक कुस्तीमा सम्लग्न भएकी थिइन् जसम उनले आफ्नो रिङको नाम क्रेजी म्यारी डबसनले पहिलो खेल म्याकी नकल्ससँग खेलेकी थिइन्। उक्त खेल भने आइड्ल्युए पूर्वी तटिय पदोन्नतिको लागि रहेको थियो। उनले पहिलो उपस्थितिमै दश महिला ट्याग टोली खेलमा भाइपर (महिला कुस्ती खेलाडी)लाई हराउन सफल भएकी थिइन्। डबसनले त्यसपश्चात् संयुक्त राज्य अमेरिका र युरोपकन विभिन्न ठाउँ गई कुस्तीमा आफ्नो प्रदर्शनी दिएकी थिइन् जसमा इनसेन च्याम्पियनसिप रेस्लिङ, रिङ अफ अनर, सिमर वुमन एथलेटिक्स, र जुगालो च्याम्पियनसिप पर्दछन्। २१ फेब्रुअरी २०१५, जेसिडब्ल्यु (जुगालो च्याम्पियनसिप रेस्लिङ) को टेक मि होम नामक कार्यक्रममा ब्रिजेज र म्याड मेन पोन्डो मिलेर द होलिगन्स (डेभिन कटर र म्यासन कटर)लाई पराजित गरी जेसिडब्ल्यु ट्याग टिम उपाधि हात पारेका थिए।

डब्ल्युडब्ल्युई

सुरुवाती उपस्थिति (सन् २०१४–२०१५)

ब्रिजेजले १ सेप्टेम्बर २०१४ मा रको एक श्रृङ्खलामा पहिलो पटक आफ्नो उपस्थिति बनाएकी थिइन् जसमा उनले अमेरिकी कुस्ती खेलाडी द मिजको लागि श्रृङ्गार कलाकारको रूपमा देखा परेकी थिइन्। सन् २०१५ मा, उनी बोल्न नपर्ने भूमिकामा स्म्याकडाउन र र मा देखा परेकी थिइन्। त्यस समयमा द मिज र डेमिएन मिजडो एक विज्ञापनको लागि त्यहाँ उपस्थित थिए। उनले आडम रोजसँग पनि धेरै पटक उपस्थिति जनाएकी थिइन्। २९ अप्रिल २०१५ मा एनएक्सटीको एक श्रृङ्खलामा उनको र बेकी लिञ्चको खेलमा उनले हार बेहोरेकी थिइन्।

एनएक्सटी (सन् २०१६–२०१७)

१९ अक्टोबर २०१६ मा, डब्ल्युडब्ल्युईले ब्रिजेजले आधिकारिक रूपमा डब्ल्युडब्ल्युईसँगको एक सम्झौतामा हस्ताक्षर गरेको घोषण गरेको थियो। नोभेम्बर १७ मा, ब्रिजेजले एनएक्सटीमा प्रदापण गरेकी थिइन् जसमा उनले मेसी इस्ट्रेलालाई पराजित गर्न सफल भएकी थिइन्। ११ जनवरी २०१७ मा, एनएक्सटीको एक श्रृङ्खलामा ब्रिजेजले पहिलो पटक आफ्नो वास्तविक नाममा दूर्दशनमा प्रदापण गरेकी थिइन् जसमा उनले मेसी इभान्ससँग मिलेर द आइकोनिकसँग (बिली के र पिटन रोइस) प्रतिस्पर्धा गरेका थिए तथापि उक्त महिला ट्याग टोली खेल भने द आइकोनिक (बिलि के र पिटन रोइस)ले जितेका थिए। ब्रिजेज ७ जूनमा पुन: एकएक्सटीको एक श्रृङ्खलामा फर्किएकी थिइन् जसमा उनले रिङ नाम साराह लोगनको नामले एकल प्रतिस्पर्धा पिटन रोइससँग गरेकी थिइन्। उक्त खेलमा उनी पराजित हुन पुगेकी थिइन्। उनी त्यस पश्चात् एनएक्सटीमा रिङ प्रतिस्पर्धाबाट ओझेलमा परेकी थिइन्। लोगन अगस्ट २३ मा एनएक्सटीको एक श्रृङ्खलामा फर्कीएकी थिइन् जसमा उनले पुन: पिटन रोइससँग पराजित भएकी थिइन्। २५ अक्टोबरमा एनएक्सटीको एक श्रृङ्खलामा, फ्याटल फोर वे खेल (४ जना एक्लाएक्लै)मा खेल्न पाउने अवसर प्राप्त गर्नाको लागि लोगनले ब्याटल रोयलमा सहभागीता जनएकी थिइन् जसको विजेताले खाली रहेको एनएक्सटी महिला च्याम्पियनसिप उपाधि जित्ने थियो। उक्त खेल एनएक्सटी टेकओभर: वार गेम्समा राखिएको थियो जसमा उनी असफल भएकी थिइन्। उक्त खेल उनको एनएक्सटीको अन्तिम उपस्थिति रहेको थियो।

१६ जून २०१७, मे योङ क्लासिकमा प्रतिस्पर्धा गर्ने, लोगन पहिलो ४ जना सहभागीमा एक रहेको घोषण गरिएको थियो। २८ अगस्टमा, मे योङ क्लासिकको पहिलो चरणमा लोगनलाई मिया यिमले प्रतियोगिताबाटै बाहिर्‍याइदिएकी थिइन्। सेप्टेम्बर ११ मा, प्रतियोगिताबाटै बाहिरिएको लोगनले अरू ६ जना प्रतियोगिताबाट बाहिरिएका प्रतियोगीहरूसँग मिलेर ६ महिला ट्याग टोली खेलमा भाग जनएकी थिइन् जसमा लोगन, स्यानटेना गेरेट र मार्टी बेलिलाई टेसा ब्ल्यानचार्ड, के लि रे र जजि गबर्टले हराएका थिए।

र (सन् २०१७–२०२०)

मोर्गन (बायाँ) राएट स्क्वाडका सदस्य रूबि रायट (बीच) र साराह लोगन (दायाँ) को साथ, रेसलमेनिया ३४, अप्रिल २०१८

२१ नोभेम्बर २०१७ मा स्म्याकडाउन लाइभको एक श्रृङ्खलामा, लोगनले उनका महिला कुस्ती समूहका सदस्य रूबि रायट र लिभ मोर्गेनसँग मुख्य पर्दामा पर्दापण गरेकी थिइन् जहाँ उनीहरूले बेकी लिञ्च र नेयोमीमाथी हमला गरेका थिए। सोही रात, उनीहरूले स्म्याकडाउन महिला उपाधिको लागि परेको सार्लेट फ्लेयर र नेटालियाबिचको प्रतिस्पर्धात्मक कुस्ती खेलमा पनि घुसपैठ गरेका थिए र उनीहरू दुबैलाई आक्रमण गरेका थिए। अर्को हप्ताको स्म्याकडाउनको एक श्रृङ्खलामा, उक्त महिला कुस्ती समूहले आफ्नो नाम "द राएट स्क्वाड" राखेका थिए र सोही रात उनीहरूले पहिलो खेलमा पनि जित हात पारेका थिए जहाँ उनीहरूले सार्लेट फ्लेयर, नेयोमी र नेटालीयालाई ६ महिला ट्याग टिम खेल (एकतर्फ तीन जना महिला र अर्को तर्फ पनि तीन जना महिला बिचको प्रतिस्पर्धा) मा जित हात पारेका थिए। त्यस महिना भरि द राएट स्क्वाडले सार्लेट फ्लेयर र नेयोमीसँग प्रतिस्पर्धा गरिरहेका थिए। १९ डिसेम्बरमा स्म्याकडाउनको एक श्रउङ्खलामा, लोगन र राएटले सार्लेट फ्लेयर र नेयोमीसँग हार बेहोरेका थिए। डिसेम्बर १६ मा स्म्याकडाउनको एक श्रृङ्खलामा, द राएट स्क्वाडले फ्लेयर, नेयोमी र बेकी लिञ्चलाई हराएका थिए। २८ जनवरी २०१८ मा, लोगनले पहिलो पटक सञ्चालन भएको महिला रोयल रम्बलमा भाग जनाएकी थिइन् जहाँ उनी तेस्रो स्थानमा मञ्च प्रस्थान गरेकी थिइन् तथापी उनलाई मोलि होलीको हमला पश्चात् उनी वाहिरिएकी थिइन्। सन् २०१८ को सुपरस्टार सेकअपको बेला १६ अप्रिल मा, द राएट स्क्वाड स्म्याकडाउनबाट रमा स्थानान्तरण भएका थिए। उनीहरू रमा आएकै बेलामा बेइली र सासा बेङ्क्स बिचको खेलमा घुसपैठ गरेका थिए जसले गर्दा सो खेल बिजेता बिनानै टुङ्गीएको थियो। जुलाई १६ मा र को एक श्रृङ्खलामा, उनले आफ्नो पहिलो जित एम्बर मुनको बिरुद्धमा दर्ता गरेकी थिइन्। डब्ल्युडब्ल्युईको इतिहासमै पहिलो पटक सबै महिलाहरूको खेल राखिएको इभोलुसन नामक कार्यक्रमको आयोजना गरिएको थियो जसमा द राएट स्क्वाडले नेटालिया, बेइली र सासा बेङ्क्ससँग पराजय बेहोरेका थिए। लोगनले त्यस पश्चात् आफ्नो अनुहारमा धर्सा धर्सा परेको रङ्ग लगाएर प्रदापण गरेकी थिइन्।

१७ फेब्रुअरी २०१९ मा, मोर्गेन र लोगनले ६ टोली इलिमिनेसन च्याम्बर खेलमा सहभागीता जनाएका थिए। खेलको विजेताले डब्ल्युडब्ल्युईको इतिहासमै पहपलो पटक डब्ल्युडब्ल्युई महिला ट्याग टोली विजेताको उपाधि हात पार्ने सर्त रहेको उक्त खेलमा भने उनीहरूलाई नाया ज्याक्स र टमिनाद्वारा खेलबाट बाहिर निकालिदिएका थिए। उक्त खेलको उपाधि भने बेइली र सासा बेङ्क्सले हात पारेका थिए। लोगनले रेसलमेनिया ३५ मा, महिला ब्याटल रोयल खेलमा सहभागी भएकी थिइन्। उनी उक्त खेलमा अन्त्य सम्म पुगेकी थिइन् तथापि, उक्त खेल उनी बाहिरिएसँगै कार्मेलाले जितेकी थिइन्।

१६ अप्रिल २०१९ मा भएको खेलाडी स्थानान्तरणमा, रायट स्क्वाडकी सदस्य लिभ मोर्गेन रबाट स्म्याकडाउनमा स्थानान्तरित भएकी थिइन् जसले गर्दा समूह टुक्रिन पुगेको थियो। लोगनले त्यस पश्चात्, नयाँ प्रवेश गीत र नयाँ अनुहारका साथ खेलमा देखा परेकी थिइन्। मेन इभेन्ट नामक डब्ल्युडब्ल्युईको ब्रान्डमा उनले डाना ब्रुकसँग दुस्मनीको सुरुवात गरेकी थिइन् जसमा उनीहरूले एक अर्कालाई पराजित गरेका थिए। २४ नोभेम्बरको सर्भाइभर सेरिजमा, लोगन टोली रको पक्षबाट रिङमा आएकी थिइन् र उनले र र स्म्याकडाउन ब्रान्डहरूको विरुद्धमा ट्रिपल थेट निस्कासन खेलमा भाग लिएकी थिइन्। उनलाई उक्त खेलमा एनएक्सटीकी बियाङ्का ब्लेयरले निस्कासन गरिदिएकी थिइन्। ६ जनवरीको रको एक श्रृङ्खलामा, लोगनले सार्लेट फ्लेयरसँग द्वन्द्वको सुरुवात गरेकी थिइन्। खेल अगावै उनले सार्लेट फ्लेयरलाई आक्रमण गरेकी थिइन् जसका कारण सार्लेटले उनलाई कुटपिट गरेकी थिइन्। अर्को हप्तामा, सार्लेट फ्लेयरले लोगनलाई पराजित गरेकी थिइन् र उनले रोयल रम्बलमा उनको सहभागिताको पनि घोषण गरेकी थिइन्। उक्त कार्यक्रममा, उनले रोयल रम्बलमा सहभागी हुँदै २२औँ स्थानमा रिङ प्रवेश गरेका थिए। तथापि, उनलाई सार्लेट फ्लेयरले ३० सेकेन्डमै निस्कासन गरिदिएकी थिइन्। १० फेब्रुअरीको रमा, लोगन रिया रिप्लीसँग पराजित हुन पुगेकी थिइन्। लोगन त्यस पश्चात्, पूर्व साथी लिभ मोर्गेन र रूबि रायटको खेलमा अतिथि निर्णायकको रूपमा रिङ प्रवेश गरेकी थिइन् जसमा उनको छिटो गन्तीका कारण लिभ मोर्गेनलाई विजयी बनाइदिएकी थिइन्। खेल पश्चात्, उनले लोगनलाई आक्रमण गरेकी थिइन्। लोगनलाई इलिमिनेस च्याम्बरमा सहभागीको रूपमा घोषण गरिएको थियो जसमा उनले मोर्गेन, साइना बाज्लर, आसुका, रूबि रायट, र नेटालियासँग प्रतिस्पर्धा गरेकी थिइन् तथापि, उक्त खेल साइना बाज्लरले जितेकी थिइन्। १३ अप्रिल २०२० को रको एक श्रृङ्खलामा, बाज्लरले उनलाई पराजित गर्दै मनि इन द बेङ्कका लागि छनोट भएकी थिइन्। उनको उक्त खेल, कम्पनीको लागि अन्तिम खेल रहेको थियो। १५ अप्रिलमा, उनलाई सम्झौता पत्र अनुरूप कम्पनीबाट निस्कासन गरिएको थियो।

अन्य सञ्चार माध्यममा

लोगनले डब्ल्युडब्ल्युई श्रव्य दृश्य खेल, २के१९ मा खेल्न मिल्ने चरित्रको रूपमा प्रदापण गरेकी थिइन्।

व्यक्तिगत जीवन

२९ मार्च २०११,मा उनी एक कार दुर्घटनाको शिकार बनेकी थिइन्। उनलाई अस्पतालसम्म पुर्‍याइएको थियो। उनी पहिला प्रशिक्षक तथा कुस्ती खेलाडी म्याड म्यान पोन्डोसँग सम्बन्धमा रहेकी थिइन् र उनीहरूको पूर्व विवाह समेत भइसकेको थियो। उनीहरूको सम्बन्ध पछि बिच्छेद भएको थियो। पछि, उनी द भाइकिङ रेडरका सदस्य रेमन्ड रेउ वा कुस्ती नाम एरिकसँग सम्बन्धमा रहेकी थिइन्। उनीहरूको विवनह २१ डिसेम्बर २०१८ मा, सम्पन्न भएको थियो।

बाह्य कडीहरू

• इन्टरनेट चलचित्र डेटाबेसमा साराह ब्रिजेज
• साराह लोगन डब्ल्युडब्ल्युई डटकममा
• साराह लोगनको प्रोफाइलकेजम्याच डटनेटमा, रेस्लिङडाटा डटकममा, इन्टरनेट रेस्लिङ डाटाबेसमा