बेकी लिन्च

रेबेका कुइन (जन्म:३० जनवरी १९८७) आयरल्यान्डकी एक महिला कुस्ती खेलाडी हुन्। उनी हाल डब्ल्युडब्ल्युईको र कार्यरत छिन् जहाँ उनी बेकी लिन्च नामले कुस्ती खेल्ने गर्छिन्। कुइने सन् २००२ जुन देखि एक व्यावसायिक कुस्ती खेलाडीको रूपमा आफ्नो कार्यकाल सुरुवात गरेकी थिइन्। उनी सुरुवाती चरणमा आयरल्यान्डका विभिन्न क्षेत्रहरूमा आफ्नो दाइसँगको साझेदारीमा रेबेका नक्स नामले कुस्ती खेल्ने गर्थिन्। त्यसपछि उनले आफ्नो कार्यकाललाई थप बढावा गर्नका लागि युरोप तथा अमेरिकामा स्थित स्वतन्त्र सर्किटमा काम गर्न सुरु गरेकी थिइन्। नक्सले सन् २००५ जुनमा क्यानडा स्थित एलिट क्यानडेली च्याम्पियनसिप रेस्लिङमा सुपरगर्लस् च्याम्पियनसिप जित्ने पहिलो महिला कुस्ती खेलाडी बनेकी थिइन्।

बेकी लिन्च
सन् २०१८ मार्चमा बेकी लिन्च
वास्तविक नाम	रेबेका कुइन
जन्म	(1987-01-30) ३० जनवरी १९८७ लेम्रिक, आयरल्यान्ड
शिक्षा	कोलम्बिया कलेज सिकागो
व्यावसायिक कुस्ती जीवन
लोकप्रिय रिङ नाम	बेकी लिञ्च रेबेका नक्स
उचाई	५ फिट ६ इन्च (१६८ सेमी)
तौल	१३५ पाउन्ड (९ स्टोन ९ पाउन्ड; ६१ किग्रा)
उत्पत्ति	डब्लिन, आयरल्यान्ड
प्रशिक्षक	फिन ब्यालर पल ट्रेसी
पदार्पण	सन् २००२

सन् २००६ को सेप्टेम्बर महिनामा जर्मनीमा आयोजित एक कार्यक्रममा उनको टाउकोमा चोट लागेका कारण उनले केही वर्षका लागि कुस्ती क्षेत्रबाट अवकाश लिनु परेको थियो। उनी सन् २०१२ को अन्त्य तिर फर्किन् र उनले सन् २०१३ मा डब्ल्युडब्ल्युईसँग आवद्ध पत्रमा हस्ताक्षर गरेकी थिइन् र त्यसपछि उनले डब्ल्युडब्ल्युईको विकासशील क्षेत्र एनएक्सटीमा आफ्नो कुस्ती कार्यकाललाई अगाडि बढाउने काम गरिन्। उनी जुलाई २०१५ मा डब्ल्युडब्ल्युईको मुख्य कार्यक्षेत्रमा आएकी थिइन् र उनले सन् २०१६ को ब्याकलासमा स्म्याकडाउनको पहिलो महिला विजेता पनि बन्न सफल भएकी थिइन् र डिसेम्बर २०१८ मा उनले उक्त च्याम्पियनसिप पुन हात पार्न सफल भएकी थिइन्। सन् २०१९ जनवरी महिनामा उनले २०१९ महिला रोयल रम्बल पनि जित्न सफल भएकी थिइन्।

बाल्यकाल

कुइनको जन्म ३० जनवरी १९८७ का दिन आयरल्यान्डको लिम्रिकमा भएको थियो भने उनी डब्लिनमा हुर्किएकी थिइन्। उनी १ वर्षको छँदा उनको आमा बुवाको सम्बन्ध विक्षेदन भएको थियो। कुइन सानै उमेर देखि आफ्नो दाजुसँग व्यवसायीक कुस्ती खेल हेर्ने गर्थिन् जसले पछि गोञ्जो डे मोन्डो नामले कुस्ती खेल्न सुरु गरेका थिए। कुस्ती क्षेत्रमा आउन भन्दा पूर्व उनी बास्केटबल खेल्ने, पौडि खेल्ने र घोडा सवारी गर्ने गरेकी थिइन्।

कुइनले दर्शनशास्त्र, इतिहास र राजनिती अध्यक्ष गर्नका लागि एक विश्वविद्यालयमा अध्यन गरेकी थिइन् तर उनका अनसार उनलाई सो विषयहरू मन पर्दैन थियो। त्यसपछि उनी एक क्याम्पसमा पुन अध्यन गर्न फर्किन् र स्वास्थ्य र शारीरिक अध्यन गर्न थालेकी थिइन्। कुस्ती क्षेत्रमा आउन पूर्व उनी लागु पदार्थको कुलतमा फसेकी थिइन् तर कुस्तीले उनलाई त्यस कुलत त्यागन सहयोग गरेको थियो।

व्यावसायिक कुस्ती कार्यकाल

प्रशिक्षण र सुरुवाती कार्यकाल (सन् २००२-२००५)

युवा अवस्थामा कुइने फिर्गल डिभेटी र पल ट्रेसीले आयरल्यान्डमा एक कुस्ती विद्यालयको सुरुवात गर्न लागेको कुरा उनले थाहा पाइन्। त्यस कुरा थाहा पाएपछि उनले र उनको दाजुले सन् २००२ मा उक्त विद्यालयमा कुस्तीको प्रशिक्षण लिन सुरु गरेका थिए। उनले उक्त विद्यालयमा प्रशिक्षण लिन सुर गरेको ५ महिना पछि उनले कुस्तीमा आफ्नो नाम रेबेका नक्स राख्दै कुस्तीमा पर्दापर्ण गरेकी थिइन्। उनले आफ्नो सुरुवाती कार्यकालमा आफ्नो दाजुसँगै विभिन्न खेलहरूमा सम्लग्न हुने मौका पाएकी थिइन्। उनले पछि बेलायती कुस्ती सङ्गठन एनडब्ल्यूएमा पनि प्रशिक्षण लिएकी थिइन्।

स्वतन्त्र सर्किट (सन् २००५-२००६)

नक्सले क्यानडा स्थित सुपल गर्लस् रेस्लिङ र सन् २००५ मा अल-फिमेल अफसट अफ एक्सट्रिम क्यानडेली च्याम्पियनसिप रेस्लिङमा पनि आफ्नो पदोन्नति गर्ने मौका पाएकी थिइन्। इसिसिडब्ल्यूमा आएपछि उनको मिस चिभिएससँग द्वन्द्व चलेको थियो र उनीहरूको बीचको खेलमा नक्सले उनलाई हराउन सफल भएकी थिइन्। उक्त खेलको केही महिना पछि भानकोभारमा आयोजना गरिएको एक मिश्रति कुस्ती खेलमा उनी केलम म्याकबेथसँग साझेदारी गर्द‌ै चिभिएस र टोनि टिसोईको जोडीलाई हराउन सफल भएका थिए। २४ जुनका दिन उनले चिभिएसलाई एक प्रतियोगिताको फाइनल खेलमा हराउँद पहिलो सुपरगर्लस् च्याम्पियनसिप विजेता बन्न सफल भएकी थिइन्। उनी महिला विजेता भएपछि उनले उक्त च्याम्पियनसिपलाई विभिन्न स्थानमा आयोजित कार्यक्रममा दाउमा लगाएकी थिइन् तर अप्रिल २००६ मा उनले उक्त च्याम्पियनसिप लिजा मोराटिसँग हार्नु पुगेकी थिइन्।

सन् २००५ को अन्त्यमा उनी अल प्रो रेस्लिङमा सहभागी भइन् र एक प्रतिस्पर्धामा उनले मोर्गेनलाई हराएकी थिइन् तर पछिको खेलमा उनी उक्त प्रतिस्पर्धाकि विजेता मारिको युसुडालेसँग हार बेहोर्दै उक्त प्रतिस्पर्धाबाट बाहिरिएकी थिइन्। नक्सले जापानको टोकियो सहरमा आयोजना गरिएको १८ महिला ब्याटल रोयलको विजेता बन्न सफल भएकी थिइन्।

नक्सले सन् २००६ को सुरुवाती महिलाबाट अल-फिमेल पदोन्नति अन्तरगत सिमर विमिन एथलेटिक्समा काम गर्न सुरु गरिन्। उक्त क्षेत्रको पहिलो खेलमा उनीको खेल एलिसन डेञ्जरसँग जारी गरिएको थियो भने खेलको बीचमा उनले चोट लागेको जस्तो नाटक गर्दै डोञ्जरलाई पछाडिबाट आक्रमण गरेर उनलाई हराएकी थिइन् जसको फल स्वरुप उनी उक्त कार्यक्षेत्रमा एक खलनायकको रूपमा प्रस्तुत भएको थिइन्। त्यस खेलपछि उनको र डेनि हेजको द्वन्द्व चलेको थियो र उनीहरूको पहिलो खेलमा नक्स हेजसँग हार्न पुगेकी थिइन्। उनीहरूको दोस्रो खेलमा भने नक्सले हेजलाई हराउन सफल भएकी थिइन्।

सन् २००६ जुन फ्रान्समा आयोजित एक कार्यक्रममा नक्सले सुविट सिरियालाई हराउँद खाली रहेको विश्व चावस च्याम्पियनसिप जित्न सफल भएकी थिइन्। उनले उक्त च्याम्पियनसिप केही महिनाका लागि आफुसँगै राखेतापनि उनले उक्त च्याम्पियनसिप सिरियासँग हार्न पुगेकी थिइन्।

घाइते र अस्थायी अवकाश (सन् २००६-२०१३)

सेप्टेम्बर २००६ मा जर्मनीमा कुस्ती खेल्ने क्रममा उनको टाउकोमा गम्भीर चोट लाग्न पुगेको थियो र उनलाई तत्काल अस्पताल पुर्‍याइएको थियो। उनका अनुसार उनको टाउको एकदमै नराम्रोसँग दुख्ने, बाँया कानमा विभिन्न चर्का आवाजहरू सुनिने र आँखाले राम्रोसँग देख्न नसक्ने समस्या देखा परेको थियो। उनलाई चोट लागेका कारण उनको र हेज विरुद्धको ६०- मिनेट आइरन विमेन खेल रद्द गर्नु परेको थियो।

उनी घाइते भएपछि कुइनले ६ वर्षका लागि कुस्ती क्षेत्रबाट अवकाश लिएकी थिइन् तर उनले आयरल्यान्डमा आयोजित फाइट फ्याक्टर प्रो रेस्लिङमा सन् २००८, २०१२ र २०१३ का केही खेलहरू खेलेकी थिइन्।

डब्ल्युडब्ल्युई

एनएक्सटी (सन् २०१३–२०१५)

सन् २०१५ मा लिन्च

सन् २०१३ अप्रिल महिना देखि कुइनले डब्ल्युडब्ल्युईको विकासशील क्षेत्रका लागि दुई वर्षिए आवद्ध पत्रमा हस्ताक्षर गरिन् र त्यसपछि उनी डब्ल्युडब्ल्युईको विकासशील क्षेत्र एनएकस्टीमा कुस्ती खेल्न सुरु गरेकी थिइन्। उनी एनएक्स्टीमा आएपछि उनले आफ्नो नाम रेबेका नक्सबाट बेकि लिन्चमा परिणत गरेकी थिइन्।

लिन्चले २६ जुन २०१४ एनएक्सटीको एक शृङ्खलामा पर्दापर्ण गरेकी थिइन् जहाँ उनले उनको पहिलो खेलमा समर रेलाई हराएकी थिइन्। उक्त खेलको अर्को हप्ता लिन्चले बेइलीसँग साझेदारी गर्दै तात्कालिक एनएक्सटी महिला विजेता सार्लेट फ्लेयर र सासा बेङ्क्ससँग एक ट्याग टिम खेलमा सामना भएको थियो। लिन्चले त्यस खेल पश्चात् विभिन्न महिला कुस्ती खेलाडीसँग च्याम्पियनसिप रहित खेल खेलेकी थिइन् जहाँ उनको सामना सार्लेट फ्लेयरसँग भएको थियो उक्त खेलमा लिन्च फ्लेयरसँग तीन पटक हार्न पुगेकी थिइन्। अक्टोबर २३ एनएक्सटीको एक शृङ्खलामा लिन्च बेङ्क्ससँग साझेदारी गर्दै उनको साथी बेइलीलाई आक्रमण गरेका थिए जसको फल स्वरुप लिन्च र बेइली छुट्टिएका थिए।

एनएक्सटी टेक ओभर राइभलमा लिन्च फेटल फोर वे खेलमा भाग लिएकी थिइन् जुन खेल एनएक्सटी महिला च्याम्पियनसिपका लागि जारी गरिएको थियो तर उक्त खेल सासा बेङ्क्सले जित्दै पहिलो पटक महिला महिला विजेता बनेकी थिइन्। अप्रिलमा लिन्चले एक ट्रिपल थ्रेट म्याचमा सार्लेट फ्लेयर र बेइलीलाई हराउँदै महिला च्याम्पियनसिपका लागि पहिलो दावेदार बनेकी थिइन् तर एनएक्सटी टेक ओभरमा उनी च्याम्पियनसिप जित्न असफल रहिन्।

महिला कुस्तीमा क्रान्ति (सन् २०१५–२०१६)

लिन्चले आधिकारिक रूपमा १३ जुलाई २०१५ डब्ल्युडब्ल्युईको मुख्य कार्यसूची र मा सार्लेट फ्लेयर र सासा बेङ्क्सको साथमा पर्दापर्ण गरेकी थिइन्। लिन्च र सार्लेटले पेजसँग साझेदारी गर्दै एक टोली गठन गर्दै टिम बेला (निकी बेला, ब्रि बेला र अलिसा फक्स)सँग द्वन्द्वको सुरुवात गरेका थिए भने सासा बेङ्क्सले नेयोमी र टमिनासँग साझेदारी गर्दै अर्को टोली गठन गरेका थिए जसलाई उनहरूले टिम ब्याड नाम राखेका थिए। उक्त तीन टोलीको द्वन्द्व त्यहीँबाट सुरुवात भएको थियो। पेज, लिन्च र सार्लेटको जेडिले अन्ततः उनीहरूको टोलीको नाम पिसिबी राख्दै नयाँ रूपमा देखा पर्न सुरु गरेका थिए। लिन्चले २० जुलाई रको एक शृङ्खलामा रिङमा पर्दापण गरेकी थिइन्। २८ जुलाई २०१५ मेन इभेन्टको एक शृङ्खलामा उनले खेलेका खेलहरू मध्य उनको पहिलो जित ब्रि बेलाको विरुद्धमा भएको थियो। उक्त तीन टोलीको सामना अन्ततः समरस्ल्याममा आयोजना गरिएको थियो र उक्त खेलमा पिसिबीले दुई टोलीलाई हराउँन सफल भएका थिए।

३१ अगस्ट २०१५ रको एक शृङ्खलामा पिसिबी टोलीको तीनै सदस्यले डिभास च्याम्पियनसिपका लागि पहिलो दावेदार बन्नका निमित्त पहिलो "डिभास बिट द क्लक च्यालेञ्ज" नामक एक प्रतिस्पर्धामा भाग लिएका थिए। उक्त खेलमा सार्लेट विजेता बन्दै डिभास विजेता निकी बेलासँग नाइट अफ च्याम्पियन्स पे-पर-भ्युमा उपाधिका लागि खेल खेल्न पाएकी थिइन्। उक्त खेलको अर्को दिन पेजले उनका साथी सार्लेट र बेकीलाई आक्रमण गर्दै गरेकी थिइन् र उनले भनिन् कि सार्लेटले उनको बुवा नभएको भए उनी त्यहाँ हुने थिइनन्। पेजले सार्लेट र बेकीलाई आक्रमण गरेपछि उनीहरूको टोली छुट्टिएका थिए। अक्टोबर महिनामा पेजले पुन सार्लेट र बेकीसँग टोली गठन गर्ने झुटो जालसाजी गरिन् पेज उनीहरूसँग मिलेको जस्तै गर्दै उनीहरूलाई पछाडिबाट आक्रमण गरेपछि उनहरूको टोली पूर्णतया विघटन भएको थियो। २ नोभेम्बर रको एक शृङ्खलामा पेजले बेकीलाई र अन्य दुई प्रतिद्वन्द्वीलाई हराउँदै सार्लेटको डिभास च्याम्पियनसिपका लागि पहिलो दावेदार बनेकी थिइन्। त्यस खेलको अर्को आयोजना गरिएको लिन्च र पेजको खेलमा लिन्चले पेजलाई हराउन सफल भएकी थिइन्।

३० नोभेम्बर डब्ल्युडब्ल्युई रको एक शृङ्खलामा सार्लेटको सामना बेकी लिन्चसँग भएको थियो र उक्त खेलमा सार्लेटको बुवा रिक फ्लेयरले बेकीलाई झुक्याका कारण सार्लेटले उनलाई पछाडिबाट आक्रमण गर्दै लिन्चलाई हराएकी थिइन्। डिसेम्बर महिना भरि सार्लेट र बेकीको तनाव झनझन उच्च हुँदै गएक थियो र ४ जनवरी २०१६ मा आयोजना गरिएको एक खेलमा लिन्चले सार्लेटलाई हराएपछि सार्लेटले लिन्चलाई पछाडिबाट आक्रमण गरेकी थिइन्। उक्त खेलको तीन दिन पछि बेकीले सार्लेटको डिभास च्याम्पियनसिपका लागि खेल रोयल रम्बल पे-पर-भ्युमा खेल्न पाएकी थिइन् तर उक्त खेलमा पनि सार्लेटको बुवा रिक फ्लेयरले बेकीलाई झुक्याका कारण सार्लेटले उनलाई पछाडिबाट आक्रमण गर्दै लिन्चलाई पुन हराएकी थिइन्।

सन् २०१६ फेब्रुअरी महिना भरी लिन्चले बेङ्क्ससँग साथी बन्दै टमिना र नेयोमीको विरुद्ध उत्रिए जसका कारण दुई टोली बीच द्वन्द्व चलेको थियो। द्वन्द्वका झन बढ्दै गएपछि उक्त दुई टोली बीच खेल फाष्टलेन पे-पर-भ्युमा निर्धारित गरिएको थियो र त्यस खेलमा लिन्च र बेङ्क्सले नेयोमी र टमिनालाई हराउन सफल भएका थिए। त्यस खेलको अर्को दिनको रमा लिन्च र बेङ्क्सको खेल निर्धारित गरियो र उक्त खेलका विजेताले डिभास च्याम्पियनसिपका लागि खेल्ने मौका पाउने नियम राखिएको थियो तर उक्त खेलमा कोहीपछि विजेता बन्न असमर्थ बने। त्यस र पछि आउने स्म्याकडाउनमा उनीहरूको पुन खेल जारी गरिएको थियो तर तात्कालिक डिभास विजेता सार्लेटले दुवैको जनालाई आक्रमण गरेपछि खेलमा कोहीपछि विजेता बन्न सकेनन्। खेलमा कोहीपनि विजेता नबने पछि आउँदै रेसलमेनिया डिभास विजेता सार्लेटले उनको च्याम्पियनसिप दुवै लिन्च र बेङ्क्ससँग दाउमा लगाउन पर्ने भएको थियो। रेसलमेनिया ३२ मा पनि सार्लेटले दुवै बेङ्क्स र लिन्चलाई हराउँदै नयाँ डब्ल्युडब्ल्युई महिला (डिभास च्याम्पियनसिपलाई महिला च्याम्पियनसिपमा परिणात गरिएको थियो) विजेता बनेकी थिइन्। मनी इन द बेङ्क पे-पर-भ्युमा बेकी नेटालियासँग साथी बन्दै सार्लेट र डेना ब्रुकसँग खेल खेलेका थिए तर उक्त खेलमा पनि लिन्च र नेटालिया सार्लेट र ब्रुकको जोडिसँग हार्न पुगेका थिए। उक्त खेलपछि नेटालियाले आफ्नै साथीे लिन्चलाई आक्रमण गरेकी थिइन् जसका कारण उनीहरूको खेल ब्याटलग्राउण्ड पे-पर-भ्युमा आयोजना गरिएको थियो तर त्यस खेलमा पनि लिन्चले हार बेहोरेकी थिइन्।

स्म्याकडाउन महिला विजेता (सन् २०१६–२०१८)

सन् २०१६ मा लिन्च स्म्याकडाउनमा सर्ने पहिलो महिला कुस्ती खेलाडी बनेकी थिइन्। लिन्चले स्म्याकडाउनमा सरेपछि उनको पहिलो खेलमा नेटालियालाई हराएकी थिइन्। समरस्ल्याममा लिन्च नेयोमी र कार्मेलासँग साथी बन्दै अलेक्सा ब्लिस, नेटालिया र नेकी बेलासँग मैदान उत्रिएका थिए तर उक्त खेलमा ब्लिस, बेला र नेटालियाको जित भएको थियो।

११ सेप्टेम्बर २०१६ मा आयोजना गरिएको ब्याकलास पे-पर-भ्युमा पहिलो स्म्याकडाउन महिला च्याम्पियनसिपका लागि ६ महिला मैदान उत्रिएका थिए तर उक्त खेलमा लिन्चले कारमेलालाई आत्मसमर्पथ गराउँदै पहिलो स्म्याकडमउन महिला विजेता बन्न सफल भएकि थिइन् जुन उनको डब्ल्युडब्ल्युईमा आएपछि उनको पहिलो उपलब्धि थियो। उनी महिला विजेता बनेपछि उनले उनको च्याम्पियनसिप पहिलोपटक ८ नोभेम्बरमा अलेक्सा ब्लिसको विरुद्धमा दाउमा लागाएकी थिइन् तर उक्त खेलमा पनि लिन्चले ब्लिसलाई हराउँन सफल बनेकी थिइन्। सन् २०१६ को परम्परागत इलिमिनेसन चेम्बरमा रका ५ महिला र स्म्याकडानका ५ महिला विरुद्ध खेल भएको थियो भने उक्त खेलमा स्म्याकडाउनबाट अन्तिममा लिन्च मात्र रहेकी थिइन्। टि.एल.सी पे-पर-भ्युमा लिन्चको समना ब्लिससँग एक टेबुल म्याचमा भएको थियो तर उक्त खेलमा ब्लिसले लिन्चलाई हराएका कारण लिन्चले ८४ दिन सम्म विजता बनेर च्याम्पियनसिप हारेकी थिइन्। त्यस खेलको दुई हप्ता पछि लिन्च एक ला लुच्चाडोरा (सबै अनुहार र ज्यान ढाकिने खालको लुग लगाएर कुस्ती खेल्न आउने महिला)को रूपमा आएर ब्लिसलाई हराइन जसका कारण उनले पुन उपाधिका लागि दावेदार बनेकी थिइन्। लिन्चले १७ जनवरी २०१७ मा च्याम्पियनसिपका लागि स्टिल केज भित्र पुन खेल खेल्न पाइन् तर उक्त खेलमा पनि एक ला लुच्चाडोराले लिन्चलाई आक्रमण गरिन् जो डब्ल्युडब्ल्युईमा पुन फर्किएकी मिकी जेम्स थिइन् र जेम्सले लिन्चलाई आक्रमण गरेका कारण लिन्चले च्याम्पियनसिप जित्न असफल बनिन्। २१ फेब्रुअरी स्म्याकडाउनको एक शृङ्खलामा लिन्चलल एक पटक पुन उपाधिका लागि खेल खेल्न पाएकी थिइन् तर उक्त खेलमा पनि उनले च्याम्पियनसिप जित्न असमर्थ बनिन्। लिन्च रेसलमेनिया ३३ मा आयोजना गरिएको ६ महिला च्याम्पियनसिप खेलमा भाग लिएकी थिइन् तर उक्त खेलमा नेयोमी विजेता बन्दै च्याम्पियनसिप जितेकी थिइन्।

रेसलमेनिया ३४ मा लिन्च

सन् २०१७ मेमा लिन्च नेयोमी र सार्लेटसँग साझेदारी गर्दै द वेलकमीङ कमिटी (नेटालिया, कारमेला र टमिना) विरुद्धमा उत्रिए। उक्त दुई टोलीको खेल ब्याकलास पे-पर-भ्युमा आयोजित गरिएको थियो भने उक्त खेलमा द वेलकमीङ कमिटीले लिन्च, नेयोमी र सर्लेटलाई हराएका थिए जब लिन्चले निटालियाको सार्पसुटरमा आत्मसमर्पण गरिन्। त्यस खेलपछि केही महिना पछि आयोजना गरिएको पहिलो महिला मनि इन द बेङ्कमा लिन्चले भाग लिएकी थिइन् तर उक्त खेलमा कारमेलाको जित भएसँगै उनी पहिलो महिला मनि इन द बेङ्क विजेता बनेकी थिइन्। अक्टोबर महिनामा लिन्च ५ महिलाको फेटल फाइभ वे म्याचमा भाग लिइन र उनले सार्लेट, टमिना, नेयोमी र कारमेला हराउँदै परम्परागत सरभाइभर सिरिजको कप्तान बन्ने मौका पाएकी थिइन्। सरभाइभर सिरिजमा लिन्च स्म्याकडाउनकी कप्तान बनेतापनि उनी सबैभन्दा पहिले खेलबाट निस्कासन भएकी थिइन्। त्यसपछिका केही महिना लिन्च पेन नेय‍मी र फ्लेयरसँग साझेदारी गर्दै भर्खरै डब्ल्युडब्ल्युईमा पर्दापण गरेका द राएट स्क्वाडको (रुबी रायट, सारा लोगन र लिभ मोर्गेन) विरुद्धमा उत्रिएका थिए। जनवरी २०१८ मा लिन्चले पहिलो पटक हुन लागेको ३० महिलाको ब्याटल रोयलमा भाग लिएकी थिइन् जहाँ उनी दोस्रो प्रतिस्पर्धाको रूपमा रिङमा आएकी थिइन् र ३० मिनेटसम्म खेलमा अढिक रहेकी थिइन्। त्यस खेलको केही महिना पछि लिन्चले रेसलमेनियामा हुन लागेकी महिला ब्याटल रोयलमा पनि भाग लिएकी थिइन् तर उनलाई मिकी जेम्सले निस्कासन गरिदिएकी थिइन्। मे महिनामा उनी महिलाको मनी इन द बेङ्कमा छनोट भएकी थिइन्।

द म्यान (सन् २०१८–हाल)

मनी इन द बेङ्क पे-पर-भ्यु पश्चात् लिन्चले विभिन्न महिला कुस्ती खेलाडीहरू जस्तै- बिली के, सोनिया डभिल, पिटन रोइस, म्यान्डि रोज आदिलाई जित्दै एक नयाँ अपराजित कीर्तिमान राखेकी थिइन् र त्यस बेला उनले तात्कालिक स्म्याकडाउनकी महिला विजेता करमेलालाई पनि उपाधि रहित खेलमा हराउन सफल भएकी थिइन्। विभिन्न महिला कुस्ती खेलाडीलाई जितेका कारण उनले समरस्ल्याममा कारमेलाको च्याम्पियनसिपका लागि खेल्ने मौका पाएकी थिइन् भने पछि त्यस खेलमा सार्लेट फ्लेयर पनि समावेश भएकी थिइन्। समरस्ल्याममा भएको ट्रिपल थ्रेट खेलमा (तीन जना कुस्ती खेलाडी बीचको एकएक्लो खेल) सार्लेटले च्याम्पियनसिप हात पारेकी थिइन्। खेल सकिएक‍ो केही छिन् पछि लिन्चले नयाँ स्म्याकडाउन महिला विजेता सार्लेटलाई आक्रमण गरेकी थिइन् जुन उनको पहिलोपटक थियो। त्यस कार्यक्रम रको दुई दिन पछिको स्म्याकडाउनको एक शृङ्खलामा लिन्चले एक मन्तव्य दिएकी थिइन् जहाँ उनले भनिन् कि उनलाई कसैलेपछि समर्थन गर्दैन र कसैले पनि देख्न रुचाउँदैन भनेकी थिइन्। त्यस पछिका शृङ्खलाका लिन्च र तात्कालिक महिला विजेता सार्लेट बीच तनाव उच्च बन्दै गएको थियो भने उनीहरूको एक अर्काको खेलमा आई खेलमा बाधा पुर्‍याउँदै एक आर्कालाई आक्रमण गर्न थालेका थिए। तनाव उच्च भएका कारण फ्लेयर र लिन्चको खेल हेल इन अ सेल पे-पर-भ्युमा आयोजन गरिएको थियो जहाँ लिन्चले फ्लेयरलाई हराउँदै दोस्रोपटक स्म्याकडाउन महिला विजेता बन्न सफल भएकी थिइन्। उनी स्म्याकडाउनकी महिला विजेता बनेपछि अक्टोबर महिनामा लिन्चले अष्ट्रेलियामा आयोजना गरिएको सुपर सो डाउन कार्यक्रममा उक्त च्याम्पियनसिप फ्लेयरको विरुद्धमा राखेकी थिइन् तर उक्त खेल विवादास्पद रूपमा समाप्ति भएको थियो। उक्त खेलमा कोहीपनि विजेता नबनेपछि इभोलुसन पे-पर-भ्युमा दुई महिला बीच लास्ट विमेन स्ट्यान्डिङ म्याच भएको थियो जहँ लिन्चले फ्लेयरलाई माथिल्लो डोरीबाट तल रहेको एक टेबुलमा पावरबम हानेपछि लिन्चले खेल जितेकी थिइन्। त्यस खेल पश्चात् लिन्चले आफुलाई "द म्यान" उपनाम राख्न सुरु गरेकी थिइन् जसले डब्ल्यूडब्ल्यई कम्पनीमा कार्यरत सबै कुस्ती खेलाडी भन्दा सर्वश्रेष्ठ कुस्ती खेलाडी भन्ने बुझिन्छ।

परम्परागत सरभाइभर सिरिजमा डब्ल्युडब्ल्युईको र र स्म्याकडाउन ब्राण्ड अन्तर विजेता विरुद्ध विजेता खेलमा लिन्च स्म्याकडाउनको महिला विजेता र र महिला विजेता रोण्डा राउजी विरुद्ध खेल जारी गरिएको थियो तर उक्त खेलमा लिन्चको खुट्टामा चोट लागेका कारण लिन्चको ठाउँमा सार्लेटले राउजीसँगको खेल निर्धारित गरिएको थियो। लिन्च चोट मुक्त भएपछि टिएलसी पे-पर-भ्युमा लिन्चले उनको उपाधि फ्लेयर र अस्काको विरुद्धमा खेल्नु परेको थियो र उक्त खेलमा राउजीको हस्तक्षेपका कारण लिन्चले उपाधि अस्कासँग गुमाएकी थिइन्। २७ जनवरी २०१९ मा आयोजना गरिएको रोयल रम्बल पे-पर-भ्युमा लिन्चले उपाधिका लागि अस्कासँग खेल खेलेकी थिइन् तर उक्त खेलमा अस्काले लिन्चलाई हराइन्। सोही दिन लिन्च ३० महिला रोयल रम्बल कार्यक्रममा पनि भाग लिइन् र खेलको अन्तिममा लिन्चले सार्लेट फ्लेयरलाई निस्कासन गर्दै पहिलोपटक उक्त प्रतियोगिता जित्न सफल भएकी थिइन्। त्यस खेलको अर्को दिनको रमा लिन्चले रेसलमेनियामा हुने महिला च्याम्पियनसिपका लागि तात्कालिक र महिला विजेता रोण्डा राउजीलाई चयन गरेकी थिइन् तर लिन्चको खुट्टामा चोट लागेको थियो। रोण्डा राउजीसँग द्वन्द्व चलेपछि रको एक शृङ्खलामा लिन्चलाई डब्ल्युडब्ल्युईकी कार्यकारी स्टेफिनी म्याकमेनले चिकित्सकलाई खुट्टा जाँच गर्न लगाउ भन्ने कुरा लिन्चले अस्वीकार गरेपछि लिन्चलाई ६० दिनका लागि डब्ल्युडब्ल्युईबाट निलम्बन गरिएको थियो र उनको सट्टामा सार्लेट फ्लेयरलाई राउजीसँग रेसलमेनियामा खेल खेल्न दिइने घोषण डब्ल्युडब्ल्युईका संस्थापक भिन्स म्याकमेनले गरेका थिए।

अन्य सञ्चार माध्यम

कुइनले सन् २०१३ मा भाइकिङग्सको एक शृङ्खलामा विभिन्न काला प्रस्तुत गरेकी थिइन्। उनले डब्ल्युडब्ल्युई लगायत सन् २०१७ को एक चलचित्र द मराइन ६: क्लोज क्वाटरमा पनि काम गरेकी छन्।

कुइनले डब्ल्युडब्ल्युई २के१७ मा एक खेल्न मिल्ने चरित्रको रूपमा पर्दापर्ण गरेकी थिइन् र उनी पछि डब्ल्युडब्ल्युई २के१८ र डब्ल्युडब्ल्युई २के१९ मा पनि देखा परेकी छिन्। उनी कुस्ती खेल्न आउने सङ्गीत अमेरिकी हक्की लिगको सान होजे बाराकुडले प्रत्येक गोल गरेपछि बजाउने गरेको छ।

व्यक्तिगत जीवन

कुस्ती खेलाडी सँगसँगै उनी एक अभिनेत्री पनि हुन् र उनले सन् २०११, २०१२ र २०१७ मा गरी विभिन्न चलचित्रहरूमा अभिनय गरेकी छन्। उनले अभिनय क्षेत्रमा आउनका लागि डब्लीन इन्स्ट्युटमा अध्यन गरेकी थिइन् भने उनले कोलम्बस कलेज सिकागो र गयटी स्कुल अफ एक्टिङमा स्नातक गरेकी छिन्। युएफसीका लुक स्याण्डर्स उनको मिल्ने साथी हुन्।

केही महिनाको अनुमान पश्चात् १३ मे २०१९ मा बेकी लिन्च डब्ल्युडब्ल्युई कुस्ती खेलाडी सेथ रोलिन्ससँग प्रेम सम्बन्धमा रहेको खुलासा भएको थियो। उनीहरू बीचको प्रेम सम्बन्ध डब्ल्युडब्ल्युईले आफ्नो आधिकारिक वेबसाइट मार्फत जनाएको छ।

उपाधि र उपलब्धिहरू

• सिबिएस स्पोर्ट्स
  • वर्षको उत्कृष्ट क्षण (सन् २०१८) – रोन्डा राउजीलाई आक्रमण
  • वर्षको उत्कृष्ट कुस्ती खेलाडी (सन् २०१८)
  • डब्ल्युडब्ल्युई वर्षको उत्कृष्ट खेल (सन् २१८) टिएलसीमा अस्का र सार्लेट फ्लेयर विरुद्ध
• प्रो रेस्लिङ इलुष्ट्रेटेड
  • सन् २०१६ मा ५० महिला कुस्ती खेलाडी मध्ये शीर्ष ४ मा पर्न सफल
  • वर्षको उत्कृष्ट महिला (सन् २०१८)
• कुइन्स अफ चावोस
  • वर्ल्ड कुइन्स अफ चावोस विजेता (१ पटक)
• स्पोर्ट्स इलुष्ट्रेटेड
  • वर्षको उत्कृष्ट महिला कुस्ती खेलाडी (सन् २०१८)
• सुपरगर्लस् रेस्लिङ
  • सुपरगर्लस् विजेता (१ पटक)
• रेस्लिङ अबजर्भर न्युजलेटर
  • वर्षको खराब द्वन्द्व (सन् २०१५) टिम पिसिबी विरुद्ध टिम ब्याड विरुद्ध टिम बेला
  • विमेन्स रेस्लिङ एमभिपी (सन् २०१८)
• डब्ल्युडब्ल्युई
  • रोयल रम्बल (सन् २०१९)
  • डब्ल्युडब्ल्युई र महिला विजेता (१ पटक)
  • डब्ल्युडब्ल्युई स्म्याकडाउन महिला विजेता (३ पटक)
  • डब्ल्युडब्ल्युई वर्ष-समाप्ति अवार्ड (२ पटक)
    • फिमेल सुपरस्टार अफ द इअर (सन् २०१८)
    • वर्षको उत्कृष्ट खेल (सन् २०१८) इभोलुसनमा सार्लेट फ्लेयर विरुद्ध

बाह्य कडीहरू

• इन्टरनेट चलचित्र डेटाबेसमा बेकी लिन्च