भियाडियो

भियाडियो एक वेब २.० व्यावसायिक सामाजिक सञ्जाल हो जसको सदस्यहरूमा व्यवसायी, उद्यमी र प्रबन्धकहरू समावेश छन्। सन् २०१४ सम्ममा, साइटको ६ करोड ५० लाख सदस्यहरू रहेका थिए।

भियाडियो

Logo de Viadeo
व्यवसायको प्रकार	सार्वजनिक
साइटको प्रकार	व्यवसायीक सञ्जाल सेवा
उपलब्ध भाषा	अङ्ग्रेजी, फ्रान्सेली, जर्मनेली, इटालीयाली, पोर्चुगाली, स्पेनी, रूसी
संस्थापित	पेरिस, फ्रान्स
सेवा क्षेत्र	विश्वव्यापी
संस्थापक (हरू)	डान सर्फाटि, तियरी लुनाती
आय	$४० मिलियन (सन् २००९) अनुमानित)
कर्मचारीहरू	४००
युआरएल	आधिकारिक वेबसाइट
अलेक्सा क्रम	११,०११ मार्च १०१९
व्यवसायिक	हो
दर्ता	चाहिन्छ

कम्पनीको जानकारी

सन् २०१० मा महादेशका अनुसार भियाडियोको प्रयोग

भियाडियोको स्थापना यसको मूल नाम, भियाडुकका साथ मे २००४ मा डेन सर्फ्याटी, पेरिसको एचइसी व्यवस्थापन विश्वविद्यालयबाट स्नातक हासिल गरेका र इकोले सेण्ट्राले पेरिसबाट स्नातक हासिल गरेका विद्यार्थी थिअरी लुनाटिद्वारा संयुक्त रूपमा गरिएको थियो। यसको नाम नोभेम्बर २००६ मा भायाडियोमा परिवर्तन गरिएको थियो।

नोभेम्बर २००६ देखि अगष्ट २००७ सम्म, भियाडियोले लगानीकर्ता एजिएफ प्राइभेट इक्विटी र भेण्टेकबाट दुई पटकको कोष सङ्कलनमा ५ मिलियन युरो उठाएको थियो। त्यस वर्ष पछि, भियाडियोले टियाञ्जी डटकम, एक चिनियाँ व्यापार सामाजिक सञ्जालको अधिग्रहण गर्ने घोषणा गरेको थियो।

टियाञ्जी खरीद गरेको ६ महिना पछि, जुलाई २००८ मा भियाडियोले यसको स्पेनी प्रतिस्पर्धी आइसिटिनेटलाई अधिग्रहण गरेको थियो। सन् १९९५ मा सुरू गरिएको, आइसिटिनेटका ३,००,००० सदस्यहरू रहेका थिए भने यो दक्षिण अमेरिकामा लोकप्रिय थियो।

सन् २००९ को सुरुमा, भियाडियोले, एक भारतीय व्यवसायीक सामाजिक सञ्जाल सेवाहरू, अपना सर्कलको पनि अधिग्रहण गरेको थियो। अधिग्रहणको समयमा यसमा लगभग ३,००,००० सक्रिय सदस्यहरू रहेका थिए। आपना सर्कल योगेश बन्सलले स्थापना गरेका थिए र पछि हटमेलका सह-संस्थापक सबिर भाटिया विभागका सदस्यको रूपमा उनीसँग सहकार्य गरेका थिए।

१३ अक्टोबर २००९ मा, भायाडियोले एक क्यानडाली सम्पर्क व्यवस्थापन वेबसाइट, युनिक डटकमको अधिग्रहण गर्ने घोषणा गरेको थियो। त्यतिखेर, युनिकसँग विश्वभरि १ करोड ६० लाख सदस्यहरू रहेका थिए र यसले भियाडियोलाई कुल सदस्यताको आधारमा यसको मुख्य प्रतिस्पर्धी लिङ्क्डिनमा दोस्रो स्थानमा राखेको थियो।

कम्पनीको प्रधान कार्यालय फ्रान्सको राजधानी पेरिसमा अवस्थित छ र यसमा हाल ४५० भन्दा बढि विश्वव्यापी कर्मचारीहरू कार्यरत छन्। यसका कार्यालयहरू लण्डन, म्याड्रिड, बार्सिलोना, मिलान, बेइजिङ, नयाँ दिल्ली , मेक्सिको सहर , मोण्ट्रियल र सान फ्रान्सिस्कोमा अवस्थित छन्। सन् २००९ मा, भायाडियोले, ४ करोड अमेरिकी डलरको वार्षिक कारोबार गरेको अनुमान गरिएको थियो। सन् २००९ को अन्तिम त्रैमासिकदेखि यो पूर्ण रूपमा लाभदायक छ।

अगष्ट २०१५ मा, भायाडियोले उनीहरूले 'नयाँ दर्शन' लाई बढावा दिनका लागि फ्रान्समा विज्ञापन अभियानमा भाग लिएको र फ्रान्समा यसका प्रयोगकर्ताले १ करोड पार गरेको जनाएको थियो।

सन् २०१६ मा, अन्तर्राष्ट्रिय बजारहरू कब्जा गर्न असफल भएपछि, कम्पनीलाई लि फिगारोले ओगटेको थियो।

साझेदारीहरू

• गुगल ओपन सोसल: सन् २००७ यसको सुरुवात लगत्तैको एक साझेदार हो।
• आइबिएम लोटस नोट्स: भियाडियो आइबिएम लोटस नोट्स प्रयोग गर्ने व्यवसायीहरूका लागि उपलब्ध छ।
• माइक्रोसफ्ट आउटलुक कनेक्टर: भियाडियो आउटलुकमा उपलब्ध छ।

बाह्य कडीहरू

• भियाडियोको आधिकारिक वेबसाइट
• भियाडियो सहयोगी जालस्थल वेब्याक मेसिन अभिलेखिकरण २०११-०७-१७ मिति