बसाइँ (उपन्यास)
बसाइँ लीलबहादुर क्षेत्रीद्वारा लेखिएको र मदन पुरस्कार पुस्तकालयले वि.स. २०१४ सालमा बजारमा ल्याएको एक नेपाली भाषाको उपन्यास हो ।[१] बसाइँ उपन्यास मुना मदन पछि सबैभन्दा बढी बिक्री हुने नेपाली पुस्तक हो । यो पुस्तक त्रिभुवन विश्वविद्यालयको पाठ्यक्रममा पनि सम्मिलित गरिएको छ ।
 पुस्तक आवरण | |
| लेखक | लीलबहादुर क्षेत्री |
|---|---|
| देश | नेपाल |
| भाषा | नेपाली |
| विषय | उपन्यास |
| प्रकाशक | मदन पुरस्कार पुस्तकालय, साझा प्रकाशन |
प्रकाशित मिति | वि.सं. २०१४ |
| पृष्ठ | ६२ |
| आइएसबिएन | 9789993328964 |
पृष्ठभूमि
सम्पादन गर्नुहोस्पुस्तक पूर्वी नेपालको एउटा नामहीन पहाडी गाउँको चित्रण गरेको छ । धनबहादुर बस्नेत आफ्नो श्रीमती, बहिनी र एक छोरासँग बस्ने गरिब किसान हुन् । पुस्तकले गाउँमा उनको सङ्घर्ष र अरूबाट कसरी धोका खाएको देखाउँछ । गरिब नेपाली जनताले रोजगारीका लागि आफ्नो घरबाट भारतमा बसाइँ सर्नु पर्ने अवस्थालाई पुस्तकले देखाएको छ ।
पात्रहरू
सम्पादन गर्नुहोस्- धनबहादुर बस्नेत 'धने', पुस्तकका मुख्य पात्र, नेपालको ग्रामीण क्षेत्रका गरिब किसान हुन् ।
- झुमावती बस्नेत, धानेकी कान्छी बहिनी
- मैना, धनेकी श्रीमती
- धने र मैनाको छोरा
- बुढो बैदार, साहूकार
- रिकुटे, छिमेकी गाउँका भारतीय गोर्खा भर्ती
- ठुली, झुमाको साथी
- मुखिया, गाउँ प्रमुख
- मोटे कार्की, धनेको सहयोगी साथी
- लेउते दमाई, धाने गाउँका एक गाउँले
- नन्दे ढकाल, गाउँले
- लुईँटेल, एक धनी जमिन्दार
- साने घर्ती, लुईँटेलका नोकर
- बुधे कामी, गाउँले
समिक्षा
सम्पादन गर्नुहोस्बसाइँ उपन्यास नेपाली साहित्यका बहुसङ्ख्यक पाठकहरू माझ अति नै प्रिय बनेका नेपाली उपन्यासहरू मध्यको एक उत्कृष्ट रचना हो । यसको प्रथम प्रकाशन २०१४ सालामा मदन पुरस्कार पुस्तकालयबाट भएको हो । लिलबहादुर क्षेत्रीको यस उपन्यासले तात्कालिन नेपाली समाजको जर्जर वर्गीय द्वन्द र आर्थिक विषमताले निम्त्याएको सङ्कटलाई प्रभावकारी ढङ्गले चित्रण गरेको छ । पूर्वी नेपालका जनाताले बोल्ने नेपाली भाषा उनीहरूले लगाउने भेषभूषा र उनीहरूले बाँचिरहेको जीवनलाई यस उपन्यासमा जीवन्त अभिव्यक्ति दिइएको छ ।
अनुवाद
सम्पादन गर्नुहोस्माइकल हटद्वारा पुस्तकलाई अङ्ग्रेजीमा 'माउन्टेन्स पेन्टेड विद टर्मरिक' को रूपमा अनुवाद गरिएको छ ।[२]