तराई बाँदरचरी

तराई बाँदरचरी नेपालमा पाइने एक प्रकारको चराको नाम हो । यसलाई अङ्ग्रेजीमा ब्ल्याक-ब्रेस्टेड प्यारोटबिल (Black-breasted Parrotbill) भनिन्छ ।

तराई बाँदरचरी
संरक्षण स्थिति
असुरक्षित  (आइयुसिएन ३.१)
वैज्ञानिक वर्गीकरण
जगत:	जन्तु जगत
सङ्घ:	हाड भएका
वर्ग:	पंक्षी
गण:	Passeriformes
कुल:	Sylviidae
वंश:	Paradoxornis
प्रजाति:	P. flavirostris
वैज्ञानिक नाम
Paradoxornis flavirostris Gould, १८३६

शारीरिक विबरण

तराई बाँदरचरी कैलोखेरो टाउको र माथल्लो भाग पितहरित खैरो भएको हुन्छ । यसको छातीमा कालो टाटो साथै तल्लो भाग कैलोमैलो हुन्छ ।

भौगोलिक वितरण

तराई बाँदरचरी नेपालको पूर्वी तथा तराई भूभाग, भारतको अरुणान्चल प्रदेश तथा आसाम तथा बङ्गलादेशको कतै कतै पाइएको अभिलेख छ । नेपालको तराईमा १९ औँ शताब्दीमा मात्र अभिलेखन गरिएको थियो । यो चरा १५० मी. को उँचाई सम्म पाइएकको थियो।

वासस्थान

तराई बाँदरचरी नर्कटका घना झाडीहरु, उच्च घाँस र निगालाको झाडी बस्ने गर्छन । यो चरा प्रजननको समयमा बाहेक सानोसानो झुण्डमा बस्ने गर्छन । यो चराको प्रजनन् अवधि अप्रिलदेखि जुलाईसम्मको रहेको छ ।

खतराहरु तथा संरक्षण अवस्था

विश्वमै दुर्लभ मानिने यो प्रजाति संरक्षणका हिसाबले संवेदनशील अवस्थामा रहेको छ । नेपालक सन्दर्भमा यस प्रजातिको लोप भइसकेको अनुमान गरिएको छ । वासस्थानको विनासले गर्दा नै यो चराको प्रजाति खतरामा परेको हो ।