सिमाली

सिमाली एक बुट्यान वर्गमा पर्ने वनस्पति हो । यसको पात किसानहरूले किटनाशक औषधि तथा प्राङ्गारिक मल बनाउन प्रयोग गर्ने गर्दछन् ।

सिमालीको बोट
वैज्ञानिक वर्गीकरण
जगत:	वनस्पति
(श्रेणीविहीन):	Angiosperms
(श्रेणीविहीन):	Eudicots
(श्रेणीविहीन):	Asterids
गण:	Lamiales
कुल:	Lamiaceae
वंश:	Vitex
प्रजाति:	V. negundo
वैज्ञानिक नाम
Vitex negundo L.
पर्याय
Vitex cannabifolia Siebold & Zucc. Vitex incisa Lam. Vitex incisa var. heterophylla Franch. Vitex negundo var. heterophylla (Franch.) Rehder

फूल फुलेको सिमालीको बोट

औषधोपचार

• आधा कपाल दुखेमा

जतापट्टीको कपाल दुखेको छ त्यसको अर्को पट्टिको कानमा २\३ थोपा सिमालीको पातको रस मनतातो पारी हालेमा ठीक हुन्छ ।

• टाउको दुखेमा

सिमालीको २\३ वटा पातमा नून हालेर काँढा पानी बनाएर खाएमा ठीक हुन्छ ।

• खोकी र दममा

सिमालीको पातको १ लिटर रस निकालेर राम्ररी उमाल्ने र बाक्लो भएपछि झिक्ने र जति लेदो छ त्यति नै सखर हालेर राम्ररी मिसाउने । १\१ चम्चा बिहान\बेलुका खाने गरेमा सबै रोग ठीक हुन्छ । औषधि सेवन गरुन्जेल दूध भातमात्र खाँनु राम्रो हुन्छ ।

• दन्त शूलमा

सिमालीको जरा फिट्कीरी पानीमा पिनेर दाँत माझ्नाले दाँत सम्बन्धी रोगहरु निको हुन्छन् ।

• कानको रोगमा

सिमालीको जरा तिलको तेलमा राम्ररी पकाउनु र छानेर राख्नु । २\२ थोपा कानमा हालेमा कान पाक्ने, बसहरोपन, खटिरा, घाउ सारा निको गर्छ ।

• घाँटीको रोगमा

३/४ वटा सिमालीको पात २ वटा पिल्ला नून हालेर काँढा बनाएर पिएमा घाँटी सम्बन्धी रोग निको हुन्छ ।

• शरीर सुनिएमा

सिमालीको ३\४ पातको काँढा नून हालेर पकाएर खानु ३\४ दिनमै सुनिएको ठीक हुन्छ ।

• ज्वरो आएमा

सिमालीको पात ३/४ वटा र नून हालेर काँढा बनाएर बिहान/बेलुका खाने गरेमा जस्तोसुकै ज्वरो पनि ठीक हुन्छ ।

• गण्डमाला

सिमालीको पात पकाएर घाँटीमा नियमित सेक्नाले र सिमालीको रस २/३ थोपा दुबै नाकमा हाल्नाले गण्डमाला निको भएर आउँछ ।

अन्य भाषामा

Tamil: நொச்சி, नोछी; Hindi: निर्गुंडी, nirgundi; Sanskrit: सिन्धुवार, sindhuvara; Filipino: lagundî; Sinhala: නික, nika; and Bengali: Nishinda (নিশিন্দা)।

यो पनि हेर्नुहोस

• खुर्सानी
• नुन
• जीरा
• दाख
• हिङ
• केशर