अन्य उपयोगको लागि हेर्नुहोस् - काली नदी

महाकाली नदी
महाकाली नदी, कुटी याङ्दी, काली नदी, शारदा नदी
नदी
महाकाली नदीको दृश्य
देशहरू नेपाल, भारत
श्रोत हिमालय
मुख गंगा नदी
 - स्थान सुदूरपश्चिम प्रदेश, उत्तर प्रदेश, भारत
 - अवनति ० मी (० फिट)
लम्बाई ३५० किमी (२१७ मी)

नेपालको पश्चिमी भागबाट उत्पन्न भई महाकाली नदी भारत र नेपालको सिमानाबाट बग्ने एउटा नदी हो । यस नदीको उद्गम स्थान बृहत्तर हिमालयमा ३,६०० मिटरको उचाइमा स्थित लिम्पियाधुरा नामक स्थानमा छ, जो नेपालको दार्चुला जिल्लाको एक भाग हो । यस नदीको नाम काली माताको नामबाट भएको हो । लिम्पियाधुरा लिपुलेक दराका निकट भारत, नेपाल र तिब्बतको सीमामा स्थित छ। यस नदीको उपल्लो क्षेत्रमा नेपालभारतको सीमा बनाउँछ । भारतमा उत्तराखण्ड र उत्तर प्रदेशका मैदानी क्षेत्रहरूमा पुग्दा शारदा नदीका नामले चिनिन्छ ।

महाकाली नदीमा जौल्जिबी नामक स्थानमा गोरी नदी पनि मिल्दछ । यो स्थान एक वार्षिक उत्सवका लागि प्रख्यात छ । पछि गएर यो नदी, कर्नाली नदीसित मिल्दछ । बहराइच जिल्लाहरूमा पुगेपछि सरयु र त्यसपछि गंगा नदीमा मिल्न जान्छ। पञ्चेश्वर आसपासको भारतीय क्षेत्रलाई 'काली कुमाँऊ' भनिन्छ ।

पञ्चेश्वरमा सिंचाइ र जलविद्युत ऊर्जाका लागि नेपाल र भारतको संयुक्त परियोजनाका रुपमा बाँध बनाउन महाकाली सन्धि गरिएको छ । टनकपुरमा भने भारतले एकलौटी टनकपुर जलविद्युत परियोजना (१२० मेगावाट) अप्रिल १९९३ मा उत्तराखण्ड सिंचाइ विभागद्वारा सञ्चालन गरेको छ । यसअन्तर्गत टनकपुरमा ब्यारेज बनाइएको छ ।

महाकाली नदी गंगा नदी प्रणालीको एक भाग हो ।

सन्दर्भ सामग्रीहरूसम्पादन

बाह्य कडीहरूसम्पादन