भियतनाम कम्युनिस्ट पार्टी

भियतनाम कम्युनिष्ट पार्टी ( CPV ), जसलाई भियतनामी कम्युनिष्ट पार्टी पनि भनिन्छ, समाजवादी गणतन्त्र भियतनामको संस्थापक र एकमात्र कानूनी पार्टी हो। यसको स्थापना १९३० मा हो ची मिन्हद्वारा भएको थियो। भियतनाम कम्युनिष्ट पार्टी १९५४ मा उत्तरी भियतनाम र त्यसपछि १९७५ मा साइगनको पतन पछि दक्षिण भियतनामी सरकारको पतन पछि एकीकृत भियतनामको सत्तारुढ दल बन्यो। यद्यपि यो नाममात्र "भियतनामी फादरल्याण्ड फ्रन्ट"को साथमा अवस्थित छ, यसले एकात्मक सरकार कायम गर्दछ र राज्य, सेना र मिडियामा केन्द्रीकृत नियन्त्रण गरेको छ। भियतनाम कम्युनिष्ट पार्टीको सर्वोच्चता भियतनामको संविधानको धारा ४ द्वारा सुनिश्चित गरिएको छ । भियतनाम कम्युनिष्ट पार्टीलाई भियतनामी जनताले सामान्यतया "पार्टी" ( Đảng ) वा "हाम्रो पार्टी" ( Đảng ta ) भन्दछन् ।

भियतनाम कम्युनिष्ट पार्टीसाम्यवादप्रति प्रतिबद्ध छ र कम्युनिष्ट र मजदुर पार्टीहरूको वार्षिक अन्तर्राष्ट्रिय बैठकमा सहभागी हुन्छ। यो पार्टीलाई " समाजवादी-उन्मुख बजार अर्थतन्त्र " भन्ने कुराको वकालतको लागि पनि चिनिन्छ। यो पार्टीले साथै हो चि मिन्ह विचार ( जसले मार्क्सवाद-लेनिनवाद, भियतनामी दर्शन, फ्रान्सेली क्रान्तिका विचारहरू, र हो चि मिन्हको व्यक्तिगत विश्वासहरू संयोजन गर्दछ) को पनि वकालत गर्दछ। भियतनाम कम्युनिष्ट पार्टीले १९८६ सम्म कमाण्ड इकोनोमी लागु गरेको थियो। १९८६ मा भियतनाममा Đổi Mới भनेर चिनिने आर्थिक सुधारहरू लागू गर्‍यो। यो पार्टी शीतयुद्धको समयमा सोभियत संघ र यसका सहयोगीहरूसँग गठबन्धन थियो।

इतिहास

सत्तामा उदय (१९२५-१९४५)

भियतनाम कम्युनिष्ट पार्टीले आफ्नो इतिहास सन् १९२५ मा सुरु हुन्छ, जब हो चि मिन्हले भियतनामी क्रान्तिकारी युवा लिग ( Hội Việt Nam Cách mạng Thanh niên ) स्थापना गरे, जसलाई छोटोमा सामान्यतया युथ लीग ( Hội Thanh niên ) भनिन्थ्यो। युथ लिगको लक्ष्य फ्रान्सद्वारा भएको भियतनामको औपनिवेशिक कब्जाको अन्त्य गर्ने थियो। समूहले राजनीतिक र सामाजिक उद्देश्यहरू खोज्यो - राष्ट्रिय स्वतन्त्रता र श्रमिक किसानहरूलाई भूमिको पुनर्वितरण। युथ लीगको उद्देश्य जनतालाई फ्रान्सेली कब्जा विरुद्ध क्रान्तिकारी सशस्त्र संघर्षको लागि तयार गर्नु थियो। पार्टीको लागि आधार तयार पार्ने उनको प्रयासलाई कमेन्टर्नले आर्थिक रूपमा समर्थन गरेको थियो।

सत्तारुढ दल (१९७६–वर्तमान)

पार्टीको प्रतीक कहिलेकाहीँ CPV का आन्तरिक संगठनहरूद्वारा दिइएको योग्यताको प्रमाणपत्रहरूमा देखिन्छ