प्रेम गीत ३

प्रेम गीत ३ आसुसेन फिल्म्स प्रोडक्सनको ब्यानरमा छेतन गुरुङ र सन्तोष सेनद्वारा निर्देशित नेपाली भारतीय चलचित्र हो। यो नेपाली र हिन्दी दुवै भाषामा एकैसाथ प्रदर्शन गरिने पहिलो नेपाली भारतीय चलचित्र हो। यो चलचित्र विश्वका ८० देखि ९० राष्ट्रहरू तथा भारतका ५०० देखि १,००० सिनेमा घरमा प्रदर्शन गरिने अपेक्षा राखिएको छ।

प्रेम गीत ३
चलचित्रको पोस्टर
निर्देशक	छेतन गुरुङ सन्तोष सेन
लेखक	मन्दिप गौतम छेतन गुरुङ
निर्माता	सन्तोष सेन प्रशान्त कुमार गुप्ता सुभाष काले योगेश लखानी सुषमा शिरोमणि मुरलीधर तिलवानी
मुख्य कलाकार	प्रदीप खड्का क्रिस्टिना गुरुङ शिव श्रेष्ठ सुनील थापा
छायाङ्कन	पुरूषोतम प्रधान राजेश श्रेष्ठ
सम्पादन	भुपेन्द्र अधिकारी बानिस शाह संजय सङ्कला
सङ्गीत	कल्याण सिंह अलिस कार्की असलम केयी
वितरक कम्पनीहरू	आसुसेन फिल्मस प्रोडक्सन (नेपाल) स्पार्कलिङ स्टुडियो (भारत)
वितरक	गोविन्द शाही बेङ्कटेस इन्टरटेनमेन्ट
प्रदर्शन मिति	२३ सेप्टेम्बर २०२२ (2022-09-23)
राष्ट्र	नेपाल भारत
भाषाहरू	नेपाली हिन्दी
बजेट	₹४ करोड

यस चलचित्रबाट सेनले निर्देशनमा पदार्पण गर्दैछन् । यो चलचित्र सन् २०२२ सेप्टेम्बर २३ मा प्रदर्शन हुने तय गरिएको छ। यस चलचित्रको अधिकांश छायाँकन माथिल्लो मनाङमा भएको छ भने बाँकी भागको छायाँकन कीर्तिपुरमा निर्माण गरिएको चलचित्र सेटमा गरिएको छ। यो चलचित्रमा प्रदीप खड्का, क्रिस्टिना गुरुङ, शिव श्रेष्ठ र सुनिल थापाको मुख्य भूमिका रहेको छ। यो चलचित्रको मुख्य अभिनेत्रीको भूमिकामा रहेकी गुरुङले आफ्नो अभिनय करियरको पदार्पण गरेकी छिन्। उनी अभिनेत्री छनौटको अडिसनमा अन्य २७,०१३ सहभागीहरूलाई पछि पारेकी थिइन्।

प्रेम गीत ३ फ्रेन्चाइजका यसअघिका चलचित्र 'प्रेम गीत' र 'प्रेम गीत २' ले व्यावसायिक सफलता प्राप्त गरेको थियो। यो चलचित्रले भारतमा आफ्नो वितरण अधिकार ४ करोडमा बेचेको दाबी गरेको छ। यस चलचित्रको हिन्दी संस्करणको लागि 'विश्वजितम' नामकरण गरिएको थियो, तर पछि यसलाई 'प्रेम गीत ३' मा परिवर्तन गरिएको थियो। यो चलचित्र चीनमा पनि चिनियाँ भाषामा प्रदर्शन हुने भएको छ।

४ करोडको बजेटमा बनेको यो चलचित्र नेपालको सबैभन्दा महँगो नेपाली चलचित्र हो। यो चलचित्रलाई सुरुमा सन् २०२० अप्रिल १० र त्यसपछि सन् २०२१ फेब्रुअरी २५ मा प्रदर्शन गर्ने तय गरिएको भएता पनि कोभिड–१९ महामारीको कारण देशका धेरै सिनेमा घर बन्द भएका कारण दुवै प्रदर्शन मिति स्थगित गरिएको थियो। यो चलचित्रको अनलाइन बजार वितरण र प्रवर्द्धन मिडिया फोर्थ कम्पनीले गरेको छ।

कथा

यो चलचित्र दुई सय वर्ष पुरानो प्रेमकथामा आधारित ऐतिहासिक एक्सन चलचित्र हो।

सङ्गीत

नेपाली

  

क्र.सं.	शीर्षक	शब्द	सङ्गीत	स्वर	लम्बाइ
१.	"हर युग होस्"	राजेश कुमार श्रेष्ठ	अलिश कार्की	प्रताप दास, प्रबिसा अधिकारी	४:५६
२.	"हात्ती ढुंगाना"	हर्क साउद	कल्याण सिंह	सागर आले, मेलिना राई	४:४४
३.	"मायाको गाउँ"	बिष्णु भण्डारी	सरोज पोखरेल	प्रताप दास	३:२३
कुल लम्बाइ:					१३:०३

हिन्दी

क्र.सं.	शीर्षक	शब्द	सङ्गीत	स्वर	लम्बाइ
१.	"कोइ ना कोइ नाता हे"	रुबी फुलारा र सुबास काले	पवनदीप राजन	जुबिन नौटियाल	४:५०
२.	"जहाँ भी जाओ आई सनम बस तू ही तू"	हरिशंकर सुफी	डिएच हार्मोनी	राहत फतेह अली खान	५:३७
३.	"तुम प्यार हो"	कुमार	असलम केयी	पलक मुच्छल, अंकित तिवारी	३:५८
४.	"मुझ में बस जाना"	एमएम तुराज	कल्याण सिंह	पलक मुच्छल, देव नेगी	४:५६
कुल लम्बाइ:					१९:२१

बाह्य कडीहरू

• इन्टरनेट चलचित्र डेटाबेसमा प्रेम गीत ३
• Prem Geet 3 वेब्याक मेसिन अभिलेखिकरण २०२२-०९-२० मिति at Film Development Board