पानीपुरी

पानीपुरी भारतबाट आएको एक प्रकारको खाजा हो। यो खाजा नेपालमा समेत लोकप्रिय रहेको छ। पानीपुरीलाई भारतमा विभिन्न क्षेत्रमा विभिन्न नाम दिइएको छ जस्तै उत्तर भारतमा यसलाई पानी पुरी वा गोलगप्पे, पूर्वी भारतमा यसलाई फुचका वा गुप चुप, दक्षिण भारतमा यसलाई पानी पुरी तथा पश्चिम भारतमा यसलाई गुपचुप भन्ने गरिन्छ। यसलाई मानिसहरू प्राय दिउँसो वा साँझपख खान मन पराउने गर्छन्। पानी पुरी २० भन्दा बढी तरिकाले बनाउने गरिन्छ जसमा अमिलो पानीपुरी, गुलियो पानीपुरी, र पिरो पानीपुरी सबैभन्दा लोकप्रिय मान्ने गरिन्छ।

पानीपुरी

पानीपुरी
प्रकार	खाजा
उत्पत्ति स्थान	भारत
क्षेत्र वा राज्य	भारतीय उपमहाद्वीप
मुख्य सामग्रीहरू	मैदा, मसलादार झोल, प्याज, आलु, केराउ
विभिन्नता	सेव पुरी, पुरी
पाकपुस्तक: पानीपुरी   तस्वीर: पानीपुरी

पानी पुरीलाई थप चटपटिलो बनाउनको लागि यसमा आलु, प्याज, खुर्सानी, मटरले बनेको चोखा (अचार) आधा राखेर तित्रीको पानीले पुरै भर्ने गरिन्छ। यस बाहेक भिन्न प्रकारको पानीपुरी जसमा अदुवा र तित्रीको झोल, गुलियो झोल, गुलियो गुलाब पानी र दहीको झोलसँग भरेर समेत बनाइने गरिन्छ।

इतिहास

पानीपुरीको शाब्दिक अर्थ 'पानीको रोटी' हुन्छ। यसको मूल सम्बन्धमा धेरै जानकारी छैन। पानीपुरी शब्द सन् १९५५ र गोल्गप्पा शब्द सन् १९५१ मा दर्ज गरिएको थियो।

चित्र दीर्घा

• 
  सडक छेउमा पानीपुरी विक्रेता
• 
  आलुसँग
• 
  प्लास्टिकको झोलामा तयार पारेर राखिएको पुरी
• 
  तयारी अवस्थामा
• 
  घरमा बनाइएको

यो पनि हेर्नुहोस्

• दहीपुरी
• पापडी
• मसाला पुरी
• सेव पुरी