परीक्षित

परीक्षित अर्जुनका नाति तथा अभिमन्युका र उत्तराका छोरा हुन् । उनी जन्मने बित्तिकै जीवन मरणको परीक्षा दिएकाले व्यास ऋषिद्वारा उनको नाम परिक्षित रह्यो । पाण्डव उत्तराखण्ड जानुअघि युधिष्ठिरका उत्तराधिकारीका रूपमा हस्तिनापुरको राजगद्दीमा बस्ने यिनै हुन् । सात दिनमा मर्नु पर्ने ऋषि-श्रापका कारण तक्षक नाम गरेको सर्पले डसेर यिनको मृत्यु भएको थियो । त्यही सात दिनको अवधिमा शुकदेवबाट यिनले श्रीमद्भागवत पुराण सुनेका थिए । भनिन्छ यिनकै राज्यकालदेखि कलियुग प्रारम्भ भएको हो ।

परीक्षित
कुरू राजा
शुकदेव र परिक्षित
पूर्वाधिकारी	युधिष्ठिर
उत्तराधिकारी	छोरा जन्मेजय
जीवनसाथी	इरावती / मद्रवती
सन्तान	जनमेजय,भीमसेन, स्रुतासेन , उग्रसेन
बाबु	अभिमन्यु
आमा	उत्तरा

उनका छोरा जन्मेजयले सारा सर्पहरूलाई मार्न सर्पेष्टी यज्ञ गरेका थिए ।