तरुण गोगोई

तरुण गोगोई (सन् १९३६ अप्रिल १ - सन् २०२० नोभेम्बर २३) एक भारतीय राजनेता थिए, जसले सन् २००१ देखि सन् २०१६ सम्म आसामको १३औं मुख्यमन्त्रीको रूपमा कार्य गरेका थिए। उनी भारतीय राष्ट्रिय काङ्ग्रेस पार्टीका सदस्य थिए र पार्टीको उम्मेदवार भएर निरन्तर तीन पटक निर्वाचन जित्ने कीर्तिमान बनाएका थिए। उनी आसाम राज्यको सबैभन्दा लामो समयसम्म पदासिन हुने मुख्यमन्त्री समेत थिए। मुख्यमन्त्रीको रूपमा उनको कार्यकालको समयमा, उनले राज्यको राजकोषीय स्थितिमा सुधार ल्याउनुका साथै उग्रवाद समाप्त गर्नदेखि लिएर हिंसा न्यूनीकरण गर्ने श्रेय दिइने गरिन्छ।

तरुण गोगोई
आसामको १३औं मुख्यमन्त्री
कार्यकाल सन् २००१ मे १८ – सन् २०१६ मे २४
राज्य प्रमुख	श्रीनिवास कुमार सिन्हा अरविन्द दवे अजय सिंह शिवचरण माथुर के शङ्करनारायणन सैयद सिब्ते रजी जानकी बल्लभ पटनायक पद्मनाभ बालकृष्ण आचार्य
पूर्वाधिकारी	प्रफुल्ल कुमार महन्त
उतराधिकारी	सर्बानन्द सोणोवाल
विधानसभा सदस्य टिटाबर
कार्यकाल सन् २००१ सेप्टेम्बर २० – सन् २०२० नोभेम्बर २३
पूर्वाधिकारी	दीप गोगोई
खाद्य प्रसंस्कृत उद्योग मन्त्रालय
कार्यकाल सन् १९९१ – सन् १९९६
प्रधानमन्त्री	पिभी नरसिम्हा राव
सांसद कलियाबोर
कार्यकाल सन् १९९८ – सन् २००१
पूर्वाधिकारी	केसब महन्ता
उतराधिकारी	दीप गोगोई
विधानसभा सदस्य मारघेरिटा
कार्यकाल सन् १९९६ – सन् १९९८
पूर्वाधिकारी	कुल बहादुर क्षेत्री
उतराधिकारी	प्रद्युत बोरदोलोई
सांसद कलियाबोर
कार्यकाल सन् १९९१ – सन् १९६
पूर्वाधिकारी	भद्रेश्वर ताँती
उतराधिकारी	केशब महन्ता
कलियाबोर जोरहाट
कार्यकाल सन् १९७१ – सन् १९८४
पूर्वाधिकारी	राजेन्द्रनाथ बरुआ
उतराधिकारी	पराग चलिहा
व्यक्तिगत विवरण
जन्म	(१९३६-०४-०१)१ अप्रिल १९३६ रङ्गामती, जोरहाट, आसाम, ब्रिटिस भारत (वर्तमानमा आसाम, भारत)
मृत्यु	२३ नोभेम्बर २०२०(2020-11-23) (उमेर ८४) गुवाहाटी, आसाम, भारत
राजनीतिक दल	भारतीय राष्ट्रिय काङ्ग्रेस
जीवन साथी	डोली गोगोई (विवाह सन् १९७२; मृत्यु सन् २०२०)
सन्तान(हरू)	चन्द्रिमा गोगोई र गौरव गोगोई
मातृ शिक्षाप्रतिष्ठान	गुवाहाटी विश्वविद्यालय
जीवनवृति	वकील, राजनीतिज्ञ
वेबसाइट	assamassembly.gov.in/tarun-gogoi.html

उनी लोकसभाको सदस्यको रूपमा ६ कार्यकाल निर्वाह गरेका थिए। उनी खाद्य मन्त्रालय र खाद्य प्रसंस्करण उद्योग मन्त्रालयमा केन्द्रीय राज्य मन्त्री समेत भएका थिए।

प्रारम्भिक जीवन

गोगोईको जन्म सन् १९३६ अप्रिल १ मा आसामको जोरहाट जिल्लाको शिबसागरको रङ्गजान चिया उपत्यकामा एक जातीय आसामिया ताई-अहोम परिवारमा भएको थियो। उनको बुवा, कमलेश्वर गोगोई रङ्गजान चिया उपत्यका कम्पनीको एक मेडिकल अभ्यासी थिए र उनको आमा उषा गोगोई आसामिया कवि गणेश गोगोईको सानी बहिनी थिइन्।