चम्बा जिल्ला

चम्बा जिल्ला भारतको हिमाचल प्रदेशको उत्तरपश्चिमी जिल्ला हो, जसको मुख्यालय चम्बा सहरमा रहेको छ। डलहौजी, खज्जियार र चुरा उपत्यकाका सहरहरू उत्तरी भारतका मैदानी क्षेत्रका मानिसहरूका लागि लोकप्रिय र छुट्टी मनाउने ठाउँहरू हुन्।

चम्बा जिल्ला
हिमाचल प्रदेशको जिल्ला
माथि-बायाँबाट घडीको दिशामा: लक्ष्ना देवी मन्दिर, भरमौर, खज्जियारको घासको मैदान, साच पास, मणिमहेश ताल, डलहौजी नजिकको पहाड
हिमाचल प्रदेशमा स्थान
देश	भारत
राज्य	हिमाचल प्रदेश
मुख्यालय	चम्बा
क्षेत्रफल
• जम्मा	६५२२ किमी२ (२५१८ वर्ग माइल)
जनसङ्ख्या  (सन् २०११)
• जम्मा	५१९०८०
• घनत्व	८०/किमी२ (२१०/वर्ग माइल)
समय क्षेत्र	युटिसी+०५:३० (भारतीय मानक समय)
वेबसाइट	http://hpchamba.nic.in/

जनसाङ्ख्यिकी

भारतको सन् २००१ को जनगणना अनुसार चम्बा जिल्लाको जनसङ्ख्या ५,१९,०८० रहेको छ, जुन लगभग केप भर्ड राष्ट्रको बराबर छ। यसले यसलाई भारतमा ५४४औँ स्थान (कुल ६४० मध्ये) प्रदान गर्दछ। यस जिल्लाको जनघनत्व ८० प्रति वर्ग किलोमिटर (२१०/वर्ग माइल) रहेको छ। सन् २००१-२०११ को दशकमा यसको जनसङ्ख्या वृद्धिदर १२.५८% थियो। चम्बामा प्रति १० पुरुषमा ९८९ महिलाको लिङ्ग अनुपात रहेको छ भने साक्षरता दर ७३.१९% रहेको छ। जनसङ्ख्याको ६.९६% सहरी क्षेत्रमा बस्थे। अनुसूचित जाति र अनुसूचित जनजातिहरू क्रमशः २१.५२% र २६.१०% थिए।

यस जिल्लाका अधिकांश मानिसहरू हिमाचली समूहका स्थानीय भाषाभाषीहरू हुन्। यसमा मुख्यतया चम्बेली (सन् २०११ को जनगणनामा २३ प्रतिशत जनसङ्ख्याले प्रतिवेदन गरेको पहिलो भाषा), गद्दी वा भरमौरी (२२ प्रतिशत), चुरही (१४ प्रतिशत), पाङवाली (३.५ प्रतिशत) र भतेली (२.९ प्रतिशत) पर्दछन्। बोलिने अन्य भाषाहरू हिन्दी (२.९%), गुजरी (१.९%), कश्मीरी (१.३%) र पन्जाबी (१.१%) हुन्।