गढवा गाउँपालिका

परिचय

गढवा गाउँपालिका नेपाल देशको प्रदेश नम्बर ५ स्थित दाङ् देऊखुरी जिल्लामा अवस्थित छ । गढवा गाउँपालिका गठन भएको घोषणा वि.सं. २०७३ साल फागुन १२ गते गरियो । समुन्द्र सतहबाट १९५ मिटर देखि ८८५ मिटरको उचाई सम्म भु-भाग रहेको र ३५८.५७ बर्ग किलोमिटर क्षेत्रफल रहेको यस गाउँपालिकाको पुर्बमा अर्घाखाँची र कपिलवस्तु जिल्ला, पश्चिममा राजपुर गाउँपालिका, उत्तरमा लमहि नगरपालिका र राप्ती गाउँपालिका छन भने दक्षिणमा भारत रहेको छ। गढवा गाबिसको कार्यालयलाई नै प्रशासकिय केन्द्र बनाई स्थापित यस गाउँपालिका ४ वटा गाविसहरु; गोबरडिहा, गङ्गापरस्पुर, गढवा र कोईलावास मिलाएर गठन गरिएको हो। अहिले यस गाउँपालिकालाई ८ वटा वार्डहरूमा बिभाजन गरिएको छ।

जनसङ्ख्या

वि.सं. २०६८ सालको जनगणना अनुसार यो गाउँपालिकाको जनसङ्ख्या ३८५९२ जना रहेको छ जस मध्य पुरुषको जनसङ्ख्या १८४८९ (४७.९%) जना र महिलाको जनसङ्ख्या २०१०३(५२.१%) जना रहेको छ।

बाह्य कडीहरू

• गढवा गाउँपालिका