सरगोधा

सरगोधा (पन्जाबी र उर्दु: سرگودھا‎) पाकिस्तानको पन्जाब प्रान्तमा रहेको सरगोधा जिल्लाको सदरमुकाम सहर हो। यो सहर पाकिस्तानको १२औँ ठुलो सहर हो। यो पाकिस्तानको पन्जाब प्रान्तको सबैभन्दा छिटो विकसित हुने सहर हो।

सरगोधा سرگودھا‎
सहर
सरगोधा पाकिस्तानको नक्शामा सरगोधाको अवस्थिति
देश	पाकिस्तान
प्रदेश	पन्जाब
विभाग	सरगोधा
जिल्ला	सरगोधा
सरकार
• प्रमुख आयुक्त	कप्तान महम्मद आसीफ
क्षेत्रफल
• जम्मा	५,८५४ किमी२ (२२६० वर्ग माइल)
जनसङ्ख्या  (२०१७)
• जम्मा	६५९८६२
• क्रम	पाकिस्तानमा १२ अौँ
समय क्षेत्र	युटिसी+५ (पाकिस्तानी समय)
हुलाक कोड	४०१००
सम्पर्क कोड	०४८
सहरको सङ्ख्या	५९
सङ्घीय परिसरको सङ्ख्या	२२
वेबसाइट	www.sargodha.gop.pk; cbs.gov.pk; www.tmasargodha.com

उत्पत्ति

सरगोधा शब्दको उत्पत्ति दुई शब्द मिलेर बनेको छ जसमा पहिलो शब्द सर र गोधा छ र दुई शब्दको छुट्टाछुट्टै अर्थ रहेको छ। पहिलो शब्द सर भनेको पोखरी हो भने गोधा भनेको साधु भन्ने उल्लेख छ भने अन्य शिद्धान्तले पनि यस सहरको उत्पत्ति भएको हो जस्तै सरगोधा सहरको उत्पत्ति संस्कृत शब्द सर्भगोधामाबाट भएको हो जसमा यसको अर्थ स्वर्गीय स्थल भन्ने बुझिन्छ। यीमध्ये सबैले विश्वास गरेको शिद्धान्त भने पहिला यो सहरको बीचमा पोखरी थियो र त्यहाँ हिन्दु धर्मका गोधा बासीहरू बसोबास गर्ने गर्थे र पन्जाबीमा सर भन्नाले पोखरी भन्ने बुझिन्छ त्यसैले यो सहरलाई पोखरीको सहर पनि भन्ने गरिन्थ्यो।

इतिहास

सरगोधाका १९ अौँ शताब्दीका घरहरू

सरगोधा ब्रिटिसद्वारा सन् १९०३ मा एक नहर कालोनी को रूपमा स्थापित भएको थियो, र सुरुवातमा यो सहरलाई सरगोधा भन्ने गरिन्थ्यो। सन् १९३९ मा प्लेग को एक प्रकोपबाट सरगोधा नराम्रो सङ्ग प्रभावित भएको थियो र १९४९ मा ठुलो प्रकोपको सहरले अनुभव गरेको थियो। यद्यपि यो सुरुमा एक सानो सहर भएका कारण ब्रिटिस वायु सेनाले यहाँ रणनीतिक स्थानको कारण एक विमानस्थलको स्थापना भएको थियो।

भुगोल

अवस्थिति

सरगोधा सहर सरगोधा जिल्लाको उत्तर-पश्चिममा १७२ किलोमिटरको दुरीमा रहेको छ। यो सहर एम-२ मोटरवेबाट ३० माईलको दुरीमा रहेको छ जसले लाहोर र इस्लामाबादलाई जोड छ। सरगोधा फैसलाबाद सहरबाट ९४ किलोमिटर दक्षिण-पूर्वीमा रहेको छ। सीधा पूर्व दिशामा एम-२ मोटरवेबाट लाहोर, रावलपिंडी र इस्लामाबाद जोडिएको छ। यो सहरबाट डेरा स्माली खान दक्षिण-पश्चिममा २३२ किलोमिटरको दुरीमा रहेको छ। सहर समुन्द्री सतहबाट १९० मिटरको उचाइमा रहेको छ।

मौसम

यो सहरको तापक्रम ग्रिष्म ऋतुमा अत्यधिक गर्मी हुन्छ भने हिउँदमा जाडो मध्यम जाडो हुन्छ। यो सहरको सबैभन्दा अत्यधिक तापक्रम ५० डिग्री (१२२ डिग्री फरेनहाईट) मापन गरिएको छ भने हिउँदमा सबैभन्दा न्यून तापक्रम शुन्य भन्दा पनि कम हुन्छ।

सरगोधा (१९६०–२०१२)को मौसम जानकारी
महिना	जनवरी	फेब्रुअरी	मार्च	अप्रिल	मे	जुन	जुलाई	अगस्ट	सेप्टेम्बर	अक्टोबर	नोभेम्बर	डिसेम्बर	वर्ष
उच्चतम औसत °से (°फे)	२० (६८)	२२ (७२)	२६ (७९)	३२ (९०)	३८ (१००)	३९ (१०२)	३८ (१००)	३७ (९९)	३६ (९७)	३२ (९०)	२६ (७९)	२२ (७२)	३०.६ (८७.१)
न्यूनतम औसत °से (°फे)	८ (४६)	११ (५२)	१५.५ (५९.९)	१९ (६६)	२५ (७७)	२७ (८१)	२६ (७९)	२६ (७९)	२५ (७७)	२० (६८)	१४ (५७)	९ (४८)	१८.८ (६५.८)
औसत वर्षा मिमी (इन्च)	१८ (०.७)	३६ (१.४)	२४ (०.९)	१३ (०.५)	१७ (०.७)	४८ (१.९)	८२ (३.२)	८७ (३.४)	४३ (१.७)	९ (०.४)	११ (०.४)	१२ (०.५)	४०० (१५.७)
दैनिक औसत वर्षा (≥ १.० mm)	५	४	५	४	३	३	७	७	४	१	१	१	४५
स्रोत: वेदर २,

जनसाङ्ख्यिकी

सन् १९९८ को राष्ट्रिय जनगणना अनुसार यो सहरको जनसङ्ख्या ४,५८४,४० रहेको छ भने यो सहरका मुख्यतया मानिसहरूले पन्जाबी भाषा बोल्छन्।

खेलकुद

सरगोधा सहरमा सरगोधा क्रिकेट रङ्गशाला रहेको छ जुन क्रिकेट खेल खेल्नका लागि प्रयोग गरिन्छ। पन्जाब प्रान्तको सरगोधा क्रिकेट टोली एक उत्कृष्ट टोलीको रूपमा रहेको छ। यो टोलीले सन् १९६१-६२ र २००२-०३ को समयमा पाकिस्तानको पहिलो श्रेणीको प्रतियोगितामा भाग लिएको थियो। यस सहरमा मेला मन्डी रङ्गशाला पनि रहेको छ जुन एक ऐतिहासिक रङ्गशालाको रूपमा रहेको छ भने अहिले यो रङ्गशाला क्रिकेट र फुटबल खेलका लागि प्रयोग गरिन्छ। यो रङ्गशालामा वर्षको मार्च महिनामा विभिन्न खेलहरू हुँदै आयोजना हुँदै आएको छ जसमा लगभग सबै पाकिस्तानका खेलाडीहरूले भाग लिँदै आएका छन्।

बाह्य कडीहरू

Sargodha विकिपिडियाका भातृयोजनाहरूमा

• परिभाषाहरू विक्सनरीबाट
• मिडिया विकिमीडिया कमन्सबाट
• समाचार विकिसमाचारबाट
• उद्धरणहरू विकिकथनबाट
• पाठहरू विकिस्रोतबाट
• पाठ्यपुस्तकहरू विकिपुस्तकबाट
• स्रोतहरू विकिविश्वविद्यालयबाट

• सरगोधाको मौसम यानदिक्स मौसममा
• पाकपिडियामा सरगोधा सहर