विजडम जब्स

विजडम जब्स एक भारतीय रोजगारी वेबसाइट हो जसले भारत, मध्य पूर्व र उत्तर अफ्रिकामा सेवा सञ्चालन गर्दछ। यो भारतका प्रमुख दुईवटा जागिर वेबसाइटहरू जस्तै नौकरी डटकम र मोन्सटर डटकम पछिको अर्को लोकप्रिय रोजगारी प्रदान गर्ने वेबसाइट पनि हो जसले अनुमानित रूपमा सीप परीक्षण र जागिर खोजकर्ताहरूलाई मुल्याङ्कन गर्दछ। यस कम्पनीको स्थापना सन् २०१० मा भएको थियो। यसको प्रधान कार्यालय भारतको प्रमुख व्यापारीक केन्द्र मध्ये एक हैदराबादमा अवस्थित छ। अलेक्सा इन्टरनेटका अनुसार यो विश्वव्यापी लोकप्रिय वेबसाइटहरूको सूचीमा ६१२८औँ स्थानमा रहेको छ भने भारतमा यसको क्रमांक ५४५ रहेको छ।

विजडम जब्स

व्यवसाय प्रकार	निजी
उद्योग	इन्टरनेट जागिर खोज संयन्त्र
स्थापित	२०१० (2010)
स्थापनाकर्ता	अजय कोल्ला
केन्द्रीय कार्यालय	ह‌ैदराबाद , भारत
वेबसाइट	www.wisdomjobs.com

इतिहास

विजडम जब्स डटकमलाई सन् २०१० मा अजय कोल्लाले स्थापना गरेका थिए। कोल्लाले सुरुवाती चरणमा गुगल समूहको सुरुवात गरे जहाँ उनले विभिन्न रिक्त पदहरुमा जागिर प्रदान गरे र उनका बेरोजगार साथीहरूलाई रोजगारीका लागि सहयोग पुर्‍याएका थिए। सन् २००८ देखि २०१० सम्म, यो समूहले करीव २०,००० व्यक्ति राख्यो, जसबाट कोल्लाले एक अनलाइन विद्यार्थी रोजगार बजारको लागि सम्भावित बजार हेर्नका लागि नेतृत्व गरेको थियो जसले विद्यार्थीहरूलाई भरपर्दो व्यवसायीक रोजगारदाताहरूसँग जोडिन मद्दत गरेको थियो। उनले ३.५ मिलियन भारतीय रुपैयाँ लगानी गरेर एक जागिर खोज्ने वेबसाइट विजडम जब्स डटकमको स्थापना गरेका थिए जसमा अनलाइन सीप परीक्षण उपकरण, प्राग्न्या मिटर समावेश थियो। यसले जागिर खोजकर्ताहरूलाई परीक्षण गरी उनीहरूको सीपहरूलाई परिमाणीकरण गर्दछ।

वृद्धि

स्थापना भएदेखिनै कम्पनीले भारत, मध्य पूर्व र उत्तर अमेरिकामा गरी ३,५०० भर्नाकर्ताहरू मार्फत पैंतीस मिलियन भन्दा बढी जागिर खोजकर्ता तथा ग्राहक आँकडा आधार विकास गरिसकेको छ।

उत्पादन तथा सेवाहरू

१) प्राग्न्या मिटर — प्राग्न्या मिटर एक अनलाइन उमेदवार मूल्याङ्कन उपकरण हो जसले आवेदकहरूलाई उनीहरूको जाँचमा प्राप्त अङ्कका आधारमा परीक्षण र छनौटमा मद्दत गर्दछ।

२) भि कनेक्ट — भर्नाकर्ताहरूका लागि आवाज प्रसारण उपकरण।

३) भिआरएस हब — आवेदकहरूलाई पछ्याउने प्रणाली।

४) कुइक सोर्स — एक अनुकूलन स्रोत सेवा।

पुरस्कार तथा मान्यताहरू

१) विजडम जब्स डटकमले सन् २०१४-१५ भारतीय सानो मध्यम उद्यम कम्पनी मार्फत इण्डिया एसएमई १०० पुरस्कार प्राप्त गरेको थियो।

२) विजडम जब्स डटकमलाई भारतीय वाणिज्य तथा उद्योग सङ्घले भारतको शीर्ष एसएमई सूचकाङ्कमा सूचीबद्ध गरेको थियो भने यसलाई २०१५-१६ मा उत्कृष्ट प्रदर्शनको लागि उत्कृष्टता प्रमाणपत्र पनि प्रदान गरेको थियो।

बाह्य कडीहरू

• आधिकारिक वेबसाइट