मैना सुनार हत्याकाण्ड

मैना सुनार हत्याकाण्ड २०६० माघमा तत्कालिन माओवादी जनयुद्धको समयमा नेपाली सेना (तत्कालिन: शाही नेपाली सेना)को काभ्रेपलान्चोक जिल्लाको पाँचखालमा स्थित श्री वीरेन्द्र शान्ति कार्य तालिम केन्द्रमा मैना सुनार नामकी एक १५ वर्षिय बालिकाको हत्याको घटना हो ।

मैना सुनार हत्याकाण्ड

मिति	२०६० माघ (फेब्रुअरी २००४)
स्थान	पाँचखाल, काभ्रेपलान्चोक, नेपाल
मृत	१ (पिडित)
कसुर	मानवअधिकार हनन, बलात्कार, हत्या

घटनाको विबरण

२०६० फागुन ५ गते नेपाली सेनाका अधिकृतहरूले मैना सुनारलाई काभ्रेपलाञ्चोक जिल्लाको उनको आफ्नो घरबाट श्री वीरेन्द्र शान्ति कार्य तालिम केन्द्र पाँचखालमा लगे । सो तालिम केन्द्रमा दुई सहसेनानीसहित सात नेपाली सेनाका अधिकृत र सैनिकको उपस्थितिमा उनलाई यातना दिइयो । तत्कालीन प्रमुख सेनानी बबी खत्रीको आदेशबमोजिम ६-७ पटक एक मिनेट सम्म पानीको एउटा ठूलो भाँडोमा मैना सुनारको टाउको डुबाइयो । त्यसपछि सैनिकहरूले उनका भिजेका हात र खुट्टामा चार-पाँचपटक करेन्ट लगाए । यो यातना डेढघण्टा जारी रह्यो र यसपछि उनलाई तालिम केन्द्रको परिसरमा भएको एउटा भवनमा थुनियो जहाँ उनलाई आँखामा पट्टी र हातमा हतकडी लगाएर छोडियो । उनले पछि वान्ता गर्न र मुखमा फिंज काढ्न थालिन र औपधी उपचार नपाइकन उनको मृत्यु भयो ।

मैना सुनारको यातनामा संलग्न अधिकृत र सैनिकहरूले यो मृत्युको ढाकछोप गर्न प्रयत्न गरे । उनको शवको पिठ्यूँमा गोली हानिएको र यसलाई तालिम केन्द्रभित्र गाडिएको थियो । त्यसपछि उक्त तालिम केन्द्रका तत्कालीन इन्चार्ज महासेनानीले नेपाली सेनाको हिरासतबाट भाग्न खोज्दा मैना सुनारलाई गोली हानिएको भन्दै बनावटी प्रतिवेदन तयार गरे ।

संयुक्त राष्ट्र संघको कदम

नेपाल सरकारको प्रतिकृया

२०७४ वैशाख ३ मा काभ्रे जिल्ला अदालतले उक्त घटनामा संलग्न तीनजना सैनिक अधिकृतविरुद्ध जन्मकैद फैसला सुनाएको थियो।

यो पनि हेर्नुहोस्

• मैना सुनार हत्याकाण्ड सम्बन्धि संयुक्त राष्ट्र सङ्घिय मानव अधिकार आयोगको प्रतिवेदन