कर्णाली प्रादेशिक अस्पताल

कर्णाली प्रादेशिक अस्पताल वा प्रादेशिक अस्पताल सुर्खेत पहिले मध्यपश्चिमाञ्चल क्षेत्रीय अस्पतालको रूपमा परिचित, नेपालको कर्णाली प्रदेश, सुर्खेत जिल्लाको वीरेन्द्रनगरमा अवस्थित एक सरकारी अस्पताल हो। यो नेपालका तीन अस्पतालमध्ये एक हो जहाँ निःशुल्क मिर्गौला प्रत्यारोपण गरिन्छ।

कर्णाली प्रादेशिक अस्पताल
भौगोलिक विवरण
स्थान	सुर्खेत, कर्णाली प्रदेश, नेपाल
निर्देशाङ्क	२८°३६′०५″N ८१°३५′३१″E
सङ्गठन
प्रकार	सङ्घीय स्तरको अस्पताल
सेवाहरू
आकस्मिक विभाग	छ
शैय्या	३०० शैय्या
इतिहास
पूर्व नाम(हरू)	मध्यपश्चिमाञ्चल क्षेत्रीय अस्पताल, सुर्खेत
सञ्चालन	वि.सं २०१९
कडीहरू
वेबसाइट	https://provincehospital.karnali.gov.np

इतिहास

विसं २०१९ मा सुर्खेतको गोठीकाँडामा स्वास्थ्य केन्द्रको रुपमा स्थापना भएको थियो। त्यसपछि यसलाई २०२४ सालमा सुर्खेत उपत्यकामा सारिएको थियो। विसं २०२९ मा यसलाई १५ शय्याको सुर्खेत जिल्ला अस्पतालको रुपमा स्तरोन्नती गरिएको थियो। विसं २०४९ मा यसलाई २५ शय्याको अस्पतालमा स्तरोन्नति गरिएको थियो। विसं २०६२ मा पुनः ५० शय्याको मध्यपश्चिमाञ्चल क्षेत्रीय अस्पतालको रूपमा स्तरोन्नति गरिएको थियो। विसं २०७५ मा यसलाई ३०० शय्याको कर्णाली प्रादेशिक अस्पतालका रूपमा स्तरोन्नति गरिएको थियो। हालै कर्णाली प्रादेशिक अस्पताललाई ५०० शय्याको तृतीय स्तरको अस्पतालमा स्तरोन्नति गर्ने सम्झौता भएको छ।