भरतपुर गोल्डकप चितवनको भरतपुरमा पहिलो पटक आयोजना भएको एक फुटबल प्रतियोगिताको हो। यो प्रतियोगिता एजे इन्टरनेशनलले नारायणगढ क्याम्पाचौरमा वैशाख २४ गते देखि जेठ ४ गते सम्म सञ्चालन गरेको थियो। यस प्रतियोगितामा ए डिभिजन लिगका सात र मोफसलका पाँच गरी १२ टोलीहरूको सहभागिता रहेको थियो। हाल यस प्रतियोगितालाई पुरानो मेडिकल कलेज भरतपुरले प्रायोजन गरेको छ भने सह प्रायोजकको रूपमा एक्सपर्ट एजुकेसन भिसा सेन्टर तथा सहयोगी संस्थाको रूपमा एन्फा, राष्ट्रिय खेलकुल परिषद चितवन, एष्ट्रल युथ सोसाइटी, भरतपुर महानगरपालिका र गोल नेपाल रहेका छन्।
प्रतियोगिताको विजेता बन्दै सङ्कटा क्लबले रु ६ लाखसहित गोल्डकप र मेडल र द्वितीय भएको झापा ११ले रु तीन लाख नगद पुरस्कार हात पारेका थिए। प्रतियोगितामा चार विधाका सर्वोत्कृष्ट खेलाडीलाई जनही रु २० हजार, सर्वोत्कृष्ट खेलाडीलाई रु ४० हजार र प्रत्येक प्रतियोगिताको उत्कृष्ट खेलाडीहरूले (म्यान अफ द म्याच)लाई रु १० हजार प्रदान गरिएको थियो।[१]
प्रतियोगिताको प्रदेश नं ३ का सामाजिक विकासमन्त्री युवराज दुलालले एक समारोहबीच उद्घाटन गरेका थिए[२] भने विजयी टोली र खेलाडीलाई भरतपुर महानगरपालिकाकी मेयर रेणु दाहालले पुरस्कार र कप प्रदान गरेकी थिइन्।[३]
ए-डिभिजन लिगको क्लब सङ्कटाले रमपम झापा–११ लाई ३–० ले पराजित गर्दै सीएमएस भरतपुर गोल्डकप २०७६ फुटबल प्रतियोगिताको विजेता बनेको थियो।[४][५]
नेपाल