प्रियसप डटकम

प्रियसप डटकम (बङ्गाली: প্রিয়শপ.কম) एक बङ्गलादेशी इ-वाणिज्य मञ्च हो जसको प्रधान कार्यालय बङ्गलादेशको राजधानी ढाकामा अवस्थित छ। यो बङ्गलादेशको सबैभन्दा ठूलो इ-वाणिज्य कम्पनीहरू मध्ये एक हो। कम्पनीले फेब्रुअरी २०१३ देखि निरन्तर रूपमा कार्य सञ्चालन गर्दै आइरहेको छ। प्रियसप डटकम खुद्रा व्यापारमा आधारित अनलाइन व्यापारीक मञ्च पनि हो। यसले विभिन्न क्षेत्रका विस्तारित सामग्रीहरूको खुद्रा व्यापार गर्दै आइरहेको छ। यसले हाल सम्म, इलेक्ट्रोनिक र जीवनका लागि आवश्यक समानहरू जस्तै जुत्ता, चप्पल, श्रृङ्गार सामग्री, घरेलु उपकरणका साथै स्वास्थ सम्बन्धित सामग्रीहरूको बिक्री वितरण गर्दै आइरहेको छ।

प्रियसप डटकम

पर्दा चित्रण
साइटको प्रकार	ई-वाणिज्य, किनमेल, अनलाइन पसल
उपलब्ध भाषा	बाङ्ला, अङ्ग्रेजी
संस्थापित	फेब्रुअरी 7, 2013 (2013-०२-07)
मुख्यालयहरू	ढाका
सेवा क्षेत्र	बङ्गलादेश
मालिक	प्रियसप डटकम लिमिटेड
संस्थापक (हरू)	आसिकुल आलम खान (संस्थापक) दिप्ति मण्डल (सह-संस्थापक)
सेवाहरू	अनलाइन किनमेल
कर्मचारीहरू	१६४ (सन् २०१९)
युआरएल	प्रियसप.कम
व्यवसायिक	हो
दर्ता	आवश्यक
वर्तमान स्थिति	चालू

इतिहास

प्रियसपका संस्थापक आसिकुल आलम खान हुन्। यसलाई ७ फेब्रुअरी २०१३ का दिन स्थापना गरिएको थिए। प्रियसपले आफ्नो यात्रा बङ्गलादेशमा रहेको ७०० वर्ग फिट कार्यालयबाट सुरुवात गरेको थियो। यसको सुरुवात जम्मा तीन जनाले एक समूहले गरेको थियो। गृह आपूर्तिमा लगानी गर्ने यो देशको पहिलो कम्पनीहरू मध्ये एक हो। यसको आपूर्ति सञ्चालन कार्य हाल बङ्गलादेश]]को राजधानी ढाका देखि प्रमुख सहरहरूमा रहेको छ। अन्य क्षेत्रमा समानहरू पुर्‍याइदिनका लागि प्रियसपले विभिन्न आपूर्ति कार्ताहरूको साथ लिएको छ।

सञ्चालन तथा सेवाहरू

प्रियसप शुसाङ्ख्य, सञ्चार तथा ग्राहक नमूनामा आधारित छ जसमा ६० जना भन्दा बढी कर्मचारीहरू कार्यरत छन्। प्रियसपका देश भरिमा ५ वटा गोदामहरू रहेका छन् जसले समानहरू पुर्‍याउने र ल्याउने काम गर्दछन्। कम्पनीले लाभ हुलाक कार्यालय सञ्जाल मार्फत उठाउने गरेको छ जसमा १ देखि २ माइल दूरी सम्ममा ८००० भन्दा बढी हुलाक कार्यालयहरू रहेका छन्। प्रियसपको आफ्नै वेबसाइट तथा एन्ड्रोइड र आइओएसका लागि छुट्टाछुट्टै अनुप्रयोगहरू छन् जसबाट ग्राहकहरूले समान तथा उत्पादनहरू मगाउने गर्दछन्। यसले बङ्गलादेशमा, चीनको प्रख्यात इ-वाणिज्य सेवा वा खुद्रा विक्रेताहरू जस्तै अलिबाबा समूह, संसारकै सबैभन्दा ठूलो इ-वाणिज्य सेवा प्रदान गर्ने वेबसाइट ताओबाओ र दोस्रो ठूलो इ-वाणिज्य सेवा प्रदान गर्ने वेबसाइट टिमलका सेवा तथा उत्पादनहरू पनि स्थानीय मुद्रामा खरिद गर्ने मिल्ने जस्तो सर्वाधिक लोकप्रिय सुविधाहरू पनि सञ्चालन गर्दै आइरहेको छ। प्रियसपका ग्राहकहरूले मगाएका समानहरू प्रियसपको प्रमुख साझेदार बङ्गलालिङ्कको सिमान्त क्षेत्रबाट आउने गर्दछ।

साझेदारहरू

प्रियसपका साझेदारहरू यस प्रकारका छन्:

१) विकास

२) डिमनी (गृह तथा गोदाम प्रणालीको विकासको लागि)

३) माइक्रोसफ्ट

४) बाङ्लालिङ्क

५) एटुआई

६) योङ बङ्ला

बाह्य कडीहरू

• आधिकारिक वेबसाइट