बाङ्लालिङ्क

बङ्गलालिङ्क (बङ्गाली: বাংলালিংক) दक्षिण एसियामा अवस्थित, बङ्गलादेशको तेस्रो ठूलो मोबाइल सेवा प्रदायक हो। बाङ्लालिङ्क डिजिटल सञ्चार लिमिटेड, (पूर्व ओरास्कम टेलिकम बङ्गलादेश लिमिटेड) टेलिकम भेन्चर्स लिमिटेडको पूर्ण स्वामित्वमा रहेको छ। (पूर्व माल्टाको ओरास्कम दूरसञ्चार भेन्चर्स लिमिटेड), हाल विश्वव्यापी दूरसञ्चार नियन्त्रक कम्पनीको एक १००% सहायक कम्पनी हो। अप्रिल २०११ मा, भियोन र विन्ड टेलिकम एसपीए बीच यस व्यवसायिक संयोजनपछि, भियोन, ग्लोबल दूरसञ्चार नियन्त्रकको ५१.९२% सेयरको मालिक बनेको थियो। भियोन, रूस, यूक्रेन, कजाखस्तान, उजबेकिस्तान, आर्मेनिया, जर्जिया, किर्गिस्तान, अल्जेरिया, पाकिस्तान र बङ्गलादेशका लगायतका देशहरूमा ब्रोडब्यान्ड मोबाइल र निश्चित प्रविधि माध्यमबाट आवाज र डाटा सेवाहरू प्रदान गर्ने विश्वको सबैभन्दा ठूलो एकीकृत सीमित दूरसञ्चार सेवा प्रदायकहरू मध्ये एक हो। भियोनको मुख्यालय नेदरल्यान्ड्सको राजधानी एम्सटर्डममा अवस्थित छ।

बङ्गलालिङ्क डिजिटल सञ्चार लिमिटेड

व्यवसाय प्रकार	नियन्त्रित कम्पनी
उद्योग	दूरसञ्चार
स्थापित	नोभेम्बर १९९६ (१९९६-११)
केन्द्रीय कार्यालय	Tigers' Den, House#SW(H)04, Bir Uttam Mir Shawkat Sharak, Gulshan-1, ढका , बङ्गलादेश
सेवा क्षेत्र	बङ्गलादेश (राष्ट्रब्यापी )
मुख्य व्यक्ति	एरिक एस,
उत्पादनहरू	मोबाइल टेलिफोन, एज, विमोसप्र, जिपिआरएस, विमोदूस, एचएसडिपिए, एचएसयुपिए, एचएसपिए, एचएसपिए+, दीर्घकालीन सञ्जाल
मूल सङ्गठन	भियोन
वेबसाइट	बाङ्लालिङ्क.नेट

बाङ्लालिङ्कले दुई वर्ष भन्दा कम समयमा वा डिसेम्बर २००५ सम्म १ मिलियन प्रयोगकर्ता र अक्टोबर २००६ मा ३ मिलियन प्रयोगकर्ताहरूबाट समर्थन प्राप्त गरेको थियो। डिसेम्बर २००७, बाङ्लालिङकले ७.१ मिलियन भन्दा बढी ग्राहकहरूका साथ, एक्टेल (हाल रोबी) लाई उछिन्दै बङ्गलादेशको दोस्रो ठूलो दूरसञ्चार कम्पनी बनेको थियो।

अगस्ट २०१८ सम्म, बाङ्लालिङकले ३३.४ मिलियन प्रयोगकर्ताका साथ २१.८८% बजार साझेदारी गरेको थियो। यो विश्वव्यापी सञ्चार नियन्त्रक कम्पनी (अरबीको अनुवादित नाम) स्वामित्वमा रहेको माल्टाको दूरसञ्चार भेन्चर्स लिमिटेडको एक पूर्ण स्वामित्वमा रहेकोे सहायक कम्पनी हो।

बाङ्लालिङ्कले डिसेम्बर २००५ सम्म १.०३ मिलियन प्रयोगकर्ताहरूका माझ सेवा प्रदान गरेको थियो। बाङ्लालिङ्कका प्रयोगकर्ताहरूको सङ्ख्या २५७ प्रतिशतले वृद्धि हुँदै, सन् २००६ को अन्तमा ३.६४ मिलियन भन्दा बढी नाघेको थियो, र त्यस वर्षको विश्वमा सबैभन्दा तेस्रो बढ्दो दूरसञ्चार कम्पनी बन्न सफल भएको थियो। अगस्ट २००६ मा, बाङ्लालिङ्क पहिलो पोस्टपेड र प्रीपेड जडानका लागि बङ्गलादेश दूरसञ्चार कम्पनी लिमिटेडबाट निशुल्क आगमन कलहरू उपलब्ध गराउने पहिलो कम्पनी बनेको थियो। २० अगस्ट २००८ मा, बाङ्लालिङ्कका प्रयोगकर्ताहरूको सङ्ख्याले १ करोड नाघेको थियो।

इतिहास

शेबा टेलिकम (प्रा) लिले सन् १९८९ मा अनुमतिपत्र प्राप्त गरेको थियो। जसमा यसले बङ्गलादेशका १९९ वटा उपजिल्लाका ग्रामिण भेगमा कार्य सञ्चालन गरेको थियो। पछि यसले नोभेम्बर १९९६ मा राष्ट्रव्यापी १५ वर्षीय विमोसप्र अनुमतिपत्र प्राप्त गरेको थियो। नोभेम्बर १९९६ मा यसले आफ्नो व्यापारलाई बढाई सेलुलर मोबाइल, रेडियो टेलिफोन सेवामा विस्तार गरेको थियो।

गुलसनमा रहेको बाङ्लालिङ्कको प्रधान कार्यलय

सञ्जाल

बाङ्लालिङ्कले हालै कुल आवृत्तिको ५३ प्रतिशतले १०.६ मेगाहर्ज आवृत्ति हासिल गरी ३,००० करोड टाका कमाएको छ। कम्पनीले फेब्रुअरी २०१८ मा चौथो पुस्ता इजाजत पत्र प्राप्त गरेको थियो र ९,५०० आधार स्टेशनहरू मध्य ४०० मा आफ्नो चौथो पुस्ता सेवाहरू उपलब्ध गराएको थियो। यसले हालको सञ्जाल अवस्था सुधार गर्न १ अरब अमेरिकी डलर भन्दा बढी लगानी गरेको थियो।

बाह्य कडीहरू

• बाङ्लालिङ्कको आधिकारिक वेबसाइट
• बाङ्लालिङ्कको बारेमा