न्युटन (अनुप्रयोग)

न्युटन आइओएस, एन्ड्रोइड, म्याकओएस , विन्डोज र क्रोम ओएसको लागि क्लाउडम्यमजिक निगमद्वारा विकसित एक इ डाँक प्रबन्धन अनुप्रयोग हो। अनुप्रयोग यसको खोज क्षमता, बहु-मञ्च क्षमता र प्रयोगकर्ता अन्तरमुख लागि परिचित छ। यसलाई जीमेलको मूल अनुप्रयोग भन्दा उत्तम ई-डाँक सेवाको रूपमा उल्लेख गरिएको छ। १५ सेप्टेम्बर २०१६ देखि क्लाउडम्याजिकले नयाँ सुविधा र कार्य आयोजनाको थप गर्दै भुक्तान सेवाहरूको रूपमा न्युटन मेलमा पुन: नामकरण गरिएको थियो।

न्युटन

पर्दाचित्रण आइफोन एक्समा चलिरहेको न्युटनको पर्दा चित्रण
निर्माणकर्ता (हरू)	क्लाउडम्याजिक, निगम
सञ्चालन प्रणाली	आइओएस, एन्ड्रोइड, विन्डोज, क्रोम ओएस, म्याक ओएस
उपलब्ध भाषाहरू	अरबी, डच, अङ्ग्रेजी, फ्रान्सेली, यहूदी, इण्डोनेसियाली, इटालीयाली, जापानी, कोरियाली, पोल्याण्डि, पोर्चुगाली, रोमानियाली, रूसी, सरलीकृत चिनियाँ, स्पेनी, स्विडेनी, थाई, परम्परागत चिनियाँ
प्रकार	इ-डाँक पाठक
अनुमति पत्र	स्वामित्व (सेवाको रूपमा सफ्टवेयर)
वेबसाइट	newtonhq.com

७ अगष्ट २०१८ मा, न्युटनले २५ सेप्टेम्बर २०१८ मा सेवालाई पूर्ण रूपमा बन्द गर्ने घोषण गरेको थियो। ५ फेब्रुअरी २०१९ मा, एसेन्सियल प्रोडक्ट्स नामक कम्पनीले अधिग्रहण गरे पश्चात् यो पुनः सञ्चालनमा आएको थियो।

विशेषता

न्युटनले जिमेल, हटमेल , याहु! मेल, आउटलुक डटकम, आइक्लाउड, गुगल अनुप्रयोग, माईक्रोसफ्ट विनियम, अफिस ३६५, मेल डटकम, जिएमएक्स, एओएल र इण्टरनेट सन्देश पहुँच स्तर, खाताहरूका लागि समर्थन प्रदान गर्दछ। अनुप्रयोग हाल आइओएसका लागि, आइओएस ८ र माथिको चलिरहेका सबै आइओएस उपकरणहरू र एन्ड्रोइड उपकरणका लागि ४.० देखि माथिको चलिरहेको एन्ड्रोइड उपकरणहरूमा उपलब्ध छ। गुगलले क्रोमबुकमा एन्ड्रोइड अनुप्रयोगहरू ल्याउने निर्णय गरे लगत्तै, न्युटन क्रोम ओएसको पहिलो अनुप्रयोगहरू मध्येको एक बनेको थियो।

मार्च २०१४ मा, न्युटनले कार्डहरूको घोषणा गरेको थियो, जसले लोकप्रिय सेवाहरू जस्तै एभरनोट, पकेट, ट्रेलो, आसना, माइक्रोसफ्ट वननोट, सेल्सफोर्स डटकम, [[जेण्डेक र तिनीहरूका प्रत्यक अनुप्रयोगहरूसँग जडान एकीकरण गर्दछ। कार्डहरूले प्रयोगकर्ताहरूलाई उनीहरूको ई-डाँक छोडे बिनानै आफ्नो कार्यप्रवाह पूरा गर्न सजिलो बनाउँदछ। जुन २०१४ मा आयोजना भएको गुगल आइ/ओमा न्युटन वेर ओएस समर्थन गर्ने पहिलो अनुप्रयोगहरू मध्ये एक भएको घोषण गरिएको थियो।

जनवरी २०१५ मा, न्युटनले, मासिक $९९ र वार्षिक $९९.९९ गरी "प्रो" सदस्यता सेवाको सुरू गरेको थियो जसले अन्य सुविधाहरू मध्ये पाँच भन्दा बढी डाँक खाता थप्न, प्राथमिकता र स्वरूप समक्रमण लगायतलाई अनुमति दिएको थियो। प्रो सदस्यता सोही वर्षको अप्रिलमा बन्द गरिएको थियो। अप्रिल २०१६ मा, न्यूटनले प्रेषक प्रोफाइलको परिचय गर्द आंशिक रूपमा भुक्तान सेवाहरूको सञ्चालन गरेको थियो।

१४ सेप्टेम्बर २०१६ मा क्लाउडम्याजिकलाई न्यूटनमा पुन: नामाकरण गरिएको थियो र सदस्यता शुल्क मुल्य सन् २०१५ को प्रो सदस्यताको समान दरमा समायोजित भएसँगै यसलाई जुलाई २०१८ सम्मको परिचयात्मक दरमा सुरु गरिएको थियो। उक्त परिवर्तनले प्रयोगकर्ताहरूबाट आएको नकारात्मक प्रतिक्रियाहरूसँग सामना गरेको थियो।

डिसेम्बर २०१८ मा, एसेन्सिएल प्रोडक्ट्सले क्लाउडम्याजिकलाई अधिग्रहण गरेको थियो।

समीक्षा

न्युटनले सकारात्मक समीक्षाहरू प्राप्त गरेको छ।

डेस्कटपमा लगातार डाँक सेवामा ध्यान केन्द्रित गर्दै, यसको विचलन-मुक्त बनावटका साथ, न्युटनलाई केहीले म्याकको लागि उत्तम डाँक प्रदायकको रूपमा लिएका थिए। अप्रिल २०१४ मा, न्युटनले "सर्वश्रेष्ठ दृश्य बनावट - सुविधा" का लागि वेबी पुरस्कार प्राप्त गरेको थियो। सेप्टेम्बर २०१४ मा, न्युटनले इभरनोट मञ्च पुरस्कारमा "सर्वश्रेष्ठ बनावट"को रूपमा पुरस्कार जितेको थियो। प्रयोगकर्ताको संलग्नतालाई सुधार गर्नक लागि सादा पाठ ई-डाँक प्रयोग गरेकोमा यो वास्तवमै राम्रो डाँक भएको भनी प्रशंसा गरिएको थियो।

बाह्य कडीहरू

आधिकारिक वेबसाइट